JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fransisco: Ha’u laiha koñesimentu ba prosesu sosa kareta Prado

Fransisco: Ha’u laiha koñesimentu ba prosesu sosa kareta Prado

Tribunal Distrital Díli (TDD), kontinua hala’o julgamentu ba kazu sosa kareta ho marka prado ba deputadu III lejislatura ne’ebé deskonfia involve arguidu na’in tolu (3), hanesan eis Prezidente Parlamentu Nasional (PN), Vicente Guterres, João Rui Amaral no Fransisco da Costa Soares, hodi rona husi arguidu Fransisco da Costa Soares, tanba iha tempu ne’ebá asumi responsabilidade hanesan Diretor Nasional Aprovizionamentu iha Ministériu Finansas (MF).

Iha audénsia ne’e, arguidu deklara, nia parte la hatene prosesu inísiu husi kazu ne’e, maibé kona-bá alterasaun kareta prado ba fali mitsubishi, nia parte hatene katak, kareta prado mak sei to’o ba deputadu sira, tuir kontratu laran no kona-bá kareta mitsubishi ne’e kompetensia PN, MF no PM iha tempu ne’ebá.

“Kona-bá orsamentu ne’ebé aloka ba sosa kareta prado ho montante USD millaun 1.2 no ho osan ne’ebé liu ona montante USD millaun 1.2, tenki hetan aseitasaun no asinatura husi PM no MF, tanba ne’e, nia parte laiha kompetensia ba desizaun ne’e”, deklara arguidu iha audénsia.

Hafoin rona husi arguidu, tribunal adia fali julgamentu ba loron 31, fulan Outubro, tinan 2019, hodi kontinua rona husi sasin sira.

Entretantu arguidu sira deskonfia komete krimi partisipasaun ekonómia no negósiu, ne’ebé previstu iha artigu 299, husi kódigu penal Timor-Leste, relasiona ho projetu sosa kareta prado ba deputadu III lejislatura ne’ebé fó prejuízu ba Estadu ho montante USD400 ba kada kareta.

Audénsia ba julgamentu ne’e prezidi husi juíz kolektivu, Afonso Carmona, Antonio Fonseca no juíz estajiáriu, MP reprezenta husi prokurador, Jacinto Babo no arguidu sira hetan asisténsia legal husi advogadu privadu. ita

Lee hotu :   Lere : Harii Tribunal Militar presiza RH

Add to Comments Here!!!!

error: Content is protected.
Secured By miniOrange
You might also like:
Mosu tan EA, FRETILIN konsidera líder AMP sira laiha kapasidade

Vise Xefe bankada FRETILIN, Francisco Miranda...

Hafoin teste médiku ba arguidu korta aviaun, AMJTL: Labele julga ema ho kondisaun moras mental

Arguidu ho inisial CDJ ne’ebé tenta...

Falur : Rekrutamentu F-FDTL foun ba Timor-oan hotu

Vise Xefe Estadu Maior Jeneral F-FDTL,...

Close