JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tesi destinu destituisaun, Jurista: Vise PPN obriga-an diriji meja krime

Tesi destinu destituisaun, Jurista: Vise PPN obriga-an diriji meja krime

Jurista senior Timor-oan, Avelino Coelho, informa katak, Vise Prezidente Parlamentu Nasional (PPN) na’in rua mak rona duni orientasaun husi bankada tolu FRETILIN, PLP, KHUNTO, hodi obriga-an ba diriji meja PN no lahetan delegasaun kompetensia husi Prezidente PN, Arão Noe, ne’e krime.

“Se Prezidente Parlamentu Nasional (Arão Noe) la delega kompetensias, Vise PPN sira kontinua tenta atu ajenda sesaun plenária atu diskuti rekerimentu destituisaun, se Prezidente Parlamentu la fó delegasaun de kompetensias quer dizer Vise sira hala’o kna’ar la tuir rejimentu, obriga orgaun soberania ida ou foti tiha ninia poder hodi hala’o sira-nia knaar tuir ne’ebé mak sira hanoin, querzer ne’e la kontribui ba konstrusaun estadu de direitu demokrátiku, ne’e liga ho ona artigu 203, 204 kódigu penal ninian”,dehan Jurista Avelino ba GMN Sábadu (16/5/2020), iha Bebora Díli, hodi husu nia hanoin kona-ba bankada tolu sei obriga Vise PPN nain rua husi bankada PLP (Angelina Sarmento) no KHUNTO (Luis Roberto) “halo asaltu ba meja PN” hodi dirije sesaun plenária.

Kona ba Prezidente PN, Arão Noe, la halo ajenda ba plenária, Jurista Avelino lia tun katak, iha kestaun rua.

“Kestaun ida rejimental ne’ebé mak iha artigu 16 B dehan, razoens ne’e dividamente fundamentadas, keta aprezenta razoens mak la fundamentadas karik? Tanba ne’e mak Prezidente Parlamentu bazeia ba ninia kompetensia artigu 17 alinea D nia bele admite ou bele mos rejeita. Ne’e kompetensia rejimentasi ne’ebé mak Prezidente Parlamentu iha. Segundu kestaun mak kestaun polítika. Tanba kompozisaun meja Parlamentu Nasional ou kompozisaun VIII Governu ne’e mai husi rezultadu eleisoens antesipadas ne’ebé povu vota ba iha Aliansa Mudansa ba Progresu hodi iha Aliansa Maioria Parlamentar, husi ne’e mak konsertasaun intendimentu ho esforsu hodi forma meja Parlamentu Nasional no forma VIII Governu. Tanba ne’e mak kestaun ne’e politika que partidu tolu ne’ebé forma AMP iha eleisoens antesipada tenke tur atu rezolve, para depois rezolve mos konjuntura meja parlamentu nasional”dehan tan Avelino.

Tuir Avelino, se PPN Arão halo tuir ka aplika modelu ida ne’ebé eis Prezidente PN, Aniceto Guterres (husi FRETILIN) iha momentu ne’eba la halo ajenda destituisaun no ikus mai Prezidente Repúblika, Francisco Guterres Lú Olo (husi mos FRETILIN) ikus mai divolve PN no konvoka EA, ne’e presedentes ona.

“Ne’e ita koalia presedentes. Presedentes ne’e presedentes polítikus, aktus polítikus. Se 2017 Aliansa Maioria Parlamentar kompostu husi CNRT, PLP no KHUNTO aprezenta pedidu de destituisaun hanesan mos ida agora dadauk ne’e (husi PLP, FRETILIN, KHUNTO) Prezidente Parlamentu Nasional la ajenda, e dada-dada to’o períodu ne’ebé maka kontestual ona, Prezidente Repúblika disolve parlamentu nasional konvoka eleisoens antesipadas. Iha ne’e ita bele dehan katak aplikasaun de aktus polítikus”,dehan tan Avelino.

Avelino haktuir tan katak, Vise PPN ne’e kuandu lidera meja ka diriji meja hodi hala’o plenária hodi tesi destinu rekerimentu destituisaun kuandu hetan ona delegasaun kompetensia husi Prezidente PN, se laiha kontra ona, no ne’e labele.

