JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu Kulu-Hun de Baixu, MP alega arguidu sira ho pena labele menus husi tinan 25

Kazu Kulu-Hun de Baixu, MP alega arguidu sira ho pena labele menus husi tinan 25

Tribunál Distritál Díli (TDD), liu husi Ministériu Públiku (MP), iha Kinta, loron 13, fulan ne’e, liu husi Prokuradór, Jacinto Babo alega arguidu ho inisiál JAP no FMS, ne’ebé involve iha kazu asasinatu Kulu-Hun de Baixu, iha tinan 2018 liu ba, ho pena ne’ebé labele menus husi tinan 25.

Arguidu JAP ho FMS nu’udár membru Polísia Nasionál Timor-Leste (PNTL), tanba ne’e, MP akuza arguidu sira ho krime omisídiu agravadu, dala tolu no tentativa omisídiu agravadu dala lima, ne’ebé previstu iha artigu 139, husi kódigu penál Timor-Leste.

Alegasaun ne’e, MP alega bazeia ba prova ne’ebé antes ne’e lezadu, sasin, inklui arguidu sira rasik deklara iha tribunál no mós tuir relatóriu ezame balístiku no parte médiku sirúrjiku husi Hospital Nacional Guido Valadares (HNGV) nia deklarasaun.

Ho nune’e, MP solisita ba tribunál atu aplika pena ne’ebé hanesan ba arguidu na’in rua no labele menus husi tinan 25.

Hafoin rona tiha alegasaun husi MP, parte Defeza liu husi Defensór Públiku (DP), Estaqui Guterres deklara ba tribunál katak, seidauk bele deklara desizaun ruma, tanba Advogadu Privadu, Pedro Aparício la marka prezensa.

Rona tiha alegasaun husi MP, tribunál desidi adia fali julgamentu ba loron 25, fulan Febereiru, tinan 2020, mais ou menus tuku 09:30 lorokraik oras Timor-Leste, hodi rona alegasaun husi Defeza.

tuir akuzasaun husi Ministériu Públiku (MP) ne’ebé lee sai husi juíz prezidi katak, iha loron 17, fulan Novembru, tinan 2018, arguidu na’in 2 ba partisipa festa kore-metan ba matebian João, iha aldeia Kulu-Hun de Baixo, wainhira festa la’o to’o tuku 00:00, arguidu FMS nia alin fó hatene ba konvidadu sira katak, atu taka ou remata ona festa, tanba kalan boot ona, maibé matebian João nia kaben, Maria Elinda la konkorda no hakarak festa ne’e kontinua la’o, maibé iha fali tuku 01:00 madrugada, komesa mosu barullu iha tenda laran entre joven na’in rua deskuti malu no halo situasaun manas, ho nune’e arguidu FMS hakbesik-an hodi foti kadeira masa ida, hamri’ik iha kadeira leten no hakilar ba joven sira atu labele halo barullu no nia mós losu pistola iha kanotak, hodi tiru dala lima iha tenda laran no arguidu JAP ne’ebé hamri’ik besik hela arguidu FMS, hakilar dehan tiru no tiru, nune’e ikus mai arguidu JAP hasa’i pistola iha kanotak hodi tiru dalabarak ba ema ne’ebé hamri’ik iha tenda laran no halo ema pániku no hala’i sai husi tenda laran.

Lee hotu :   POLRI intrega suspeitu FLA ba PNTL

Hafoin ne’e, lezadu Pinto Gama hetan tiru no monu tun iha tenda laran, ho nune’e konvidadu Joanico Baptista hasé arguidu JAP, dehan tanba saída mak o tiru ema? maibé arguidu hatán ho lian maka’as o sé? no Joanico hatán ha’u Militar, tanba ne’e arguidu hatama fali pistola ba kanotak hodi foti motor hala’i sees husi fatin akontesimentu.

Husi akontesimentu ne’e, hamate ema na’in tolu (3) hanesan Erick Joni Robertus, Luis Saldanha no Leonildo Eduardo Ximenes Sequeira, maibé na’in lima seluk ne’ebé hetan kanek mak Paulino de Jesus, Terezinha Vilanova, Lucio do Carmo, Agripinho João da Costa no Pinto Gama.

Ho hahalok arguidu sira ni’an ne’e, MP akuza arguidu na’in 2 ba prátika krimi omisídiu agravadu dala tolu no tentativa omisídiu agravadu dala lima, ne’ebé previstu iha artigu 139, husi kódigu penal Timor-Leste.

Audénsia julgamentu ne’e, prezide husi Juíz Kolektivu, Edite Palmira, Sribuana da Costa, Evangelino Belo, MP reprezenta husi Prokuradór, Jacinto Babo, arguidu sira hetan asisténsia legál husi DP, Estaqui Guterres no Advogadu Privadu, Pedro Aparicio, maibé advogadu refere la marka prezensa, tanba lisensa. san

Add to Comments Here!!!!

error: Content is protected.
Secured By miniOrange
You might also like:
PDHJ rejista membru PNTL-profesór balun komete kazu VDU

Provedoria Direitos humanos e Justiça (PDHJ)...

Hakotu impase polítiku, PN rekoñese PR iha ona preferensia hodi solusiona

Reprezentante povu sira iha uma fukun...

PDHJ: PNTL komete kazu violasaun direitu umanu hamutuk tolu

Provedor Interinu Miguel Pereira hateten, Provedoria...

Close