JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FONGTIL: OJE 2020 la benefísia povu

FONGTIL: OJE 2020 la benefísia povu

Forum Organizasaun Naun Govermentál Timor-Leste (FONGTIL) haktuir, Orsamentu Jerál Estadu (OJE) tinan 2020 ho montante billiaun USD 1.4 ne’ebé aprova ona iha Parlamentu Nasionál (PN) no hetan ona promulgasaun husi Prezidente Repúblika (PR), sei la benefísia ba povu, tanba hela fulan rua tempu la sufisiente atu ezekuta OJE 2020 no sei benefísia de’it ba mákina Estadu.

Tuir Diretór FONGTIL, Daniel Santos do Carmo, OJE tinan 2020 ne’ebé hetan ona promulgasaun imposível Governu halo ezekusaun durante fulan rua nia laran no orsamentu ne’e sei la sirkula to’o iha povu, maibé fundu refere bele benefísia de’it projetu sira ne’ebé seidauk finaliza iha tinan 2019.

Daniel esplika, OJE 2020 liga ho pakote rekuperasaun ekonómika, maibé orsamentu ne’e seidauk bele resposta ba rekomendasaun sira ne’ebé ekipa elaboradór sira rekomenda.

“Ha’u hanoin fulan rua ne’e nia benefísiu ba povu ne’e imposível, tanba karakter OJE 2020 ne’e ba de’it ba funsiona mákina Estadu no ba de’it projetu kontinuasaun 2019 no hein bele finaliza”, dehan, Diretór FONGTIL ne’e ba GMN via telefone, Sesta (23/10/2020).

Daniel hatutan, OJE 2020 ba fulan rua ne’e benefísia de’it ba Estadu, tanba orsamentu ne’e la investe iha área importante sira hanesan edukasaun, saúde, agrikultura no seluk tan.

Alende ne’e, FONGTIL mós iha esperansa ba OJE 2021 ne’ebé Governu aprezenta ona ba PN iha loron 15, fulan Outubru, presiza hetan aprovasaun, tanba laiha OJE sei fó implikasaun ba povu no nasaun.

“Ba orsamentu 2021 ne’e ita haree katak ho programa rekuperasaun ekonómika dalaruma ita preokupa ho alokasaun ba setór produtivu sira, ita-nia esperansa mak OJE 2021 ne’e Governu bele tau investimentu husi orsamentu boot liu ba iha setór produtivu sira hanesan edukasaun, saúde, agrikultura no infraestrutura báziku”, tenik Diretór FONGTIL ne’e.

Entretantu Orsamenta Jerál Estadu (OJE) tinan 2021 ne’ebé Governu aprezenta ba PN iha loron 15, fulan Outubru ne’e, ho montante billiaun USD1.895. Diz

Lee hotu :   Timor-Leste kontinua depende sasan importasaun

Add to Comments Here!!!!

error: Content is protected.
Secured By miniOrange
You might also like:
Suspeitu ida foti bebé halai sai husi HNGV

Suspeitu ida foti  bebé  halai sai...

Xanana: Planu atu dezenvolve TL hahú iha Lequidoe

Komunidade suku hitu iha postu administrativu...

Ekipa konjunta IJE identifika SAMES sosa medikamentu balun la tuir padraun

Ekipa konjunta kompostu husi Komisaun Anti...

Close