JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu kumpre kalendáriu diskusaun OJE 2020 iha PN

Governu kumpre kalendáriu diskusaun OJE 2020 iha PN

Ministru Prezidénsia Konsellu Ministru (MPKM), Fidelis Leite Magalhães, informa, Primeiru Ministru (PM), Taur Matan Ruak, husu ona ba membru Governu sira atu kumpre kalendáriu debate Orsamentu Jeral Estadu (OJE) tinan 2020 ne’ebé Governu aprova ona iha Konsellu Ministru (KM).

“PM fó orientasaun ida ne’ebé klaru, no ezije duni tenke la’o tuir kalendáriu ne’ebé Governu aprova ona iha KM,” MPKM ne’e iha Palásiu Governu, Sesta (18/09/2020).

Governante ne’e esplika, inísiu iha diskusaun atu Komite Revizaun Orsamentu Polítika (KROP), atu halo ajustamnetu ba OJE 2021, hahú tarde, maibé PM husu tenke realiza la-lais, atu nune’e fó biban ba Governu, atu halo preparasaun ba OJE 2021.

Fidelis subliña, loron 23 to’o loron 25 fulan Setembru, Governante sira sei ba hasoru malu ho kada komisaun iha PN, no OJE 2020 sei halo diskusaun iha PN, iha loron 1, fulan Outubru, tinan 2020, tanba Parlamentu Nasionál (PN) kalkula katak iha loron 8, fulan Outubru, tinan ida ne’e OJE ba 2020 tenke iha ona.

“Orsamentu ne’e sai instrumentu importante ida ba ita nia dezenvolvimentu, sem orsamentu ita nia programa polítika ita labele konkretiza, tanba bainhira ita iha vontade polítika maka’as, maibé laiha rekursu no orsamentu atu bele sustenta, ne’e ita sei la atinji objetivu dezenvolvimentu ne’ebé Governu planeia ona,” tenik Fidelis.

MPKM ne’e hatutan, presiza louva servisu husi Ministériu Finansas (MF), tanba halo servisu ne’ebé todan, atu bele finaliza prosesu hirak ne’e tuir kalendáriu ne’ebé iha ona. Cin

Lee hotu :   PARPOL 5 TAMA IHA NEGOSIASAUN FORMASAUN GOVERNU

Add to Comments Here!!!!

error: Content is protected.
Secured By miniOrange
You might also like:
Xanana Gusmão: Uma-lisan mós kontribui hodi Timor-Leste manan funu

Durante vizita eis komandante em chefe...

KDT-TL Produz formandu lian jestuál 10

Klibur Defisiénsia Tilun Timor-Leste (KDT-TL) produz...

Chegada de passageiros estrangeiros sob vigilância de MS

O avião fretado pelo Programa Alimentar...

Close