JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ladauk halo pagamentu ba otél, Governu hamate kompañia sira

Ladauk halo pagamentu ba otél, Governu hamate kompañia sira

Deputada CNRT, Maria Fernanda Lay, konsidera Governu hamate kompañia privadu sira ne’ebé mak Governu utiliza sira nia otél sai fatin kuarentena durante surtu Corona Virus Disease 2019 (COVID-19), tanba to’o ohin loron  Governu seidauk halo pagamentu ba sira.

“Otél ne’ebé uza ba kuaretena la’ós iha Díli de’it, maibé inklui mós iha munisípiu sira, tanba iha semana kotuk ami ba munisípiu Manatuto Governu seidauk halo pagamentu ho valor 38000 no Baucau, maske ita hakarak apoiu setór privadu, maibé por outru lado ita oho kuaze fulan tolu (3). Ha’u la komprende Governu dekreta Estadu Emerjénsia (EE), maibé ita halo pagamentu prosesu sira uza normal. Kompañia sira ne’e Governu mak bolu no liu husi Governu laiha preokupasaun atu husu sira nia sertifikadu, agora foin mak husu sertifikadu no dokumentu ne’e halo konfuzaun de’it”, deputada bankada CNRT ne’e liu husi ninia intervensaun iha plenária, Segunda (06-07-2020).

Fernanda Lay Subliña katak, maske dau-daun ne’e Timor-Leste sai ona husi EE, maibé seidauk halo pagamentu ba otél sira ne’ebé Governu kontrata hodi uza ba kuarentena.

“Parlamentu Nasionál (PN) aprova ona orsamentu pedidu levantamentu Fundu Petrolíferu (FP) ba faze dahuluk ho montante USD millaun 250 no ba segunda faze ho montante USD tokon 200 resin, maibé Governu to’o ohin loron seidauk halo pagamentu, ne’e signifika laiha kapasidade ezekusaun”, tenik deputada bankada CNRT ne’e.

Hatan ba kestaun ne’e, Ministru Asuntu Parlamentár no Komunikasaun Sosiál (MAPKS), Francisco Jeronimo, rekoñese Governu ladauk halo pagamentu ba otél sira, tanba sei hadia kontratu.

“Prosesu pagamentu ne’e ita tenke hadia lai kontratu sira, bainhira kontratu laiha mak ita halo pagamentu de’it, ha’u hanoin ita ulun moras, maske EE, maibé atu halo pagamentu tenke iha kontratu ita bele koalia EE, ita bele haksoit buat balun tenke iha kontratu, ita bele hatene osan hira mak ita atu selu otél nia kontratu ho kama hira ita tenke iha serteja nia ne’e bele iha termu sertu atu selu. Dau-daun ne’e iha prosesu ne’ebé atu hadia fali halo kontratu, nune’e bele halo ona pagamentu, halo invoice bele halo ona pagamentu”, dehan MAPKS ne’e.

Lee hotu :   Sahat Sitorus triste negosiante Kampung Alor fila ba Indonézia

Antes ne’e, Ministra Saúde, Odete Maria Freitas Belo, hateten, dau-daun ne’e iha ona orsamentu atu halo pagamentu, maibé Ministériu Saúde mós sei halo verifikasaun ba dokumentu hotu, ho nune’e mak halo pagamentu atraza. ety

Add to Comments Here!!!!

error: Content is protected.
Secured By miniOrange
You might also like:
Zero toleránsia ba membru PNTL inklina iha GAM

Komandante Jerál PNTL, Komisáriu Faustino da...

Xanana sei buka tuir saudozu Nicolau Lobato nia ruin

Líder karismátiku Kay Rala Xanana Gusmão...

Problema ekonomia implika kompañia 20 taka permanente

Kompañia 20 hato’o ona pedidu hodi...

Close