JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Câmara de Contas sei halo auditoria ba instituisaun Estadu balun

Câmara de Contas sei halo auditoria ba instituisaun Estadu balun

Prezidente Tribunal Rekursu (TR), Deolindo dos Santos, hateten, pedidu husi Governu ba Câmara de Contas (CC) atu halo auditoria ba instituisaun Estadu balun, maske la sita kona-bá instituisaun Estadu ne’ebé mak sei hala’o auditoria ba.

“Atualiza kona-bá servisu CC nian, servisu balun ne’ebé auditoria la’o hela, iha balun ne’ebé aprovadu tiha ona, iha tan pedidu balun mós mai husi Governu atu halo tan auditoria ba instituisaun Estadu nian balun, ne’ebé TR atraves CC sei prevé buat hirak ne’e iha planu ne’ebé husi plenáriu CC aprova ba 2021 nian, tanba hela fulan rua de’it ona ita labele halo planu alterasaun ba tinan ida ne’e nian, prevé ba tinan oin mak ita sei haree ida ne’e”, Prezidente TR ne’e ba jornalista sira, Tersa (20/10/2020) bainhira remata enkontru ho Prezidente Repúblika (PR), Francisco Guterres “Lú Olo”, iha Palásiu Prezidensiál Nicolau Lobato, Bairro Píte, Díli.

Nia afirma, instituisaun sira ne’ebé iha nesesidade atu hetan kontrola husi CC, tanba pedidu ne’ebé tama ne’e balun iha ne’eba, iha balun  despaixa ona, enkuantu seidauk lori ba, tanba ne’e mak plenáriu CC nian atu aprova auditoria saída mak halo.

“Ha’u labele divulga lai ba ita boot sira, maibé bainhira lori ona ba plenáriu CC nian, aprova ona planu auditoria ba 2021 nian, entaun ne’e ha’u la presiza atu divulga, ita boot sira iha liberdade tomak atu hetan públikasaun ne’e CC nian, para ita boot sira bele hatene mais ou menus iha 2021 CC atu halo auditoria iha instituisaun ne’ebé de’it, ne’e iha hotu, ba materia saída de’it”, realsa Deolindo.

Prezidente TR ne’e fundamenta, ba tinan ida ne’e aprova ona auditoria hamutuk lima, agora prevé tan atu iha diskusaun ba plenáriu ne’e meadu Novembru no ida tan mak prevé tama mós ba diskusaun iha plenáriu atu deside, provavelmente antes fim do ano sei aprova auditoria rua tan. Oly

Lee hotu :   PJR husu Governu hasai direitu veteranu ne’ebé falsifika dokumentu

Add to Comments Here!!!!

error: Content is protected.
Secured By miniOrange
You might also like:
Xanana: FALINTIL la duni inimigu ho kilat

Eis komandante em Xefe FALINTIL, Kay...

Labele husik emprezáriu sai vítima, Projetu 143 Governu sei diskute fó solusaun

Vise Primeiru Ministru no Ministru Planu...

PN konsidera tékniku EDTL José Afonso hanesan eroi ba TL

Vise Prezidente Parlamentu Nasional (PN), Maria...

Close