“Karik Prezidente PN la marka prezensa, nia bele delega kompetensia ba Vise PPN. Ita haree durante ne’e akontese hanesan ne’e. kuandu Prezidente PN iha servisu seluk la mai prejidi sesoens plenaria, prezidente delega kompetensia ba Vise Prezidente sira bazeia ba ajenda ne’ebé maka konferensia das bankadas parlamentares delibera tiha ona. Portanto ida ne’e prosedimentu normal”,afirma eis Prezidente Konsellu Ministru ne’e.

Lee hotu :   Marí Alkatiri: Ha’u mak PR, fó ona pose ba membru governu pendente

Nia dehan, kona fali ba konjuntura aktual, VIII Governu mai hela husi rezultadu eleisaun antesipada no Prezidente Parlamentu Nasional prezide hela husi bankada CNRT, ne’ebé orgaun soberanu ne’e iha hela CNRT nia liman. Agora FRETILIN mai ho kadeira ne’ebé mak mai husi eleisaun antesipada hotu, iha ne’ebé durante ne’e vota kontra hela ba programa VIII Governu nian. “Tanba ne’e mak em ves de ita ba kria presedentes que uluk simu tiha karta destituisaun la ajenda, agora mos hanesan ne’e. tanba ne’e aktu politiku ida. Tanba ne’e mak ami hanoin dehan katak, partidu sira ne’ebé kaer hela orgaun soberania nesesáriu ba diresaun partidu hirak ne’e atu define vakum jurídiku ne’e atu bele define ona palnu ba oin”,tenik tan.

Obrigatóriu Vise PN diriji meza

Entretantu, Vise Xefe bankada PLP, Francisco de Vasconcelhos, informa, deputadu maioria absoluta 33 iha Parlamentu Nasionál (PN), liu husi bankada FRETILIN, PLP no KHUNTO ezije obrigatóriu, ba Vise Prezidente PN na’in  rua, atu ajenda votasaun  destituisaun prezidente parlamentu Nasional Arão Noé.

Bankada PLP, FRETILIN ho KHUNTO sei husu obrigatorio vise Prezidente Parlamentu Nasional nain rua atu halo ajenda ba diskuasaun no votasaun distituisaun mudansa ba meja parlamentu

Tamba tuir  bankada tolu durante ne’e   Prezidente Parlamentu Arao Noe tenta halo impedementu no boikota aktividade Parlamentu

“Iha situasaun  hanesan ne’e, unika dalan mak Vise-Presidente sira substitui PPN hodi assumi presidensia atu konvoka no diriji sesaun plenária, nudar haklaken iha RPN artigu 22 numeru 1 : “Os Vice-Presidentes, rotativamente, substituirão o Presidente nas suas faltas ou impedimentos, nas faltas ou impedimentos destes, a presidência sera assumida pelo deputado mais  idozo”.  Substituisaun ida ne’e substituisaun automatika atu halao knar interinidade tanba PPN falta no hetan impedimentu, no la presiza delegasaun kompetensia husi propriu PPN”informa Vise xefe Bankada PLP  Francisco de vasconcelhos liu husi konferensia imprenza hodi hasai deklarasuan konjuta , iha bankada FRETILIN , Sesta  (15-5-2020)

Nia esplika,  Vise  Presidente sira so presiza Delegasaun kompetensia husi PPN, bainhira atu desempenha funsaun reprezentasaun ruma, hanesan expressamente haklaken iha artigu 22 numeru 3, RPN : “Aos Vice-Presidentes compete desempenhar as funções de representação do Parlamento ……… que o presidente neles delegar.”

