JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MNEK: Estudante iha Israel sei la hetan subsídiu COVID-19

MNEK: Estudante iha Israel sei la hetan subsídiu COVID-19

Ministra Negósiu Estranjéiru no Kooperasaun (MNEK), Adalgiza Magno, hateten, estudante hamutuk nain 72 ne’ebé ba tuir formasaun agrikutlura avansadu iha Israel labele hetan subsídiu, tanba estudante ne’ebé refere apoia hosi Governu.

Maske estudante hirak ne’e nia kontratu formasaun termina, maibe governu Israel kontinua fó posibilidade ba formandu hirak ne’e atu hela no aprende, tanba ne’e la’os obrigatóriu tenke deporta fila.

“Ba Israel ne’e sira la hetan direitu, tanba estudante bolseiru, portantu sira sei iha ne’ebá biar sira nia kontratu hotu ona, maibe governu Israel laiha problema kuandu sira hakarak hela, sira bele estuda no servisu hetan osan nafatin, maibe sira (estudante) mak hakarak fila. No ami haree hela meius, maibe sira hela mós laiha problema ida, governu Israel laiha problema atu sira hela nafatin to’o bainhira de’it”, afirma Adalgiza Magno, hodi responde ba perguntas deputadu António da Conceicão, bainhira aprezenta relatóriu ezekusaun fundu COVID-19 no relatóriu ezekusaun dotasaun orsamentu trimestral iha Parlamentu Nasionál (PN), Segunda (21/09/2020).

Nia haktuir, estudante sira ne’e husu hakarak fila, tanba sira sente sufisiente ona aprende iha ne’ebá, nune’e sira hakarak fila mai ona Timor.

“Sira hakerek ona pedidu mai iha ensinu superiór no koordena hela ho ami, sira akomoda proposta sira ne’e, seidauk iha solusaun konkretu, tanba temporariu sei iha opsaun oioin, maibe tanba sira Timor-oan, sira husu ona, Governu tenke akomoda”, dehan Adalgiza.

Governante ne’e esplika, kona-bá estudante non bolseirus iha nasaun seluk, Governu halo ona pagamentu subsídiu ba faze dahuluk no daruak, tanba ne’e subsídiu ba estudante naun bolseiru, ezekusaun kuaze atinji ona porsentu 100.

“Iha alterasaun ba dekretu lei atu aumenta tan nasaun 7 ne’ebé mak iha iha dekretu uluk la inklui, rai 7 ne’e mak hanesan Koréa du Súl, Singapura, Xína,  Bangladéz, Bruxelas, Loundres ho Moçambique, estudante kuaze 30 estudantes naun bolseiru no orsamentu ne’ebé mak prevé atu selu sira por volta USD 20 mil”, tenik Adalgiza.

Nia dehan, kona-bá segunda faze reklamandu por volta 500 estudantes naun bolseiru, ne’e MNEK nia ezekusaun kuaze atu atinji ona porsentu 100.

Antes ne’e, estudante 72 ne’ebé ba tuir formasaun moderniza agrikultura avansadu iha Israel, liu hosi vídeo ne’ebé GMN asesu, ezije ba Governu Timor-Leste, atu buka solusaun hodi deporta sira, tanba kontratu ba formasaun termina ona, inklui iha risku ba transmisaun COVID-19.

Maske nune’e, entre estudante Timor-oan 72 ne’e, ida pozitivu ona COVID-19 no dadaun ne’e iha hela fatin izolamentu. Say

Lee hotu :   Eis PR Horta: Lalikan hanoin ba EA ■Laiha ema ruma fahe líder nasionál sira

Add to Comments Here!!!!

error: Content is protected.
Secured By miniOrange
You might also like:
Dezkontente ho rezultadu teste ba Austrália, Kandidatu traballadora ho funsionáriu SEFOPE baku malu

Kandidatu traballadora Timor-oan ida ne’ebé atu...

Traballadór sira greve hasoru kompañia Gardamor

Kompañia Gardamor hapara ninia traballadór seguransa...

PN ezije Governu aselera pagamentu agregadu familiár reklamante

Deputadu bankada PD, António da Conceição...

Close