JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AMP lalika insiste ho membru Governu rejeitadu ■Líder sira labele arogansia

AMP lalika insiste ho membru Governu rejeitadu ■Líder sira labele arogansia

Bankada FRETILIN iha Parlamentu Nasional (PN) husu ba Primeru Ministru atu troka lista membru sira ne’ebé maka seidauk simu pose tanba lamerese atu insiste nafatin elementu ne’ebé orgaun soberanu seluk kestiona hodi rejeita fo posse.

Vise Xefe Bankada Fretilin, Deputadu Francisco Miranda Branco, hatete merese troka sira ne’ebé seidauk simu pose, tanba nasaun ne’e tinan-tinan hetan kuadrus barak liu husi universidade, laiha razaun para atu insiste nafatin elementu ne’ebé husi orgaun soberanu seluk kestiona, tenki iha koordenasaun, tanba orgaun soberanu sira interpendensia ba malu.

“Hau hanoin, laiha razaun para ita atu insiste nafatin elementu ne’ebé husi orgaun soberanu seluk kestiona, tenki iha kooperasaun, tanba ita nia orgaun soberanu sira interpendensia ba malu. Liu husi sistema ida ne’e ami hanoin katak tuir lolos iha koperasaun atu hadia situasaun ne’e, situasaun ba saida nian, situasaun ba bem comum, bem ba nasaun, bem ba povu Timor Leste. Não me diga partidu sira hola parte iha AMP ne’e laiha ona ema seluk ne’ebé ita insisti nafatin ema ne’ebé iha problema,”dehan Francisco Miranda Branco, Kurta 20/03/2019, iha PN.

Deputado nee dehan hanesan Partidu nune mos sidadaun preokupa, tanba saida maka besik tinan ida ona kontinua dada malu tanba deit ema nain hirak ne’e, karik strutura partidu laiha ona ema seluk tanba ne’e maka hakarak insiste nafatin ema nain 9 ne’e.

Iha fatin henesan Vise Xefe bankada CNRT, Deputadu Patricino Fernandes, hatete posisaun AMP nian maka aprezenta lista kandidatura ba Prezidente Republika, depois Prezidente da Republika nia kompetensia obrigasaun Konstituisional atu fo pose ba membru Governu sira, ida ne’e posisaun husi AMP.

Lee hotu :   FRETILIN-PD mantein kompromisu polítika VII Governu

Kona ba hanoin husi bankada opozisaun hodi troka membru pendente nain sia, Patricino hatete ida ne’e oposizaun nia haree no ida ne’e opinãun opozisaun nian.

“Ami nia posisaun sei nafatin, husi inisio to’o agora sei mantein nafatin. Primeiru Ministru nudar ulun Governo nian nia sei iha kbi’it atu bele lori nia governasaun ne’e lao diak, servi ba povu hodi hein vontade diak Prezidente Republika nian atu kontribui to’o iha ne’ebé,” dehan Patricino iha PN

Wainhira husu kona ba karik Prezidente mantein ho nia dezisaun hodi lakoi fó pose ba membru hirak ne’e, Deputadu ne’e hatete seidauk bele adianta kona ba kestaun ne’e.

Líder sira labele arogansia

Xefe Estadu Maiór Jenerál FALINTIL – Forsa Defeza Timor Leste (F-FDTL), Maijór Jenerál Lere Anan Timur, hateten sai líder ne’e atu serivsu hamutuk, labele kria problema no labele iha kompetisaun entre lider ho lider.

“Mas ita mak siak malu hela de’it ho deskonfia malu hela de’it ne’e ita nunka bele manan konfiansa, dala ruma laiha komprensaun, laiha komunikasaun, laiha dialogu ne’e faz parte mos husi lideransa,” hateten, Major Jeneral Lere Anan Timur ba Jornalista sira, Kuarta (20/03/2019), iha Palasio Prezidensial Nicolao Lobato, Bairu Pite-Dili.

