JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN ezije Governu aselera pagamentu agregadu familiár reklamante

PN ezije Governu aselera pagamentu agregadu familiár reklamante

Deputadu bankada PD, António da Conceição “Kalohan”, husu ba Governu atu aselera la-lais pagamentu subsídiu agregadu familiár ne’ebé halo reklamasaun.

“Ita labele dada tempu ho razaun sira ne’ebé mak ita aplika nafatin Estadu Emerjénsia (EE), maibé ita la fó kontinuidade medida polítika hola antes ne’ebé benefísia ba ema seluk no ba populasaun sira. Governu tenke fó ona desizaun klaru hodi fó solusaun ba problema, maske Governu implementa EE ba dala lima ona, maibé laiha kontinuidade medida polítika husi Governu“, Deputadu bankada PD ne’e liu husi ninia intervensaun iha Parlamentu Nasionál (PN), Segunda (21-09-2020).

Husi sorin seluk, deputada FRETILIN, Nelia Menezes, husu ba Governu atu informa bainhira mak halo pagamentu subsídiu ba reklamanente sira, tanba Governu mak promete ba povu.

“Iha fatin ida ne’e ha’u koalia kona-bá suku lubuk ida, ita boot sira halo reuniaun, nia asaun konkreta ne’e saída, planu loloos bainhira, sé la’e ita hela iha planu nia laran hela de’it tinan 2020, atu remate kontinua promete ba povu sira“, tenik Nelia.

Nune’e mós deputada CNRT, Carmelita Caetano Moniz, informa, Governu asesu dadus sensus uma-kain, ekonómia no agrikultura, ho nune’e iha ka la’e iha suku no aldeia.

“Problema karik membru Governu nia ema sira laiha baze no kooperasaun ho autoridade lokál sira, karik atu hetan dadus susar tebes. Tékniku laiha kapasidade atu haree dadus kona-bá asuntu sira ne’eb’e maka ita tau ona iha data baze”, haktuir Carmelita.

Hatán ba kestaun ne’e, Ministru Asuntu Parlamentár no Komunikasaun Sosiál (MAPKOMS), Francisco Jerónimo, klarifika Governu presiza halo verifikasaun dadus molok atu halo pagamentu reklamasaun ba subsídiu agregadu familiár.

“Ita boot koalia dadus sensus sira ne’e loos, maibé la garante iha realidade hanesan ne’e, dadus husi postu administrativu mai la hanesan ho dadus sensus sita, sempre halo cross check, maibé iha nia gap boot. Timor-Leste seidauk iha dadus ba sidadaun sira ne’ebe mak hela perante, tanba realidade hatudu bainhira sidadaun sira naran tau iha Baucau hela ida Díli. Tanba ne’e governu presiza verifika loloos dadus, nune’e Governu halo pagamentu tenke ema ne’ebé mak forma duni família”, tenik MAPKOMS ne’e.

Entretantu tuir dadus husi Governu agregadu família reklamante hamutuk rihun sanulu resin hat. Ety

Lee hotu :   Japaun apoia millaun USD 2.5 hodi haforsa siénsia no matemátika iha TL

Add to Comments Here!!!!

error: Content is protected.
Secured By miniOrange
You might also like:
PLP: Governu aprezenta relatóriu ezekusaun hanesan halo Tik Tok

Deputadu bankada PLP, Sabino Soares “Guntur”,...

Xanana-Horta inaugura uma-lulik haat iha Haurema

Líder karismátiku Kay Rala Xanana Gusmão,...

SEKOMS: Televizaun nasionál tenke fasilita lian jestuál

Sekretáriu Estadu Komunikasaun Sosiál (SEKOMS), Mericio...

Close