JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

EIS DEPUTADU CNRT: REZOLVE POLÉMIKA PRADO TENKI LIU HUSI DALAN LEGAL

EIS DEPUTADU CNRT: REZOLVE POLÉMIKA PRADO TENKI LIU HUSI DALAN LEGAL

Eis deputadu bankada Congresso Nacional de Reconstrução Timorense (CNRT), Cesar Valente, prontu entrega  hikas kareta prado ne’ebé nia utiliza, depois de hetan leilaun ho presu rihun walu ($8.000) husi Parlamentu Nasional (PN), maibé tenki prosesa liu husi enkuadramentu legal.

“Entrega em termos saida? impoin sira-nia pozisaun hanesan Prezidente PN no deputadu aktual ka tenki tuir enkuadramentu legal no lei, sera que tanba de’it sai deputadu ona sira iha lei nia leten impoin de’it ema ida hatama, ne’e labele, maibé tenki liu husi enkuadramentu legal no lei,”eis deputadu CNRT ne’e ba Grupo Média Nacional (GMN), foin la-lais ne’e iha resintu PN, Díli.

Cesar Valente sujere mós ba PN atu foti desizaun ho prudente ba polémika kareta prado ne’e, para povu hirak ne’ebé maka vota ba ninia reprezentante povu iha uma fukun PN la’os atu manan osan no manan prado de’it, maibé atu deskuti povu nia problema.

“Karik la liu husi dalan legal, ha’u hein tribunal ho polisia maka ba foti kareta ne’ebé ha’u uza, maibé iha Estadu direitu demokrátiku ne’e ita hotu-hotu iha lei nia okos, sé iha lei nia okos entaun tribunal lori notifikasaun ba, komprova katak Estadu Direitu Demokrátiku ne’e iha, la’os impoin ema ida nia hakarak de’it,” haktuir eis deputadu CNRT ne’e.

Tanba ne’e eis deputadu CNRT, Cesar Valente husu ba ema hotu, atu labele impoin sira-nia hakarak ba órgaun soberanu ne’ebé ninia estatutu autónomu hanesan PN.

Tuir Prezidente PN IV lejislatura, Arão Noe informa, to’o agora PN seidauk iha hanoin atu sosa kareta ba deputadu foun sira, maibé sei konsentra uluk ba polémika prado ninian.

Lee hotu :   Semana oin, PN halo votus konfirmasaun LFP-LAP

“Ami la hanoin atu sosa kareta prado foun, kuandu seidauk rezolve prado tuan, ha’u hein desizaun Adminstrasaun PN sei desidi, tanba prosesu administrativu tenki desidi liu husi administrasaun, la’os ita koalia iha públiku, tanba ne’e imi jornalista sira sei hein to’o loron ida desizaun sira ne’e sai, ita boot sira sei hatene saida maka akontese,” haktuir Arão Noe.

Desizaun PN fó lelaun ba eis deputadu sira iha tempu III lejislatura ninian ne’e mosu krítika makaas husi sosiedade sivil no movimentu estudante sira, tanba konsidera kareta prado nia kondisaun sei estável no bele entrega fali ba deputadu foun sira.

Entretantu tuir informasaun ne’ebé espalla iha públiku katak, dau-daun ne’e kareta prado 50 resin maka deputadu sira privatiza ona.ves

 

Add to Comments Here!!!!

error: Content is protected.
Secured By miniOrange
You might also like:
FUNDU MINA-RAI SAE BA BILLAUN US$ 16.93  TRIMESTRE DAHULUK NEGATIVU

Fundu Mina-Rai iha trimestre daruak tinan...

TAUR LAMENTA XANANA REZIGNA-AN HUSI MECPM ■RESPEITA NIA DESIZAUN

Primeiru Ministru (PM), Taur Matan Ruak,...

PJR HO CFP ASINA MoU HODI ATUA KRIME NE’EBE FP KOMETE

Prokuradoria Jeral da Repúblika (PJR) asina...

Close