JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Aero Dili oferese aviaun patrolhamentu ba F-FDTL

Aero Dili oferese aviaun patrolhamentu ba F-FDTL

Kompaña nasional Aero Dili, Sesta (25/5/2018), ofisialmente oferese aviaun patrolhamentu ida ba Komando FALINTIL-Forsa Defesa Timor-Leste (F-FDT).

Serimonia entrega ne’e halao iha Aeroportu Interlasional Prezidenti Niocolau Lobato, Comoro, Dili, husi Direktor Aero Dili, Lourenço de Oliveira, ba Primeiru Ministru (PM), Mari Alkatiri, ne’ebe asisti mos husi Ministru Defeza no Seguransa (MDS), José Agostunho Sequera “Somotxo”, inklui ofisiais sira F-FDTL nian ho mos membru Governu balun tan.

PM Mari Alkatiri hateten, prezensa aviaun ne’e atu semo ba teritoriu Timor-Leste, liu-liu atu halo vizilansia ba fronteira sira.

“Aviaun ne’e oferta husi emprezariu Timor-oan, Lourenço de Oliveira ba F-FDTL, para hahu semo ba ita nia fronteira maritima no terestre para bele halo vigilansia ba ita nia rain,” hateten PM Mari Alkatiri.

Alkatiri subliña katak, aviaun ne’e la’os atu halo funu. Maibe halo vigilansia iha liña fronteira. Importa mos, tuir Alkatiri, tenke prepara an para halo manutensaun, tanba aviaun la’os hanesan ho kareta, basa, aviaun nia manutensaun husi kedas nia semo maka to’o mai rai.

Mari Alkatiri fo sasin katak, dadaun ne’e dezenvolvimentu forsa li-liu iha aero nian seidauk diak, tanba foin hahu, maibe antes ne’e forma ona membru F-FDTL hodi ba tuir kursu kona ba pilotu ninian. Maske nune’e, seidauk kondus aviaun ho oras rihun ida, seidauk bele sai kapitaun aviaun.

“Aviaun foun ida, ne’ebe tenke define didiak area ne’ebe maka bele ba, Timor-Leste rai ki’ik, maibe nia tasi boot liu fali rai, tanba ne’e tenke hare area ne’ebe fo prioridade,” hateten Alkatiri.

Iha fatin hanesan, Xefi Gabineti xefi Estado Maior Forsa Armadas, Tenenti Coronel Haksolok, kontenti tebes ho oferta ne’e, tanba foin ba dala uluk iha historia F-FDTL nian simu oferta aviaun ne’e.

Lee hotu :   Faustino: Kazu oknum PNTL barak mak pendente iha komandu jerál

“Instituisaun Militar senti kontenti tebes ho prejente furak ne’e, tanba F-FDTL harii ona tinan 10 resin, primeira vez Governu liu husi kompaña nasional Aero Dili oferese prejenti boot ida ne’e mai ami,” hateten Haksolok.

Nia promote katak, F-FDTL sei kuida aviaun ne’e, mesmu iha tinan ida nia laran Aero Dili mak sei responsabilidade ba manutensaun, mas ba oin, sei koordena nafatin kona-ba manutensaun nian.

Tuir Tenenti Coronel Haksolok katak, Instituisaun F-FDTL iha rekursu ne’ebe sufisiente tebes, no dadaun ne’e membru F-FDTL nain 3 maka hasai ona kursu hanesan kapitaun hodi lori aviaun.

Tenenti Coronel Haksolok mos dehan, aviaun ida ne’ebe oferese seidauk sufisiente, tanba ho primeira oferta ne’e loke dalan ba komponente Aero, tanba komponente Aero antes ne’e estabelese, maibe seidauk funsiona, tanba laiha ekipamentu.  No dadaun ne’e, aviaun patrolhamentu aero ne’e responsabiliza husi Komponente Naval-Hera.

 Direktur Aero Dili, Lourenço de Oliveira, hateten, antes ne’e nia fase aviaun no hamos karau ten iha aviaun lolon, maibe agora nia hakarak oferese aviaun ida ba F-FDTL.

“Uluk iha tinan 1978-1979 hau hamoos ema nia aviaun, hau maka ida bagian fase karau ten iha aviaun lolon, maibe agora hau hakarak oferese netik ida ba hau nia nasaun, aviaun sosa husi Amerika tau iha aviaun  nia container no tekniku husi Amerikanu sira maka mai monta iha Timor hodi oferese ba F-FDTL. Aviaun ne’e nia folin la boot, la to’o US$ 300,000, maibe manutensaun maka tenke halo hela deit,” hateten Lourenço de Oliveira ho matan wen.

Aviaun patrulhamentu Aero ne’e, Direktur Kompanhia Aero Dili, Lourenço de Oliveira  sosa uza ninia osan rasik, maibe Lourenço de Oliveira dehan, nia oferese aviaun ne’e la’os tanba nia osan barak.

Lee hotu :   Governu sei haruka advogadu ba Repúblika Indonézia

“Hau sosa aviaun ne’e lo’os atu hatudu katak hau iha osan, maibe tanba hau hare kuandu maun boot Xanana Gusmão asina ona fronteira maritima, ita tenke iha netik buat ida para halo patrulhamentu netik iha ita nia fronteira hodi kontrola ita nia rain, objetivu hau nian maka apenas saida maka hau bele fo ba hau nia nasaun,” tenik Lourenço de Oliveira.

Lourenço de Oliveira husu ba pilotu hirak ne’ebe sei utiliza aviaun katak sai pilotu la’os tenke kuidadu, pasiensia, no check buat hot-hotu antes semo, no kuidadu aviaun hanesan nian rasik hodi nune’e bele dura to’o tinan naruk. Aviaun Patrulhamentu ne’ebe ofrese husi Aero Dili ne’e sosa rasik husi kompaña Aero Dili provolta US$ 250,000 husi Amerika. mia

Add to Comments Here!!!!

error: Content is protected.
Secured By miniOrange
You might also like:
Karik laiha relasaun diak ho VIII Governu, Alkatiri sei la fila ba RAEOA

Primeiru Ministru (PM), Mari Alkatiri ne’ebe...

Kazu ema hurlele Oecusse-oan, PDHJ eziji mandadu kapturasaun Tribunal

Provedor ba Provedoria dos Direitos Humanos...

SEJT sei limita traballador estranjeiru ■Nain 3.158 mak servisu iha TL

Sekretáriu Estadu Juventude no Traballu (SEJT),...

Close