JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Filomeno Paixão: Polísia labele antesipa konfrontu iha fatin hotu

Filomeno Paixão: Polísia labele antesipa konfrontu iha fatin hotu

Ministru Defeza no Interior Interinu, Filomeno Paixão, rekoñese, Polísia Nasional Timor-Leste (PNTL) labele antesipa situasaun konfrontu iha fatin hotu-hotu.

Ministru Defeza no Interior Interinu (MDI) Filomeno Paixão, hateten Polisia Nasionál Timor-Leste (PNTL) labele antisipa situasaun konfronta iha fatin hotu-hotu. Filomeno hato’o lia hirak ne’e ba jornalista sira hafoin hala’o enkontru mensal ho prezidente repúblika Francisco Guterres Lú Olo,  iha Palasiu Prezidensiál Nicolau Lobato, Bairu Pite, Díli, Tersa (24/09/2019).

Hodi hatan ba preokupasaun líder organizasaun arte ritual Kolimau 2000  ne’ebé kestiona konaba kapasidade atuasaun PNTL ba kazu konfrontu entre membru Kolimau 2000 ho populasaun Ai-Mutin Díli iha segunda loron 23 fulan Setembru tinan nee.

“Ha’u rona ona relatóriu husi komisáriu polisia kona-ba kazu akontese iha Ai-Mutin, e sira husi Kolimau nian tun mai halo inagurasaun ba iha gruta ida, ne’ebé sira asiste misa, halo kultu relijioju, halo ho devosaun, no halo ho laran malirin, maibe atu fila mak buat ne’e manas fali, maibe la’os hotu-hotu, grupu seluk fila ona no iha grupu ida mak tama fali iha Ai-Mutin ne’eba iha provokasaun, e no fim para iha ne’eba mak akontese insidente ne’ebé que ita hotu hatene ona. Polísia labele iha fatin hotu-hotu, polísia iha fatin hotu-hotu karik, ita presiza polísia hira iha Timor-Leste? rihun ba rihun! Oras ne’e 20 anos, ita mos tenke iha ona konsiensia, ita labele sa’e trek tama iha populasaun nia leet, hodi buka bronkas,” hateten Ministru Defeza no Interior Interinu, Felomino Paixão.

Kazu konfrontu ne’e akontese entre membru balun husi organizasaun Kolimau 2000 ho populasaun Ai-Mutin ne’ebé akontese mais ou menus iha tuku 10 dader OTL hodi rezulta  ema na’in rua kanek todan no ida mate.

Lee hotu :   João Pires promete sei reforsa servisu minimiza movimentu ilegál

Maibe iha Segunda kalan mais ou menus tuku hitu liu ekipa konjunta husi PNTL halo kedas buska no detein suspeitu nain hat ne’ebé deskunfia involve iha kazu omisidiu ne’e.

PNTL kontinua identifika suspeitu

Polísia Nasionál Timor-Leste (PNTL), kontinua  identifika  suspeitu balun tan, ne’ebé mak  deskonfia involve  hodi oho mate Ivon da Silva iha Aimutin, Díli.

 “Suspeitu nain rua mak  ita kaptura ona,  agora  ita buka identifika tan ema  balun, ne’ebé prosesu tomak ita entrega ba  iha Polísia investigasaun hodi kontinua prosesu ba kazu ne’e”,esplika Komandante  Operasional nasionál  PNTL Superintendente Xefe  Pedro Belo ba  jornalista sira  Tersa (24/09/19) iha  Timor Plaza.

Alende ne’e, Pedro Belo,  haktuir,  kronlojia akontesimentu ba kazu ne’e katak, antes  ne’e iha seremonia  inagurasaun Gruta ida  iha Aituri-Laran, iha  Domingu ( 22/09/19) kalan oras Timor-Leste.  Iha seremonia ne’e  Polísia munisípiu Díli  hala’o  seguransa la’o diak tebes hetan apoiu husi membru Konsellu Polísiamentu Komunitária Lahane Oriental no apoiu membru Unidade Espesial Polísia, maibé depois  iha dader Segunda (23/09/19) ema ida-idak  atu fila-fali ba sira  ninia munisípiu.

  “Ita-nia Polísia sira akompaña, maibe depois sira to’o iha Unidade Espesial Polísia nia oin, iha grupu balun iha kareta laran konsege tolok Polísia Espesial sira, iha Bairu-Pite, depois sira kontinua viazen   ho kareta, ikus mai kareta ida mak iha konvoi laran Depois iha konboiu laran, kareta ida halai ses tiha ba iha fatin  seluk mak mosu konfrontu, ema balun hakilar depois ema balun tolok,  depois akontese tuda malu iha  Aimutin, momentu  rezulta ema ida mate I nune’e mós ema ida hetan kanek, depois responde kedas imediata hodi kaptura suspeitu hodi ba detein iha sela detensaun”,dehan Pedro Belo.

Lee hotu :   PR Lú Olo: F-FDTL no PNTL labele involve iha vida polítika

Mate isin Ivon da Silva transporta ona husi Hospital Nasionál Guido Valadares (HNGV) ba iha munisípiu Ainaro hodi halo seremonia funebre.

Kazu  ne’e akontese  iha loron 23 fulan ne’e,  mais ou menus iha tuku sanulu resin ida meudia, akontese konfrontu entre grupu deskoñesidu  iha Aldeia Postu Penál  Aimutin nian  rezulta Ivon da Silva mate,  no na’in rua seluk hetan kanek todan.

Tuir  lei númeru 5/2017 armas brankas  bandu ema kaer sasan kro’at hodi hakanek no habadak ema ninia vida.Ito/avi

Add to Comments Here!!!!

error: Content is protected.
Secured By miniOrange
You might also like:
Membru Polísia 203 komete violasaun direitu umanu

Prevedora Direitu Umanu  no Justisa (PDHJ-sigla...

Governu sei hasai komunidade iha área Rotunda to’o Tasi-Tolu

Governu planeia ona ona sei hasai...

Marí Alkatiri: Ha’u mak PR, fó ona pose ba membru governu pendente

Sekretáriu Jeral Partidu FRETILIN, Marí Alkatiri,...

Close