JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN ezije Governu halo pagamentu subsídiu ba família reklamante

PN ezije Governu halo pagamentu subsídiu ba família reklamante

Reprezentante povu iha uma fukun Parlamentu Nasionál (PN) kontinua ezije ba Governu atu halo pagamentu subsídiu USD 200 ba família reklamante no idozu sira, tanba to’o agora sira ladauk simu subsídiu refere.

“Pagamentu subsídiu ba idozu sira iha Díli de’it maioria seidauk simu, ne’e tanba saída, osan laiha? no pagamentu subsídiu ba família reklamante USD 200 aumenta USD 100 iha fulan Juñu tuir planu Governu nian, ha’u la hatene kanseladu ou troka ho subsídiu sesta bázika. Governu presiza esplika razaun saída mak ohin loron seidauk halo pagamentu subsídiu ba família reklamante USD 200 to’o ohin loron”, Deputada bankada CNRT, Maria Fernanda Lay liu husi ninia intervensaun iha plenária, bainhira Governu aprezenta planu no programa sesta bázika iha PN, Tersa (20-10-2020).

Nune’e mós deputadu bankada KHUNTO, Luis Roberto, sujere ba governu, molok atu implementa programa sesta bázika, tenke rezolve uluk subsídiu ba família agregadu no reklamanete sira ne’ebé seidauk simu subsídiu USD 200.

“Ha’u nia maluk deputadu balun kestiona katak iha primeiru faze ita-nia sosiedade balun seidauk hetan orsamentu husi COVID-19, molok atu tama iha segunda faze ita tenke responde ho di-di’ak reklamasaun ne’ebé iha”, dehan Luis.

Hatán ba kestaun ne’e, Vise Ministra Solidariedade Sosiál no Inkluzaun (MSSI), Signi Sandrawati Verdial, klarifika, pagamentu ba idozu sira Governu sei realiza iha fulan oin no pagamentu ba família agregadu sira sei realiza iha semana oin, fulan ne’e.

“Ita-nia planu ba selu ita-nia idozu sira ita planu ba fulan oin, pagamentu ba reklamasaun sira ne’e sei hala’o iha semana oin, fulan ne’e, ita selu ona lista ita taka ona“, tenki Governante ne’e.

Tuir dadus husi Governu família agregadu ne’ebé sei hetan pagamentu hamutuk 2.900 no lista 13.000 devolve fali ba Ministériu Administrasaun Estatál (MAE), hodi halo reverifikasaun. ety

Lee hotu :   PN konsidera tékniku EDTL José Afonso hanesan eroi ba TL

Add to Comments Here!!!!

error: Content is protected.
Secured By miniOrange
You might also like:
Câmara de Contas sei halo auditoria ba instituisaun Estadu balun

Prezidente Tribunal Rekursu (TR), Deolindo dos...

Xanana: FALINTIL la duni inimigu ho kilat

Eis komandante em Xefe FALINTIL, Kay...

Labele husik emprezáriu sai vítima, Projetu 143 Governu sei diskute fó solusaun

Vise Primeiru Ministru no Ministru Planu...

Close