JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Presiza kria lei espesífiku kriminaliza kazu insestu

Presiza kria lei espesífiku kriminaliza kazu insestu

Maske kazu insestu hanesan aktu ne’ebé imoral iha família ida, maibé to’o agora Governu seidauk kria artigu ida ne’ebé espesífiku hodi kriminaliza kazu insestu ne’e.

Tanba ne’e Judisial Sistem Monotoring Programe (JSMP) kria diskusaun meza kabuar ho autor judisial, Governu, Parlamentu Nasional ho organizasaun sira atu bele halo alterasaun ba kodigu penal hodi kria lei espesífiku ida hodi kriminaliza kazu insestu.

Diretor JSMP Luis Oliveira hatete, desde tinan 2012 JSMP aprezenta ona sira nia relatório kona ba kazu insestu ba orgaun kompotente, maibé to’o agora sira seidauk hetan resposta, tan ne’e tinan 2018 ne’e JSMP aprezenta sira nia relatório hodi aktualiza fali dadus krime insestu ne’e hodi subliña no afirma ba Governu atu halo alterasaun, bele inkorpora insestu hanesan krime espesífiku ho sirkunstansia ne’ebé la hanesan ho krime violensia seksual, violensia seksual hasoru menor idade,  insestu ne’e amiasa abuzu autoridade no autor sira aproveita labarik inosensia hodi estraga vitima.

 “Konkluzasaun ne’ebé ami hetan iha diskusaun ohin ne’e hotu hotu hatudu sinal postivu husi autor justisa inklui Parlamentu Nasional hanesan orgaun legislador, sira prontu atu halo alterasaun, maibé presiza rona barak husi ami hodi bele konvensa ita nia Governu, tanba ita mos mai ho kultura ne’ebé bain bain ema bolu tuanangan, entaun ita presiza hare didiak ne’e, kuandu kriminaliza insestu dala barak ema hanoin ne’e mos kriminaliza, maibé tuanangan ho insestu ne’e la hanesan,’’ dehan Luis ba jornalista sira hafoin halo diskusaun iha salaun Igreja Presiteriana Ebenezer Caikoli, Kinta (20/09).

Luis hatete, hafoin diskusaun ne’e planu JSMP nia ba oin mak sira sei hasoru malu ho Ministru Justisa hodi aprezenta sira nia formulasaun ne’ebé sei deskute hodi halo alterasaun nune’e kria lei espesifikau id aba kazu insestu.

Lee hotu :   Situasaun jeral TL la´o kontroladu

Durante ne’e kazu insestu ne’ebé akontese autor justisa sira uja deit artigu 172 kona ba violasaun, 173 kona ba agravasaun ho 177 kona ba abuzau seksual ba menor idade, maibé tuir lolos kazu insestu tenki kriminaliza nia ketak, tanba la iha oan ida mak hakarak aman hola fali nia, maibé tanba nia iha situasaun ne’ebé la aseguru amiasa, nune’e halo vitima tenki monu ba situasaun sira ne’e.

Iha fatin hanesan prezidente komisaun A Parlamentu Nasional Carmelita Moniz konsidera insestu ne’e asuntu ne’ebé interesante tebes, tanba JSMP aprezenta sira nia relatório desde kedas tinan 2012 kona ba insestu no Governu seidauk hola pozisaun, tanba presiza rona barak no presiza hare didiak, kuandu halo alterasaun tenki hare nia grau ne’e to’o iha ne’ebé no nia kriteria saida mak bele dehan aktu refere kategoria insestu.

“Ita la iha kultura ne’ebé dehan aman hola oan, aman padrastu hola oan, avo mane hola beioan, ou inan mak hola oan ne’e ita la iha, agora ita liga ba halo alterasaun, depende lei ne’e bele mai mos husi Parlamentu ou Governu, maibé importante mak tenki iha diskusaun makas no hetan dadus husi ho instituisaun sira hanesan JSMP para kuando aprova lei ne’e bele efikas ho nia implementasaun iha terenu,’’ esplika Carmelita.

Carmelita afirma presiza duni halo alterasaun hodi kriminaliza insestu ne’e, tanba tuir relatorio JSMP nian kazu refere akontese bebeik, maibé nia la promete atu halo alterasaun iha tempu badak nia laran, tanba Parlamentu deside proridade lei, maibé tenki iha koperasaun ho Governu tanba iha reforma legislativa Governu ho nia ajenda Parlamentu mos ho nia ajenda enatun parte rua tenki tur hamutuk hodi deside prioridade ne’ebé mak atu deskute.

Lee hotu :   Deolindo dos Santos: Juiz sira hala’o julgamentu kumpre konstituisaun no lei

Tuir relatório husi JMSP desde tinan 2012 to’o tinan 2018 JSMP registu ona kazu insestu hamutuk 48, maibé kazu refere JSMP indentifika deit ne’ebé maka tama iha tribunal no seidauk sura ho sira ne’ebé la halo keisa tanba moe ou sira ne’ebé akontese iha terenu JSMP la bele kobre, tanba la iha kapasidade rekrusu humanu. nia

Add to Comments Here!!!!

error: Content is protected.
Secured By miniOrange
You might also like:
Julio Hornay apela, Feto foin sa’e tenki kuidadu la’o sai ho namoradu

Komandante Jeral Polisia Nasional Timor Leste...

Molok halo pagamentu ba projetu Estadu, CCI-TL rekomenda forma komisaun avaliasaun

Câmara Comerçio no  Industria Timor-Leste (CCI-TL)...

GMN asina akordu kooperasaun ho BNU

Grupo Média Nasional ( GMN) ho...

Close