JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN aprova ona alterasaun OJE 2019, Jurista Amu Júlio Crispim: PR bele promulga tanba kumpri regra

PN aprova ona alterasaun OJE 2019, Jurista Amu Júlio Crispim: PR bele promulga tanba kumpri regra

Liu-husi plenária Kinta (31/1/19), deputadu 65 iha Parlamentu Nasionál (PN) halo reapresaiasaun ba Orsamentu Jerál Estadu (OJE) tinan 2019 ne’ebé Prezidente Repúblika (PR), Francisco Guterres ‘Lú Olo’ veta. Tanba ne’e, jurista Timor-oan Amu Júlio Crispim, deklara katak, PR Lú Olo bele promulga tanba kumpri ona regra konstitusional.

Iha proposta tolu ne’ebé Deputadu sira aprezenta ba meza atu halo alterasaun  mak hanesan reduasaun orsamentu sosa asaun Conocophillips ho Shell ne’ebé preve iha OJE, Mudansa ba orsamentu Ministériu Petróliu no Alterasaun ba artigu V kona-ba limitasaun finansiamentu OJE.

Proponente sira aprezenta proposta, tanba hakarak halo mudansa ba OJE no konsege aprova alterasaun ba orsamentu refere ho votus a favór 40 kontra 25 no abstensaun 0.

Deputadu Proponente Duarte Nunez hatete OJE 2019 Prezidente veta, tanba ne’e maka iha apresiasaun ne’e husu atu hasai osan ne’ebé uza ba sosa saham conocophilips no shell.

“ Semana hirak liu ba Prezidente promulga ona LAP ne’ebé ita komfirma fila fali ba tanba ne’e ami hanoin osan ne’e la presiza ona no ita hein katak Governu bele prosesa pagamentu tuir lei ne’ebé mak ita hadia ne’e”,dehan Duarte iha PN, Kinta 31/01/2019.

Nune mos Prezidente bankada PD, Deputadu António da Conceição hatete proposta ne’e hodi hatan ba preukupasaun husi Prezidente Repúblika relasiona ho strutura orsamentu.

“Kuandu ita haree ba Prezidente nia veta ne’e ha’u hanoin atu hatan ba preokupasaun ne’e persiza retira duni se lae iha vias duplas para atu halo implementasaun, no ida ne’e mos fo akresimentu bo’ot ba OJE, ida ne’e maka razaun fundamentu ida mai ami hodi hau osan hodi sosa saham ne’ebé preve iha OJE 2019,” dehan António da Conceição.

Lee hotu :   BOAMP garante OR sumba sei laiha efeitu

Iha uportunidade nee Prezidente Parlamentu Nasional, Arão Noe hateten ho proposta alterasaun ne’e OJE tinan 2019 tun ba dolar amerikanu biliaun ida resin no Prezidente Repúblika presiza  loron 30 atu halo analiza no estuda hodi promulga ou veta.

“Prezidente iha tempu loron 30 bele veta ou promulga, importante ami kumpri mensajen husi Prezidente Repúblika iha veta ne’e, ne’e hanesan orsamentu foun hanesan mos dekretu foun,” dehan Arão Noe.

Entertantu hafoin aprova  alterasaun OJE  2019  meza Parlamentu Nasionál entrega kedan ba komisaun C hodi halo pareser no tuir planu sei entrega ba Prezidente Repúblika iha loron ida fulan Fevereiru tinan ne’e.

Entretantu jurista Timor-oan Amu Júlio Crispim hatete, OJE ne’ebé PN halo apresiasaun ona hafoin Prezidente Repúblika (PR), Francisco Guterres ‘Lú Olo’ veta hodi haruka fali ba ne’e la presiza loron 30, maibe tuir konstituisaun iha loron ualu nia laran deit atu PR deside fila fali.

“Reapresiasaun ne’e hotu ona, aprova ona OJE 2019 ne’e iha Parlamentu Nasional hein haruka ba Prezidente Repúblika (PR), no PR iha loron ualu nia laran atu promulga lei OJE ne’e, no kuandu promulga tiha sei haruka ba publika iha Jornal Repúblika atu publika depois tama em vigor. Ida ne’e la’os diploma foun, matéria ne’e mak halo alterasaun, tanba halo konfirmasaun ba diploma, matéria sira laran ne’e halo alterasaun maibe nia forma sira iha laran ne’e lei OJE nafatin, ne’ebé mak haruka tiha ona ba Prezidente Repúblika veta tiha ona haruka fila-fali mai sira halo reapresiasaun, lei OJE nafatin, matéria sira iha laran ne’e la muda, ne’e duni la’os loron 30, se loron 30 ne’e ba diploma foun. Diploma foun ne’ebé mak haruka ba Prezidente halo promulgasaun ka veta, agora ida ne’e lae, PR veta tiha ona haruka fali mai halo apresiasaun foun hodi altera deit matéria balun iha laran,  ne’ebé ba tiha ona mai fali kumpri deit loron ualu (8) ne’ebé konstituisaun haruka”,dehan jurista Amu Júlio Crispim iha studio GMNTV Bebora Díli, Kinta (31/1/19), bainhira husu kona ba nia pontu de vista jurídiku iha reapresiasaun OJE 2019 husi PN, hafoin PR Lú Olo veta.

Lee hotu :   ALKATIRI: FORMASAUN GOVERNU SEI IHA NEGOSIASAUN

Tuir Amu Júlio Crispim katak, tuir regra, PR Lú Olo promulga. Tanba kumpri hotu ona regras formais 2/3, no kumpri mos regras materiais supeior maioria absoluta, matéria ne’ebé prezidente husu atu bele hadia, hadia duni, ida ne’e Prezidente nia kumpri dever konstitusional atu promulga OJE 2019 ne’ebé mak Parlamentu Nasional konfirma tiha ona diploma ne’e horiseik.

“Ida ne’e prezidente promulga. Tanba kumpri hotu ona regras formais 2/3, no kumpri mos regras materiais supeior maioria absoluta, matéria ne’ebé prezidente husu atu bele hadia, hadia duni, ida ne’e Prezidente nia kumpri dever konstitusion al atu promulga OJE 2019”,dehan tan Amu Júlio Crispim.Nes

Add to Comments Here!!!!

error: Content is protected.
Secured By miniOrange
You might also like:
PM Taur Matan Ruak: PR Lú Olo aman ba nasaun, la’os aman ba labarik sira

Primeiru Ministru (PM), Taur Matan Ruak,...

PD husu líder sira diálogu, CNRT konsidera la presiza

Prezidenti Bankada Partidu Demokratiku (PD), Antonio...

Ana Gomes: La’os Marvi mak hapara ha’u

Eis Manager ka jestor vensedora The...

Close