JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN konsidera tékniku EDTL José Afonso hanesan eroi ba TL

PN konsidera tékniku EDTL José Afonso hanesan eroi ba TL

Vise Prezidente Parlamentu Nasional (PN), Maria Angelina Sarmento, konsidera, tékniku EDTL, José Afonso das Neves, ne’ebé hetan asidente iha Baucau-Baguia, bainhira hadia liña eletrisidade to’o lakon nia vida, hanesan eroi ida ne’ebé entrega-an tomak ba rai ida ne’e, nune’e merese hetan atensaun sériu hosi ministériu relevante, inklui sai mós referénsia ba tékniku EDTL iha Timór laran tomak, atu hetan kondisaun ne’ebé seguru liu.

“Tristeza teb-tebes tanba nia (José Afonso) ho nia dedikasaun tomak hadi’a liña eletrisidade ne’ebé mak iha fallansu, maibé ikus nia duni mak tenke sakrifika nia vida tomak, ida ne’e mak ita dehan ema ne’e eroi ba nasaun ida ne’e. Tanba ne’e husu ba ministériu relevante toma atensaun, tanba Orsamentu Jerál Estadu (OJE) tinan ida ne’e tenke fó prioridade atu halo distribuisaun ba liña eletrisidade iha territóriu Timor-Leste tomak, karik la’ós de’it kondisoens ba téniku sira servisu ne’e importante tebes, tanba liña ida rizku liu ne’e presiza atensaun sériu. Asidente ida iha Baguia ne’e sai referénsia ba funsionáriu EDTL sira iha munisípiu hotu ne’ebé mak merese hetan atensaun no merese hetan kondisaun adekuada husi ministériu relevante”, Deputada bankada PLP ne’e iha ninia intervensaun iha plenária, Segunda (19/10/2020).

FOTO: facebook

Alénde ne’e, deputadu bankada FRETILIN, David Diaz Ximenes “Mandati”, lamenta, mate-isin tékniku EDTL, José Afonso das Neves, tula de’it ho motór, tanba ne’e nia husu atensaun ba ministériu kompetente, atu tau atensaun ba kestaun refere ho sériu.

“Iha dezastre ida iha Baguia nian ne’e, eletrisidade Baguia nian, ema nia oan (ekipa EDTL) ne’e iha tiha rín eletrisidade leten mak ahi xoke nia mate, maibé atu lori la-lais ba ospitál de’it la konsege, tanba tenke lori fali motór mak tula, tanba ita-nia ambulánsia laiha”, subliña Mandati.

Nune’e mós deputadu bankada PLP, Noé da Silva ‘Buka Tuir’, husu Governu atu prepara fasilidade ba ekipa tékniku EDTL, nune’e bele servisu ho seguru, tanba servisu kona-bá eletrisidade iha rizku boot ba vida.

Entretantu tékniku EDTL, José Afonso da Neves hakotu iis iha loron 15, fulan Outubru ne’e, tanba ahi xoke, bainhira halo hela atendimentu ba liña BT, área Alawa Afagia, postu amdinistrativu Baguia, munisípiu Baucau. Say

Lee hotu :   Somotxo akuza Fidelis espiaun ba EUA, PLP ezije Governu lori kazu ne’e ba MP

Add to Comments Here!!!!

error: Content is protected.
Secured By miniOrange
You might also like:
FRETILIN realiza formasaun polítika patriótika ba ninia militante

Partidu Frente Revolucionária do Timor-Leste Independente...

FRETILIN konsidera Xanana foin hakfodak tanis hakuak povu

Deputada FRETILIN, Nélia Soares Menezes, hateten, líder...

VMF informa progresu livru orsamentu 2021 ba PM

Vise Ministra Finansas (VMF), Sara Lobo...

Close