JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Manifestasaun kontra MJ ba esbosu LKD, Lei ne’e hamosu hodi salva Governu husi kritika sira

Manifestasaun kontra MJ ba esbosu LKD, Lei ne’e hamosu hodi salva Governu husi kritika sira

Front Mahasiwa Timor-Leste (FMTL), Sosiedade sivil, Asosiasaun Jornalista Timor-Leste (AJTL), Segunda (03/08), hala’o manifestasaun hodi kontra Ministériu Justisa (MJ) ne’ebé prepara esbosu lei atu kriminaliza difamasaun ne’ebé antes ne’e iha ona kódigu sivil.

Front Mahasiswa Timor-Leste, Sosiedade sivil, Asosiasaun Jornalista Timor-Leste, hala’o asaun pasífiku hodi kontra Esbosu Lei kriminaliza difamasaun ne’e, tanba sira konsidera sei hamate prinsipiu demokrasia iha Timor-Leste no ema nia liberdade atu koalia no espresa hanoin kritiku sira ba orgaun ka instituisaun sira ne’ebé la halo tuir promesa ne’ebé sira hato’o liu husi kompromisu eleitoral.

Diretór Ezekutivu Organizasaun Naun Govermentál Timor-Leste (FONGTIL),  Daniel Santos do Carmo, hateten, sira sei halao asaun protesta ne’e to’o Ministeriu Justisa hapara  prosesu ba esbosu lei krimaniliza difamasaun ne’e.

“Sé, wanhira ita nia asaun pasífiku ne’e Ministru Justisa la tun mai dehan ami trava ona no hapara ona Esbosu lei kriminaliza difamasaun maka ami sei hapara asaun pasífiku ne’e, maibé sé Ministru Justisa ka nia ekipa  maka la tun mai hodi hatete no kontinua ba to’o iha promulgasaun maka ami sei halo asaun pasífiku ida ne’ebé bo’ot ka at liu ida ne’e hasoru Governu ka Ministru Justisa Manuel Cálceres”, dehan Diretór Ezekutivu FONGTIL iha nia deklarasaun iha asaun pasífiku, iha edifisiu Muzeu Rezistensia nia oin.

Reprezentante sosiedade sivil ou NGO tomak iha Timor laran ne’e hateten, antes ne’e sira hato’o ona sira nia pozisaun hodi  rejeita ba kriminaliza difamasaun liu husi sira nia pareser ne’ebé rekomenda ona ba Ministru Justisa, Parlamentu Nasional no lider maxímu sira.

“Lei ida ne’e mosu demostra inkapasidade ita nia governu nian atu fó resposta ba problema sosiál ba ita nia povu infrenta, entaun hakarak halo lei kriminaliza difamasaun hodi salva sira nia-an husi povu no sosiedade no media sira labele kritíka atu sira buat ne’ebé tuir sira nia gostu ida ne’e ita kontra total”, dehan Diretór Ezekutivu ne’e.

Lee hotu :   Ema estranjeiru 138 uza vistu turista servisu iha TL

Manifestante sira ne’e mos sei halo petisaun hodi hato’o ba Prezidente Konsellu Ministru, orgaun Estadu hotu-hotu sé ministru ulun to’os hodi avansa no lei ne’e promulga,  asosiasaun hirak ne’e sei halo asaun pasífiku ida ne’ebé bo’ot.

Nune’e mos Membru Asia Justice and Rigths  (AJAR ), Inocencio Xavier, konsidera Ministru Justisa ho nia asesor sira la halo peskiza antes halo lei ruma.

Nia parte deskonfia Ministru Justisa hamosu Esbosu lei kriminaliza difamasaun derepente, tamba lei KAK Parlamentu Nasional aprovadu ona, nune’e nia atu salva koruptor sira ho Esbosu lei kriminaliza difamasaun ne’e.

“Ministru Justisa tuir loloos enkoraza asesor sira atu halo peskija antes promulga lei ruma, iha dikusaun ,debates barak ne’ebé mak ita halo ho ninia tékniku sira, ita husu hori banihira ita bo’ot sira estuda konabá Esbosu ajitamentu ba kodigu penal ne’e sira dehan ami la estuda ida, tamba saida mak teki-teki lei KAK aprova iha PN ho unaminidade, Esbosu lei ida ne’e mós mosu ne’e signifika ho intensaun atu salva koruptor sira ne’e oho ita nia demokrasia no ita nia liberdade”, dehan  Inocencio Xavier.

Koordenadór kampu asaun pasifiku (FMTL), Josélino Pereira, dehan sira sei halo akta konkordansia hodi hato’o ba Ministru Justisa, atu hapara esbosu lei ne’e.

“Ita sei ba hatama akta konkordansia ida ba Ministru Justisa, obriga nia tenki asina katak, nia tenki responsavel ba Esbosu lei kriminaliza difamasaun la’os problema ida agora, nune’e hakarak ka lakohi esbosu lei ne’e tenki hapara ohin no labele avansa ba loron aban” , hatete Josélino Pereira.

Iha oportunidade nee mos, Prezidente AJTL, Zevonia Viera, hateten, projetu Lei kriminaliza difamasaun sai preokupasaun bo’ot ba ema hotu ne’ebé hala’o kna’ar iha mundu jornalizmu, akademista no sosiedade sivil sira, tamba sei hamate ema nia liberdade atu koalia, atu espresa hanoin kritiku sira ba orgaun ka instituisaun sira ne’ebé mak la halo tuir promesa ne’ebé sira hato’o liu husi kompromisu eleitoral.

Lee hotu :   Membru Polísia ameasa atu oho membru KPK

“Jornalista sira sei sai alvu ba iha lei kriminaliza defamasaun, tamba jornalista mak sei transmite  informasaun husi fontes sira, ita hatene katak, ita nia liberdade imprensa no espresaun iha sudeste aziatiku hetan rangkin 1, no iha mundiál ita hetan númeru 78, ida ne’e imajen ida ne’eb’e diak tebes”, esplika Prezidente AJTL. Tos

Add to Comments Here!!!!

error: Content is protected.
Secured By miniOrange
You might also like:
Aban traballadór 114 husi Korea du Sul to’o TL

Diretór Jerál Asuntu Konsular Protokolu no...

FRETILIN-KHUNTO: Sidadaun hotu iha direitu halo asaun kontra LKD

Deputadu bankada FRETILIN, José Agostinho Sequeira...

Ema deskoñesidu sona estudante UNPAZ ida

Ema deskoñesidu sona  estudante Alfredo Miranda...

Close