JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Maria Angelina: PR tenki foti desizaun hanesan ba pakote lei FM

Maria Angelina: PR tenki foti desizaun hanesan ba pakote lei FM

Prezidente Parlamentu Nasionál Interina, Maria Angelina Sarmento, hatete, Prezidenti Repúblika (PR), Francisco Guterres Lú Olo, tenki foti desizaun veta ka promulga tenki hanesan ba lei 4 ne’ebé atu ajusta ba ratifikasaun Fronteira Marítima (FM), tanba pakote ida de’it.

“Lei 4 ne’e iha pakote ida de’it, ne’e duni labele veta rua, promulga rua fali la’e, ne’e iha pakote, ne’e duni kompetensia Prezidente Repúblika nian, sei veta, veta hotu, sei promulga, promulga hotu kedas, labele veta fali ida, ida lae,  tanba lei sira ne’e iha interligasaun ba malu, maibé rua ne’e mak ita regula kona-ba fundu petrolíferu Timor-Leste nian, maibé rua seluk ne’e mak iha ligasaun forte ho kompetensia Estadu rua nian, no mós kompaña sira ne’ebé halo operasaun iha kampu Bayu Undan”, hateten Maria Angelina Sarmento ba jornalista sira iha PN, Segunda (05/08/2019) ne’e.

Maria Angelina hateten, asuntu ne’e, relasiona ho pedidu sosiedade sivíl nian ne’ebé husu Xefe Estadu Francisco Guterres Lú Olo atu veta alterasaun lei fundu petrolíferu, husi lei 4 ne’ebé PN aprova no haruka ona ba PR, tanba konsidera, lei fundu petrolíferu ne’e, prejudika sustentabilidade ba fundu petrolíferu.

Maria Angelina esplika, lei fundu petrolíferu ho lei atividade petrolífera ne’e liga liu ba nessesidade internal TL nian, maibé lei rua seluk Tributária ho rejime laboral mak liga interese Estadu rua nian.

Maibé 4 ne’ebé inklina iha pakote ida, iha interligasaun ba malu.

“Lei fundu petrolíferu ho atividade petrolíferu ne’e liga ba nessesidade internal Timor-Leste (TL) nian, ne’e laiha implikasaun ba estadu seluk ninia partisipasaun iha FM ne’e, ne’e simplesmente ba Timor-Leste nia nessesidade de’it, iha implikasaun no iha ligasaun forte ho ratifikasaun tratadu FM ne’e, ne’ebé liga ho interese Australia no kompañia sira nian mak lei rua ne’e, tributária ho rejime laboral”,tenik deputada ne’e.

Lee hotu :   Ezekusaun OJE 2019 lao neneik

Lejisladora ne’e subliña, bainhira Xefe Estadu veta ba pakote lei ne’e, maibé iha oportunidade daruak hafoin PN halo re-apresiasaun votus, PR labele veta tan no sei promulga.

“Polítikamente tenki simu nia konsekuensia, kuandu PR veta, maibé konstituisaun hateten katak, tenki haruka hikas mai PN, para hodi halo re-apresiasaun, iha re-apresiasaun ne’e, simplesmente rekere de’it maioria absoluta, 50% +1,  husi deputadu sira ne’ebé efetividade funsoens, para halo re-apresiasaun, depois haruka fali ba PR, ne’e PR tenki promulga ona”,akresenta Primeira Vise PPN ne’e.

Pakote lejislasaun ne’e, PN aprova no haruka ona ba PR iha fulan Jullu ne’e.say

 

Add to Comments Here!!!!

error: Content is protected.
Secured By miniOrange
You might also like:
PJR kontinua hein prosesu kazál Timor-oan

Prokurador Jerál Repúblika (PJR), José da...

Dionísio Babo: Xina hakarak TL sai país ida forte ekonómikamente

Ministru Negósiu Estranjeiru no Kooperasaun Timor-Leste,...

Sosiedade sivíl husu PR Lú Olo veta alterasaun LFP

Sosiedade Sivíl ne’ebé hamahon-an iha Organização...

Close