“Ho baze interpretasaun ba RPN hanesan deskreve iha nee duni, mak ami deputadu nain 33 asina ona karta ida iha  loron-13 fulan-Maiu ne’ebé diriji ba Vice Prezidente Parlamentu Nasional nainrua, Sra. Maria Angelina Sarmento no Sr. Luis Roberto hodi husu sira  atu substitui Prezidente Parlamentu Nasional temporariamente hodi konvoka no lidera sesaun plenaria ba votasaun destituisaun prezidente parlamentu atual, tuir kompetensia ne’ebé Rejimentu Parlamentu Nasional fo ba Vice-Prezidente sira”tenik Francisco

Lee hotu :   OJE 2020 billiaun USD 1.950 pasa iha PN, FRETILIN ameasa lori ba tribunal

Segundu  Vise  Prezidente  Parlamentu Nasional  Luis Robertu simu ona karta husi deputadu Maioria parlamentar,  nia parte prontu atu diriji meja bainhira rejimentu fo dalan.

“Ha’u hakarak hatete de’it atu prontu ka la prontu rejimentu fo dalan sempre prontu  mais rejimentu maka la fo dalan ita presija tetu lai buat hotu ita tenke bazeia ba  prosedimentu legal ne’ebé iha”deklara Luis.

Maske deputadu sira husi bankada FRETILIN PLP no Kkunto hato’o ona karta destituisaun  ba Prezidente Parlamentu , maibé hetan rezeisaun Arao tanba konsidera la iha baze fundamentu.

Maske nune’e iha loron 11  fulan ne’e,  bankada tolu haruka kedas karta insiste ba prezidente parlamentu Nasionál.

Nune’e mos, Vise Xefe  Bankada FRETILIN,  Francisco  Miranda Branco, hatete,   la iha lei atu eziji   legalidade,   husi  Bankada  FRETILIN ne’ebé ho nia deputadu 23,   PLP  ho nia deputadu 8  no KHUNTO deputadu 5.

Francisco Miranda Branco hato’o deklarsaun ne’e hodi responde ejezensia husi bankada CNRT ne’ebé Ejije legalidade deputadu maioria parlamentar hodi hatama karta destituisaun hasoru prezidente parlamentu Nasional Ãrão Noé.

“Agora dadaun ne’e atu troka prezidente parlamentu Nasional foun la’os atu ezije legalidade ba bankada tolu  ,ita buka lei de’it ona mos hodi habosok povu,”hateten Vise Xefi bankada FRETILIN Francisoc Brancos ba jornalista liu husi konferensia ba imprensa , Sesta (15-5-2020)

Maske bankada tolu ne’e,  seidauk halibur-an hamutuk hanesan Aliansa ka Koligasaun ruma,  maibé bankada tolu ne’e hahú hatudu ona sira nian konsertasaun polítika  hodi sai forsa maioria parlamentar  tanba bankada FRETILIN ho nia deputadu 23  PLP ho deputadu walu no KHUNTO iha deputadu lima

Konsertasaun polítika ne’e hatudu liu husi haruka,  karta destituisaun ba meza Parlamentu no ejiji atu halo mudansa ba meza Parlamentu Nasionál no hetan rejeisaun husi prezidente parlamentu,  tanba konsidera la iha baze fundamentu.

Ho ida   ne’e  Xefe  Bankada   CNRT   Duarte  Nunes,   eziji atu halo mudansa ba  meza parlamentu  Nasionál  (MPN)  tenke  liu  husi dalan legal.

“Hanesan ita bo’ot  sira   konferensia  PPN nian klaru se bainhira koligasaun sei fo apoiu ba governu foun mosu ida ne’e ema  formal  no legal ona la iha problema ona tenke ita aserta data hodi halo eleisaun se maka manan kaer liman entrega fali kaer liman entrega fali buat hotu di’ak problema sa ida   ita mai ameasa tun sa’e  agora ita hasoru malu iha dalan ita la’o ba troka meja oinsa hasoru malu kalan ida bainhira fahe malu tenke sobu meja ida ne’e  la lojika,”esplika Duarte

Bankada FRETILIN PLP no KHUNTO  haruka karta destituisaun,   iha   loron  5  fulan ne’e,  maibé  Prezidente Parlamentu  rejeita tiha karta destituisaun ne’e,  iha  loron 11 fulan ne’e  no bankada tolu kontinua aprezenta fali karta insiste ba, maibe diriji fali ba Vise PPN, iha ne’ebé rejimentu la fó dalan.

