JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu lokál no PNTL limita movimentu husi Fatumea mai kapitál Covalima

Governu lokál no PNTL limita movimentu  husi Fatumea mai kapitál Covalima

Governu lokál ho Komando Polísia Nasionál Timor-Leste (PNTL) munisípiu Covalima limita movimentu komunidade husi Postu Administrátivu Fatumea, Fohorem mai iha kapitál Covalima hodi prevene transmisaun lokál ba surtu COVID-19.

Autoridade lokál sira alerta kestaun ne’e, relasiona ho transmisaun lokál surtu COVID-19, ba abitante na’in hitu, husi Aldeia Klauhalek, Suku Belulik-Leten, Postu Administrátivu Fatumea.

 Governu lokál  no forsa konjunta PNTL-UPF no F-FDTL foti inisiativa blokeia dalan iha área kruzamentu sira iha Aldeia Quitao hodi limita movimentu,  komunidade husi Fatumea mai iha kapital Covalima (Suai) nune’e bele hala’o prevensaun ba surtu Covid-19.

 “Ha’u kontaktu ona  komandante PNTL munisípiu Covalima katak, sira  ho Governu lokál iha inisiátivu oinsá mak atu hamenus ema-nia movimentu. Lockdown ne’e la bandu ema husi postu administrativu ida ba postu administrátivu ida la’e, maibé em jerál ba iha munisípiu Covalima  no Bobonaro, hodi hamenus movimentu, ita hein dekretu foun atu sai fali katak, komunidade husi postu ida ba postu seluk labele la’o.  PNTL Suai ho Governu lokál hala’o ida ne’e atu hamenus ema-nia movimentu, ema sira ne’ebé laiha nesesidade importante diak liu labele sai”,esplika Porta-Voz PNTL Superintendente Xefe Arnaldo Araújo, ba jornalista sira Sesta (26/02/2021), liu husi konfrénsia imprénsa  iha Kuartel Jerál, Caicoli, Díli.

Konsellu Ministru, mos aprova ona rezolusaun Governu nian, ne’ebé impoin serka sanitária ba munisipiu Bobonaru no Covalima iha loron 15, fulan-Fevereiru, tinan 2021.

Medida ida-ne’e hetan aprovasaun tanba kazu diagnostikadu sira daudaun ne’e ho SARS-Cov-2, mak hanesan kazu sira ne’ebé deteta husi tama ilegál iha país, atu nune’e bele iha kuidadu ba saúde públika populasaun nian no atu impede ba transmisaun komunitária husi SARS – Cov-2 iha territóriu nasionál.

Lee hotu :   Nomeasaun Xefi Estado Maior F-FDTL la´os segredu

Ho aprovasaun rezolusaun Governu nian ida-ne’e mak bandu ba dezlokasaun sira entre munisípiu sira ne’e no munisípiu sira seluk, hahú 00:00 husi loron 16, Fulan-Fevereiru no remata iha tuku 23:59 iha loron 3 fulan-marsu, tinan 2021.avi

Add to Comments Here!!!!

error: Content is protected.
Secured By miniOrange
You might also like:
Fatin ba vasinasaun COVID-19 hahú instala

Diretór Servisu Autónomu Medikamentu Ekipamentu Saúde...

Mais de 200 escolas timorenses requalificadas em 2021

Duzentas e vinte e uma escolas...

PNTL idenfika tan ema na’in tolu tama ilegál mai Díli

Polísia Nasionál Timor-Leste (PNTL), identifika tan ona...

Close