JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sergio Quintas: Xanana husu sai fali arguidu kompeténsia iha MP

Sergio Quintas: Xanana husu sai fali arguidu kompeténsia iha MP

Jurísta Sérgio Quintas, hatete, iha prosesu justisa, ema ida husi sasin hanesan Prezidente Partidu CNRT, Kay Rala Xanana, hakarak sai fali arguidu, ne’e kompeténsia Ministériu Públiku (MP) nian, hodi kumprimenta ba artigu 224 no 225, husi kódigu prosesu penál.

“Nu’udar sidadaun nia bele hato’o kona-ba notísia do krime, iha artigu 224 kódigu prosesu penál, entidade enkaregada hanesan Ministériu Públiku, se karik nia simu tiha ona notísia do krime, nia mak iha lejitimidade hodi promove asaun penál. Iha artigu seluk iha kódigu prosesu penál ne’e mós hateten, Ministériu Públiku iha lejitimidade hodi promove asaun penál no dirije hodi halo inkéritu”,esplika Sérgio Quintas.

Sérgio Quintas sublinã, prosesu ne’e sai matéria esensiál ba Ministériu Públiku, atu labele kontinua prosesu ne’e, tuir ho deit régra prosesuál, maibé tenke ho konviksaun lójika, tuir realidade ne’ebé iha.  

Prosesu ba kazu krime Denúnsia Kalunioza, ne’ebé Sekretáriu Jerál partidu FRETILIN, Marí Bin Amude Alkatiri hato’o ba MP hasoru membru Komisaun Polítika Nasionál-CPN, Partidu CNRT, no Deputadu 21 bankada CNRT nian, maibé prosesu ne’e la’os hasoru Prezidente Partidu, Kay Rala Xanana Gusmão. Maibe Xanana Gusmão, hatete ona katak, nia mak hanesan Prezidente CPN, tanba ne’e nia mak iha responsabilidade orienta deputadu CNRT sira iha Parlamentu Nasional atu koalia kona-ba Marí Alkatiri simu subornu husi ConocoPhillips iha tinan hirak liu ba kotuk, no ba ida ne’e MP tenke notifika Xanana hanesan arguidu atu nia bele ba lekar faktus sira kona-ba Marí Alkatiri simu subornu ne’e iha Tribunal.

Prezidente partidu CNRT, Kay Rala Xanana Gusmão, rejeita, sai sasin ba prosesu krime ne’e, no hakarak sai arguidu, hafoin aprezenta faktus sira ba Ministériu Públiku kona-ba krime refere.

Lee hotu :   PN adia votasaun final global ba projetu Lei Anti Korupsaun

Entretantu, Jurísta Manuel Tilman, hateten, sasin ida bele sai fali arguidu ba kazu ruma, maibé tenke liuhosi prosedimentu sira jurídiku nian, hodi marka julgamentu, iha tribunál primeira instánsia, nune’e tribunál tetu deklarasaun hotu, husi arguidu no sasin, hafoin halo alterasaun jurídika.

“Buat ida seluk mak hanesan, atu akuza maun boot Xanana hanesan arguidu, tanba nia mak denunsia doutór Marí simu osan ida ne’e, entaun fatin iha ne’ebé? denunsia ba sé? iha loron saida? se hanesan ne’e doutór Marí bele kaer ida ne’e hodi ba Ministériu Públiku”,hateten Manuel Tilman, iha nia rezidénsia Praia dos Coqueiros Díli, Tersa (30/03).

Jurista ne’e hateten tan, iha buat balun mak presiza hadia, mak hanesan Ministériu Públiku labele notifika direitamente Deputadu 21 ne’e, maibé tenke notifika uluk prezidente Parlamentu Nasionál.

“Prezidente Parlamentu tenke halo proposta ida para plenária, atu hasai tiha Deputadu sira ne’e akuza Marí Alkatiri ne’e, nia imunidade” tenik Tilman.San

 

Add to Comments Here!!!!

error: Content is protected.
Secured By miniOrange
You might also like:
Enkontru Horta ho Lú Olo la koalia osan TL iha BFA

Tersa-Feira (30/03) ne’e, Laureadu Nobél da...

PN simu proposta orsamentu retifikativu tokon USD 223

Prezidente Parlamentu Nasionál, Aniceto Guterres ho...

Estudante Timor-oan husi Israel no Cuba to’o ona iha TL

Estuda Timor-oan 72 husi Israel no...

Close