Hafoin hasoru malu ho Prezidente Repúblika Francisco Guterres Lú Olo, hafoin relata vizita Majór Jeneral Lere Anan Timur nian ba Nova Zelandia hodi tuir retiru kona-ba kestaun lideransa nian.

“Ohin ha’u informa kona-ba ha’u-nia vizita ba rai liur ba nova zelandia, ba retiru ida ho xefia Asia pasífiku ninian ho nasaun kiik sira, Vanuatu, Fizi, Tonga, Nova Zelandia, Australia, kuaze loron tolu ba haat, ami retiru kona-ba lideransa,” hatutan, Lere Anan Timur.

Lee hotu :   Hakotu impase polítiku, UDT-Frenti Mudansa: Sujere governu grande inkluzaun ba PR

Lider numeru ida iha Instituisaun F-FDTL ne’e komenta, vizita ba iha Nova Zelandia ne’e ba tuir retiru kona-ba lideransa nian.

Lere Anan Timur esplika kona-ba retiru kona-ba lideransa hanesan mós ba kualker lideransa, sira iha ne’ebá ne’e, ema ida ne’ebé mais klase bo’ot mesak S1 ba leten, só Timor de’it mak kuarta klase ba kraik. Maibé, Lere Anan Timur hateten Timor Leste ne’e nia matenek, tanba Timor Leste nia konseitu sira ne’e mai prátika.

“Ha’u kestaun lideransa ne’e nunka estuda, maibé ha’u prátika ho ha’u-nia maluk sira seluk iha tinan 24 nia laran, sai lider ne’e oinsa maka ita bele lori ita nia ema, ita bele iha aseitasaun, ba buat sira ne’e hotu ne’e mak hanoin ita timor la’os laiha liu maibé ita mós bele”, dehan Lere Anan Timur.

Nune’e, Lere Anan Timur husu retiru lideransa ne’e tenke kontinua hala’o nafatin iha Timor, liu-liu kolia kona-ba metodu traballu diresaun ne’e no kolia kona-ba lideransa.

Lere Anan Timur mos informa iha ne’eba alende aprende la’os teoria deit, maibe pratika kedas, entaun oinsa mak lider na’in rua ne’e bele toman malu, ida ne’e depende ba nia komportamentu, meiu sosial lideransa ne’e prinsipal.

Oportunidade ne’e, Lere Anan Timur informa mos servisu forsa aramada nian nomos  situasaun rai laran, situasaun la’o di’ak hela, atividade forsa armada ninian mos la’o ho di’ak.

“Kona-ba forsa nian, servisu hanesan bain-bain komponente sira serivsu iha nia postu, buat ne’ebé halo ne’e halo, ha’u hanesan komandante ejiji sira nia inisiativa ba komandante sira hotu labele buat ki’ik bo’ot mai komandante hotu de’it,” dehan Lere Anan Timur.

Lee hotu :   Ezekusaun OJE 2019 lao neneik

Lere Anan Timur reforsa tan katak komandnante komponente ida labele halo akordu ho nasaun seluk, tanba la’os sira-nia kompetensia, ne’e la’os defisil, maibé kestaun implementasaun, ne’ebé labele kria problema.

“Ikus ne’e metalidade ne’ebé presiza revolusaun ba mentalidade, iha mudansa ba mentalidade, para futuru ne’e sira bele hatene servisu hamutuk ita dehan katak apoiu malu ne’e la’os apoiu nia para o ba halo nia servisu, o apoiu buat ne’ebé labele, ida ne’ebé nia bele husik nia halo, ne’e mak dehan apoiu malu,” haktuir, Lere Anan Timur.Nes/Eus

Add to Comments Here!!!!

error: Content is protected.
Secured By miniOrange
You might also like:
Aviaun komersiál foun lima sei halo operasaun mai TL

Aviaun Komersial husi nasaun lima, Malázia,...

PN dúvida rezultadu fiskalizasaun abstrata ba LAP

Prezidenti Parlamentu Nasional (PPN) Arão Noe,...

Governu rekoñese kustu internet karun no loading kleur

Ministro Transportes e Comunicações,  José Agustinho...

Close