JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN prevé USD 490.000 hodi sosa tan kareta 12

PN prevé USD 490.000 hodi sosa tan kareta 12

Parlamentu Nasionál (PN), preve tan osan kuaze rihun USD 490 (490.000), hodi sosa tan kareta foun 12 ba deputadu foun sira ne’ebé la reeleitu husi III lejislatura, tanba dadaun ne’e deputadu hirak ne’e utiliza de’it kareta administrasaun PN nian, inklui balun uza privadu hodi hala’o servisu iha baze hanesan fiskalizasaun.

Prezidente Parlamentu Nasionál (PPN), Arão Noe Amaral, esplika, kareta 35 ne’ebé PN preve tiha iha Orsamentu Jerál Estadu (OJE) tinan 2019 nian, dadaun ne’e prosesa hela maibé, seidauk to’o hodi fahe ba deputadu sira, tanba ne’e, PN preve tan osan hodi sosa tan 12.

“Prosesu sosa kareta foun 35 ne’e asina tiha ona iha semana kotuk, husi Sekretária jerál PN asina ona kontratu, prosesu iha kompañia sosa, tuir akordu, iha 45 dias nia laran kompañia tenki hatama kareta mai, kareta ne’e orsamentu 2019 nian, ho folin USD 41 mil kada kareta, no ami hein kompañia atu kumpri kontratu katak, dentru 45 dias bele lori mai, tanba deputadu barak uza hela transporte privadu, ho ida ne’e bele solusiona tiha situasaun ba deputadu balu maibé, la’os ba hotu-hotu”, informa PPN Arão Noe ba jornalista sira iha PN, Kinta(19/09/2019).

Líder órgaun lejislador ba kinta lejislatura ne’e afirma, PN deside tau osan sosa tan kareta 12, tanba kareta ne’ebé sei to’o iha fulan Outubru tinan ne’e seidauk to’o atu fahe ba deputadu foun sira.

“Iha kalkulu ne’ebé mak iha, deputadus ne’ebé eleitu husi III lejislatura nian hamtuk 18, ne’ebé sae hela prado anterior III lejislatura nian, CNRT iha 9, Fretilin 8 PD iha 1, hamutuk 18, entaun 35 ne’e mai mós sei falta deputadu 12 mak seidauk hetan kareta, tanba ne’e mak iha planu ba orsamentu 2020, ami inklui nafatin kareta 12, para kompleta tiha deputadu foun sira ne’ebé eleitu iha eleisaun antesipada, ne’ebé hala’o iha 2018, ba kinta lejislatura nian ne’e, para hotu-hotu bele hetan tiha kareta, depois kareta ida tuan ne’e, hein prosesu judisial ba desizaun saida mak tribunal sei foti, depois mak ita hatene nia rezultadu oinsa. Kareta foun ne’e mós kada kareta nia presu USD 41, kareta hamutuk12 maibé, nia folin hanesan ho kareta 35 ne’e, inklui nia marka mós hanesan, pazero sport”, relata Arão Noe.

Lee hotu :   Governu aprova medidas durante Estadu Emerjénsia

Kona-bá kompañia ne’ebé responsabiliza ba prosesu ne’e, nia parte la fó komentáriu, tanba konsidera kompetensia Sekretária Jerál nian PN, tanba iha relasaun ho prosesu administrativa.

Antes ne’e, Arão Noe Amaral haruka ona prosesu ba kareta prado ne’ebé eis deputadu III lejislatura sira lakohi entrega, ba ministériu públiku hodi prosesa tuir judisiáriu.say

Add to Comments Here!!!!

error: Content is protected.
Secured By miniOrange
You might also like:
Dionísio Babo: Sei halo reajustamentu ba embaixadór pendente

Ministru Negósiu Estranjeiru no Kooperasaun (MNEK),...

Komemora loron INTERFET ba dala 20, Lere: Ita tenki agradese intervensaun ONU iha TL

Estadu Timor-Leste iha loron Sesta (20/09/19), komemora...

Dia 18/09/2019 || GMNTV LIVE STREAM || JORNAL NASIONAL KALAN

Close