JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Membru PNTL tiru kanek joven na’in tolu iha Caicoli

Membru PNTL tiru kanek joven na’in tolu iha Caicoli

Membru Polísia Nasionál Timor-Leste (PNTL) tiru kanek  joven na’in tolu iha  iha Aldeia 04,  Suku Caicoli, Postu Administrátivu Vera-Cruz,  Domingu (02/05/2021), mais ou menus tuku lima lorokraik, hafoin konfrontu entre joven sira.

Vítima na’in tolu ne’ebé hetan tiru mak Domingos Valdo  dos Santos  tiru kanek iha parte  kaba’as liman loos,  no Pauleta  de Jesus  Carlos tiru  borus iha ain kelen parte karuk Ricardo  Abrão    da Costa António kanek iha parte ulun.

Husi akontesimentu ne’e, família vítima rekolla imbolku  husi  pistola nian ida, ne’ebé mak Polísia uza hodi tiru iha terrenu.

Hafoin akontese kazu ne’e kareta Ambulánsia Bombeiros  transporta vítima na’in tolu hodi ba Hospital Nacional Guido Valadares hodi hala’o  tratatamentu  ba  vítima sira-nia kanek, no halo operasaun ba iha vítima  Domingos Valdo  dos Santos  nia kabaas hodi hasai kartus ne’ebé mak belit iha nia isin-lolon.

Dadauk ne’e vítima Pauleta  de Jesus  Carlos sei kontinua baisa iha ospitál no Domingos Valdo  Dos Santos no  Ricardo  Abrão  da Costa António alta ona.

Domingos Valdo Dos Santos haktuir, problema ne’e akontese hafoin joven sira husi Maskarinhas no Caicoli nian konvida malu atu jentel, maibé derepente    Polísia  halo atuasaun, no akompañha  husi joven sira Maskarinhas  kaer  ho sasán kro’at, hodi  hasoru joven sira no  oknum Polísia tiru kedas joven ida.

“Polísia tiru ami nia kolega ida iha kelega ida iha kelen hun, entaun ha’u ba atu salva, maibé Polísia tiru husi kotuk”,esplika Domingos Valdo dos Santos, ba jornalista sira Segunda (03/05/2021), iha Kaikoli.

Nia dehan, vala musan ne’e dotór  sira  hasai ona husi nia isin lolon. “Dotor dehan ami hetan duni bala musan iha ita boot nia isin, bala musan ne’e Polísia husu mós dotor dehan la fó. Ha’u nain rasik husu dehan ha’u atu lori mós dehan la fó, ne’e so halo surat hotu mai mak ami bele fó”,dehan Domingos Valdo dos Santos.

Lee hotu :   OJE 2019 TR husu milaun US$ 7 Husu adisional milaun 14 ba konstrusaun TDD

Alende ne’e, Olga de Jesus, núdar  vítima Pauleta  de Jesus  Carlos nia inan, lamenta ho atuasaun Polísia no hakarak levanta kazu ne’e ba oin.

 “Ha’u hanesan inan ida  ha’u la simu tanba ha’u nia oan foin mak sai ba lalais de’it la kleur ema dehan ema tiru. Tuir lolos Polísia tuun para neutraliza situasaun  nia labele halis ba parte ida, agora Polísia mai, ema sira husi Maskarinhas kaer katana no fatuk  Polísia husik tiha. Depois Polísia tiru razada de’it ba  mai ami nia bairu Kaikoli, agora sira nian Polísia husik tiha, entaun Polísia ne’e berat seblah.  Presiza halo investigasaun ba nia duni. Tanba ha’u nia oan  la’os terrris”, Olga de Jesus

Nune’e mós Sasin Delfina Varela hateten,  Polísia ida tiru kanek joven sira asiste barak husi komunidade.

 “Polísia ne’e isin metan kabun tasak ida , Polísia ne’e iha Postu Máskarinhas”,dehan Delfina Varela.

Nia mós dehan, Timor-Leste la’os hanesan nasaun Mynamar, ne’ebé uza  ditadura hodi tiru ema arbiru.

“Sira nia atuasaun  ne’e hanesan Myanmar nian ne’e, tanba Polísia mai ne’e hakarak tiru de’it ba ami nia oan sira, nia la tiru ba loro leten maibé nia tiru los de’it. Ne’e duni ami lamenta tebes ho atuasaun”, Delfina Varela.

Komandante Jerál PNTL Komisáriu Faustino da Costa hateten, kazu  Bekora Temporal  no Maskarinhas submete ona ba prosesu investigasaun.

“Liga ho akontesimentu iha área  Temporal Bekora no Maskarinhas, oras ne’e ekipa investigasaun  hala’o hela investigasaun ba akontesimentu  hirak ne’e no tuir mai Komando  sei atualiza  progresu  husi akontesimentu rua ne’e” ,dehan Faustino da Costa.

Lee hotu :   TDD kontinua hamosu sasin ba kazu kontentór rua lakon

Kazu  agresaun fízika  deskonfia envove  membru PNTL no membru Konsellu Polísiamente Komunitária, Julião  dos Santos  Gomes no Francisco  Soares Gomes, akontese  iha Bairu Temporal Suku Bekora Suku Kuluhun, iha Kinta (29/4//2021)

Tuir Artigu 4°Uzu forsa nian1.Tuir lei, PNTL bele uza forsa bainhira iha perturbasaun ba orden no trankuilidade públika, no bainhira laiha meiu seluk ne’ebé sufisiente hodi hasoru registénsia kontra membru PNTL, bainhira hala’o sira nia funsaun.2.Forsa bele uza deit hodi defende an ka hodi defende ema seluk, hodi hasoru hahalok ne’ebé agresivu no kontra lei ka kontra integridade fizika membru PNTL ka sidadaun seluk nian3.Forsa ne’ebé uza tenke forsa minimu ne’ebé nesesariu hodi estabelese fila fali orden lejítima no tenke proporsionál ba ameasa ne’ebé hasoru. 4.PNTL labele impoin restrisaun ka uza meius atu obriga ka ameasa bainhira laiha nesesidade.5.PNTL bele uza armamentu tuir konseitu uzu nian no nesesidade operasional ida-idak nian, ne’ebé modelu no kalibre define iha diploma ne’ebé Governu sei aprova.avi

Add to Comments Here!!!!

error: Content is protected.
Secured By miniOrange
You might also like:
TL rejista tan kazu óbitu COVID-19 na’in ida

Timor-Leste (TL) rejista tan,  kazu óbitu...

Loron Mundiál Liberdade Imprensa, PM Taur agradese jornalista Timor-oan sira

Primeiru Ministru (PM), Taur Matan Ruak,...

Vítima inundasaun uma-kain 42 sei hela iha Dom Bosco

Vítima inundasaun uma-kain hamutuk 42,  kontinua...

Close