JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Membru governu na’in 9 lá simu pose, Públiku labele dún PM ho PR mak halo konspirasaun

Membru governu na’in 9 lá simu pose, Públiku labele dún PM ho PR mak halo konspirasaun

Vise Xefi bankada Partidu Libertasaun Popular (PLP), Francisco de Vasconcelos, husu ba públiku atu labele dún arbiru katak, Primeiru Ministru (PM), Taur Matan Ruak ho Prezidenti Repúblika (PR), Francisco Guterres ‘Lú Olo’ halo konspirasaun maka to’o ohin loron kandidatu membru Governu na’in sia (9) seidauk simu pose.

Vasconcelos haktuir mós katak, maski Xefi Estadu promulga ona OJE 2019 ninian, maibé membru Governu seidauk kompletu, ho nune’e kestaun ida ne’e Estadu tenki responsabiliza, tanba sei fó implikasaun ba ezekusaun OJE 2019.

“Ita labele halo diskusaun ba informasaun espekulasaun ne’ebé  mai husi públiku sira katak PM no PR maka halo konspirasaun maka to’o agora membru Governu seidauk kompletu. PM, Taur Matan Ruak kontinua halo diálogu ho PR Lú Olo, nune’e tempu badak sei iha solusaun”, Vise Xefi bankada PLP ba GMN hafoin plenária iha Parlamentu Nasional (PN), Tersa (18-02-2019).

Nia afirma katak, hakarak garante funsionamentu mákina Estadu la’o ho di’ak, Xefi Estadu Lú Olo tenki aselera la-lais kestaun membru Governu ne’ebé seidauk kompletu, sé la’e povu kontinua hela ho dúvida no konfuzaun.

“PR husu atu halo diálogu ne’e ha’u rejeita, la pertinente, tanba diálogu hanesan meius ida, tanba Estadu direitu demokrátiku, sé de’it maka ukun liu husi eleisaun povu fó fiar, nia ka’er ukun, la’os liu husi diálogu ita iha konsensu ba ukun, la’e partidu ka koligasaun partidária priense rekezitu konstituisional ho 33 kadeiras”, haktuir Vise Xefi bankada PLP, Francisco de Vasconcelos.

Husi sorin seluk, Xefi bankada partidu Congresso Nacional Reconstrução de Timor (CNRT), Duarte Nunes, hateten, kona-bá kandidatu membru  Governu nain sia (9), PR Lú Olo ho PM, Taur Matan Ruak intende malu ona, nune’e bele susesu iha ezekuzaun OJE tinan 2019 ninian.

Lee hotu :   Rezultadu reuniaun Konsellu Estadu segredu

“Tanba ne’e CNRT mantein  kandidatu membru Governu nain sia (9) ne’ebé indizita husi Xefi Governu ba Xefi Estadu, sé bainhira atu troka tenki iha razaun ruma, sé laiha razaun, ita troka ida ne’e bele harahun partidu”, haktuir Duarte Nunes.

Entretantu antes ne’e, Prezidenti Repúblika (PR), Francisco Guterres ‘Lú Olo’ husu atu halo diálogu hodi hakotu impase polítiku ne’ebé akontese iha rai laran, maibé to’o agora diálogu ne’ebé PR Lú Olo prefere, seidauk atinji. ety

Add to Comments Here!!!!

error: Content is protected.
Secured By miniOrange
You might also like:
CNRT krítika MP la halo akuzasaun hasoru autoridade RAEOA

Foto:Facebook Bankada CNRT iha Parlamentu Nasionál...

SEFOPE sei kansela traballador kriminozu ba rai-liur

Sekretáriu Estadu Formasaun Profisional no Empregu...

HABURAS VIDA ESPIRITUAL GMNTV, Edição 67 Versão Português

Close