PNTL detein komunidade fa’an fugetes

Polísia Nasionál Timor-Leste (PNTL) liu husi Seksaun Informasaun Polísia Eskuadra Cristo Rei, detein mane ida, tanba fa’an fugetes iha dalan públiku.

Maske antes ne’e Governu hasa’i ona sirkular hodi bandu no parte PNTL mós apela ona ba públiku liu husi média, maibé Timor-oan balun la kumpre no nafatin fa’an fugetes hodi festeza loron boot iha fulan Dezembru nia-laran, liu-liu Natal no tinan foun.

Tanba ne’e liu husi operasaun Polísia Nasionál Timor-Leste, husi seksaun Informasaun Polísia Kinta (03/12/2020), mais  ou menus tuku 04:00 lorokraik oras Timor-Leste, kaptura suspeitu JP iha área Praia dos Coqueiros, wainhira suspeitu ne’e lori hela fugetes la’o hodi fa’an ba komunidade sira.

Fugetes ne’ebé mak Polísia prende hamutuk 60 ho modelu shoot ualu.

Evidénsia sira ne’e asegura ona iha Eskuadra Dom Aleixo no suspeitu JP Polísia lori ba detein iha sela detensaun Caicoli durante oras 72 molok aprezenta ba iha Tribunál Distritál Díli, hodi partisipa iha Primeiru Interogatóriu. avi