Lee hotu :   Outubru kareta foun ba deputadu to’o iha TL

Antes ne’e mos iha tinan hirak liu ba bankada tolu husi CNRT, PLP, KHUNTO espertu hatama karta destituisaun ba meja PN hodi hatún Prezidente PN, Aniceto Guterres, maibe momentu ne’ebá Aniceto Guterres la halo ajendamentu ba karta destituisaun ne’e, no hatete katak, nia la gosta presaun. Nune’e dada-dada, to’o eis Prezidente PN Aniceto Guterres atual deputadu FRETILIN ne’ebé sai mos proponente ba karta destituisaun agora nian 2020 ho IV lejislatura iha momentu ne’eba hetan disolusaun husi Prezidente Repúblika, Francisco Guterres Lú Olo hodi hakat ba eleisaun antesipada.

Tuir Rejimentu Parlamentu Nasional

Entretantu iha rejimentu Parlamentu Nasional (PN) haktuir ho lian Portugés iha Artigo 17.º (Competências do Presidente do Parlamento Nacional) 1. Compete ao Presidente quanto aos trabalhos do Parlamento: a) Presidir à Mesa; b) Marcar as sessões plenárias e fixar a ordem do dia de acordo com o disposto no Regimento, ouvida a Conferência dos Representantes das Bancadas parlamentares; c) Organizar as sessões plenárias; d) Admitir ou rejeitar os projetos e as propostas de lei ou de resolução, os projetos de deliberação e os requerimentos, uma vez verificada a sua regularidade regimental, sem prejuízo do direito de recurso para o Plenário; e) Receber e encaminhar para as comissões competentes os textos dos projetos ou propostas de lei e dos tratados, assim como das petições dirigidas ao Parlamento; f) Manter a ordem, a disciplina e a segurança do Parlamento; g) Assinar as atas das sessões e os documentos expedidos em nome do Parlamento; h) Dar conhecimento ao Parlamento das mensagens, informações e explicações que lhe forem dirigidas; i) Promover à publicação dos debates e de todos os trabalhos e atos do Parlamento; j) Convocar e presidir à Conferência dos Representantes das Bancadas Parlamentares; k) Exercer as demais competências que a Constituição, o Regimento e a Lei Orgânica lhe atribuam. 2. Quanto às reuniões plenárias: a) Presidir às reuniões plenárias, declarar a sua abertura, suspensão e encerramento e dirigir os respetivos trabalhos; b) Conceder a palavra aos Deputados do Parlamento e aos membros do Governo e assegurar a ordem dos debates; c) Conceder permissão aos Deputados para não assistir às sessões; d) Em geral, assegurar o cumprimento do Regimento e das deliberações do Parlamento. 3. Das decisões do Presidente cabe sempre recurso para o Plenário. 4. Quanto aos Deputados: a) Deferir os pedidos de substituição temporária; b) Receber as declarações de renúncia ao mandato de Deputado; c) Julgar as justificações de faltas apresentadas pelos Deputados. 5. Compete ainda ao Presidente representar o Parlamento Nacional e chefiar as representações e deputações de que faça parte.

Iha rejimentu Parlamentu Nasional (PN) mos haktuir iha Artigo 22.º (Competência dos Vice-Presidentes) 1. Os Vice-Presidentes, rotativamente, substituirão o Presidente nas suas faltas ou impedimentos; nas faltas ou impedimentos destes, a Presidência será assumida pelo Deputado mais idoso. 2. Aos Vice-Presidentes compete fazer as leituras indispensáveis solicitadas pelo Presidente. 3. Aos Vice-Presidentes compete desempenhar as funções de representação do Parlamento em que sejam incumbidos pelo Presidente ou outras que o Presidente neles delegar.ety

Add to Comments Here!!!!

error: Content is protected.
Secured By miniOrange
You might also like:
Dadus COVId-19 iha Timor Leste, 15 maiu 2020

Suspeitu kazu na’ok sasán elektrónika aumenta ba na’in 10

Suspeitu  ba kazu na’ok sasán elektrónika ...

Governu sosa foos 30 mil tonelada hosi Vietname

Governu Timor-Leste liu hosi Sentru Lojístika...

Close