Governu sei halo pagamentu ba funsionáriu MF prepara OJE 2020

Ministru Prezidénsia Konsellu Ministru (MPKM), Fidelis Leite Magalhães, informa, Governu aprova projetu dekretu lei hodi halo pagamentu suplementár ba funsionáriu iha Ministériu Finansas (MF), ne’ebé prepara Orsamentu Jerál Estadu (OJE) tinan 2020.

Aprova ona mós, projetu dekretu Governu nian ne’ebé aprezenta husi Ministra Finansa ein ezersísiu kona-bá pagamentu suplementár ba funsionáriu no ajente sira afetu ba prosesu preparasaun OJE tinan 2020 no tinan 2021 no taka konta jerál Estadu tinan 2020 nian”, MPKM ne’e iha Palásiu Governu, Sesta (20/11/2020).

Governante ne’e hatutan, suplementu ida ne’e ho objetivu atu kompensa volume estraordináriu servisu husi funsionáriu no ajente sira MF ba prosesu preparasaun 0JE tinan 2020 nian.

“Ida ne’e la’ós foin halo iha tinan ida ne’e, maibé tinan hirak liu ba mós halo, wainhira funsionáriu MF sira remata ona proposta Estadu nian”, afirma Fidelis. cin