JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu tenke klarifika razaun FP simu saláriu atraza

Governu tenke klarifika razaun FP simu saláriu atraza

Bankada Congresso Nacional Reconstrução Timorense (CNRT), husu ba VIII Governu atu klarifika ho loloos razaun saida mak halo atraza pagamentu saláriu ba Funsionáriu Públiku (FP) sira, inklui pagamentu ba empreza sira ne’ebé mak fornese ai-han ba kuarentena no fornese ai-han ba programa sesta bázika.

Deputada bankada CNRT, Maria Fernanda Lay, dúvida tanba Governu deklara osan iha no ezekusaun la’o, maibé pagamentu ba saláriu funsionáriu sira tarde no empreza sira la la’o kompara ho fulan hirak ba kotuk.

“Tuir observasaun ami nian ezekusaun OJE 2020 nian, osan restu barak iha ne’ebá, agora tanba sa mak la selu ema, ida ne’e ha’u mós la hatene, kas mak laiha ka? problema iha ne’ebé la hatene, ne’e Governu mak tenke esplika. Sé ezekusaun ba OJE la’o ona, tanba sa mak sesta bázika emprezáriu lubuk ida komesa hakilar, nune’e mós Orsamentu iha Ministériu sira, ita haree rasik katak, saláriu de’it mós seidauk selu, sé ezekusaun la’o ona, metin hela iha ne’ebé. Banku Sentrál mós hateten laiha problema, agora problema iha ne’ebé? tanba saida mak seidauk selu ema? ami mós husu malu. Tanba fula-fulan dia 20 to’o 22 simu ona saláriu, maibé agora laiha informasaun, ami rasik husu ba malu, saida mak akontese ami la hatene”, Eis Prezidente Komisaun C ne’ebé trata asuntu finansa públika ne’e ba GMN iha PN, Segunda (25/01/2021).

Deputada bankada CNRT preokupa mós orsamentu ba désimu terseiru ne’ebé Governu promete atu selu iha fulan kotuk ba Natal ho anu novu, balun ninian to’o agora seidauk selu no lori fali mai iha OJE 2021.

Bankada CNRT dau-daun ne’e hein hela relatóriu hosi Governu kona-bá pagamentu ba empreza sira.

“Tanba ami hein relatóriu, sé sesta bázika de’it emprezáriu sira ne’ebé fornese ai-han hanesan catering  ba  COVID nian rasik, hanesan akontese iha fronteira mós la selu to’o agora, ne’e deputadu hosi bankada FRETILIN rasik mak foti asuntu ne’e, tanba sa? Ida ne’e komplikadu, osan restu sei barak tanba sa mak seidauk selu?. Ida ne’e ami hein konta jerál mai mak ami sei husu, tanba konta taka ona, maibé nia saldo hira, depois de auditoria mak ita sei verifika iha ne’ebá”, afirma Deputada Fernanda Lay.

Alénde ne’e, deputada opozisaun ne’e mós haktuir katak, deputadu no funsionáriu tomak PN to’o agora seidauk simu saláriu ba fulan Janeiru tinan 2021 nian.

“Ami rasik to’o agora seidauk simu vensimentu, abitualmente iha Janeiru demora, maibé la’ós demora to’o hanesan ne’e, la hatene tanba saida?”, tenik nia.

Relasiona ho kestaun ne’e, GMN tenta konfirma ho bankada Governu, liu-liu FRETILIN, maibé deputadu sira la konsege fó komentáriu, tanba okupadu ho servisu.

Maske nune’e, Orsamentu Jerál Estadu (OJE) tinan 2021 ho montante USD billiaun 1.895, Xefe Estadu promulga ona iha fulan Dezembru, tinan 2020 no iha loron 11, fulan ne’e, Governu deklara hahú ezekuta OJE 2021.

Antes ne’e, Ministru Prezidénsia Konsellu Ministru, Fidelis Leite Magalhães, husu ba públiku atu labele fiar rumor kona-bá osan kas laiha, tanba bainhira orsamentu promulgadu automatikamente iha ona transferénsia hosi Banku Federál Amérika.

Ministru Finansa, Rui Gomes mós deklara, saldo tezouru tinan 2020 nian sei iha USD tokon 325. say

Lee hotu :   Horta : Situasaun polítika fo impaktu negativu ba ekonomia

Add to Comments Here!!!!

error: Content is protected.
Secured By miniOrange
You might also like:
Ohin, PN presta omenajen ba deputadu Guntur

Parlamentu Nasionál (PN) ohin Segunda (25/01)...

MS adia data mass screening

Koordenadora Jerál Komisaun Nasionál COVID-19, Odete...

Igreja uza thermo scanner sukat sarani sira-nia temperatura

Igreja Katólika iha Domingu (24/01/21) hahú...

Close