JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM orienta MNEC kontakta GPR solusiona lista embaixadór pendente

PM orienta MNEC kontakta GPR solusiona lista embaixadór pendente

Primeiru Ministru (PM), Taur Matan Ruak, hateten, nia parte orienta ona Ministériu Negósiu Estranjeiru no Kooperasaun (MNEC-Sigla Portugés), atu kontakta autoridade iha Gabinete Prezidensia Repúblika (GPR) hodi haree no hadia lista kandidatu embaixadór sira ne’ebé mak seidauk simu pose husi Prezidente Repúblika (PR), Francisco Guterres Lú Olo.

Taur Matan Ruak hatete kestaun ne’’e ba jornalista sira hafoin enkontru semanal ho Prezidente Repúblika iha Palásiu Prezidensiál Bairo Pite, Díli, Kinta (15/08/2019).

PM Taur hateten, lista kandidatu embaixadór sira ne’ebé seidauk simu pose ne’e presiza haree didiak. Tanba ne’e fó ona orientasaun ba Ministru Negósiu Estranjeiru no Kooperasaun atu haree no aktualiza informasaun ba Gabinete Prezidensia Repúblika.

Tuir PM Taur katak, sei iha tempu ba lista kandidatu embaixador sira atu hetan pose husi Prezidente Repúblika.

“Ami koalia mos kona-ba tomada posse embaixadór sira nian ne’e, ne’ebé na’in tolu toma tiha ona posse no restu ne’ebé sei iha, sei haree oinsa mak rezolve no ultrapasa para depois toma tan posse. La’os dezintendimentu, maibe iha balu que tenki ser presiza haree no hadia, tanba ne’e mak ha’u husu ona para Ministru Negosiu Estranjeiru bele fó tan informasaun ba sua eselensia nia gabinete (Gabinete Prezidensia Repúblika), para depois haree preparativu saida mak halo  depois sira sei toma posse, ne’ebé sei iha tempu,”hateten PM Taur Matan Ruak.

Enkuantu antes ne’e, iha Palásiu Prezidensiál Nicolau Lobato, Dili, Kuarta (14/08/2019), liu husi komunikadu imprensa husi pájina ofisial Prezidensia Repúblika Demokratika Timor-Leste, Prezidente Repúblika klarifika konaba tomada pose ba embaixador na’in tolu, iha Tersa (13/08/2019).

Iha loron 13, fulan agostu, tinan 2019, Prezidente Repúblika fó pose ba Embaixadór na’in-tolu, hanesan haktuir iha Konstituisaun Repúblika Demokrátika Timor-Leste, Artigu 87, alinea b).

Lee hotu :   FRETILIN-PD: Povu hakarak dezenvolvimentu la’os EA

Embaixadór na’in-tolu simu ona akordu/agreement, iha tinan 2018, husi nasaun sira ne’ebé sei hala’o sira-nia funsaun ( rua husi sira hetan akordu/agrément liu tinan-ida ona; ba datoluk, liu ona fulan-sia).  Importante atu fó-sai katak Embaixadór na’in-tolu, ne’ebé Prezidente Repúblika fó pose, nu’udar diplomata karreira no funsionáriu superiores husi Ministériu Negósius Estranjeirus no Kooperasaun.

Atu fó tomada pose, presiza simu akordu/agreement husi nasaun sira ne’ebé Embaixadór sei akreditadu. Iha loron 31, fulan jullu, tinan 2019, Gabinete Ministru Negósius Estranjeirus no kooperasaun, haruka Ofisiu ida (Ref.1089/GM-MNEC/VII/2019, ho data) , ne’ebé anexa kopias akordus/agréments, ba Embaixador na’in-tolu, atu halo nomeasaun no fo tomada de pose ba sira.

Tanba ne’e, Prezidente Repúblika publika dekretu tolu ba nomeasaun no fó-sai ajenda serimónia tomada pose ba loron 13, fulan agustu, tinan 2019, tuku 09H30, iha Palásiu Prezidensiál.

Iha loron 9, fulan agostu, tinan 2019, Prezidénsia Repúblika haruka ofísiu ida ba Xefe Gabinete Ministro-nian, Dr. Agustinho Caet, atu informa kona-ba data serimónia ba tomada pose.  Prosesu ne’e hotu hala’o ho dalan koordenada entre MNEC ho Prezidénsia Repúblika.

Sira na’in-tolu, ne’ebé simu tomada pose, hanesan  funsionárius superiores MNEC ne’ebé sei reprezenta ita nia Estadu iha rai-li’ur. Nune’e, prezensa Ministru Negósius Estranjeirus no Kooperasaun sai indispensável no, tuir prátika bainbain, laiha nesesidade atu haruka konvite hodi husu prezensa Ministru Negósius Estranjeirus no Kooperasaun, iha tipu serimónia ida ne’e, ne’ebé prezide husi Xefe Estadu. Ito

 

Add to Comments Here!!!!

error: Content is protected.
Secured By miniOrange
You might also like:
PN hein PR deside pakote lejislativu FM iha tempu badak ■Deside sala TL mak lakon

Prezidenti Parlamentu Nasional (PN), Arão Noé,...

Pedro Aparício rejeita ataka PNTL

Portavoz Organizaun Fuan Domin, Pedro Aparício...

PN deside ona estrutura komisaun permanente

Parlamentu Nasionál (PN), deside ona komisaun...

Close