JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN-VPM diskute projetu laiha kontratu

PN-VPM diskute projetu laiha kontratu

Parlamentu Nasionál (PN) liu husi deputadu sira komisaun E ne’ebé trata asuntu infraestrutura no  liu husi enkontru koordenasaun ho Vise Primeiru Ministru (VPM) no Ministru Planu Ordenamentu (MPO), José Reis, diskute kona-bá projetu sira ne’ebé laiha kontratu no mós pendente.

Prezidente komisaun E, deputadu Abel Pires, haktuir, enkontru koordenasaun ne’e, diskute liu projetu sira ne’ebé la’o ona, maibé iha hela problema nia laran, liu-liu hanesan projetu 143 ne’ebé balun konsege rezolve ona no balun iha hela Ministériu Públiku (MP).

“Ami halo enkontru koordenasaun, la’ós ho ADN, maibé ho Vise PM, ba asuntu infraestrutura ne’ebé hanesan mós Ministru Planu Ordenamentu, liu-liu hanesan mós Prezidente CAFI. Ami mai para ko’alia kona-bá prosesu ne’ebé mak la’o hela durante ne’e iha 2020 no mós liu-liu ba tinan oin. Ami komisaun E PN iha parseiru ne’ebé pro-ativu, nakloke, louva mós Vise PM, José Reis. Iha rezultadu enkontru ne’e, ami fahe dúvida no klarifikasaun ho di’ak, liu-liu kona-bá projetu ne’ebé ita iha nanis ona, hanesan projetu 143, iha tan projetu foun barak mak iha problema, balun la tama lista, ami diskute ida ne’e no ami mós deside atu iha tan reuniaun koordenasaun kada fulan tolu. Timor-Leste agora iha kondisaun ne’ebé di’ak, tanba OJE iha ona no iha parte importante hanesan infraestrutura ita hatene katak ne’e pre-kondisaun ba dezenvolvimentu, hanesan laiha bee, laiha estrada no eletrisidade laiha ne’e ita la ko’alia kona-bá dezenvolvimentu, tanba ne’e, sesaun sira infraestrutura bázika ne’e iha tiha lai mak bele la’o di’ak tan ba dezenovlvimentu iha setór hotu-hotu. Ami mós buka dala lubuk ida, hein katak iha tempu badak ita sei hetan solusaun. Ba projetu hanesan laiha orden, laiha kontratu no la tuir prosedimentu iha tempu badak ami sei ko’alia hotu buat sira ne’e, maibé ita foka liu-bá hanesan projetu 143 ne’e, ne’ebé mak 98 ne’e iha ona kontratu, maibé 43 mak sei problema ka sei iha dúvida nia-laran, tanba ne’e ita buka dalan ba ida ne’e, hein katak ita sei iha solusaun”, José Reis ba jornalista sira iha ninia kna’ar fatin Hudi-laran, Díli, Kinta (22/10/2020).

VPM no MPO, inklui Prezidente CAFI, José Reis, informa, liu husi enkontru ho parlamentu ne’e, atu buka solusaun hamutuk oinsa bele rezolve problema projetu sira ne’ebé sei iha problema nia-laran.

“Ami diskute ona projetu lubuk ida para atu rezolve, liu-liu hanesan 143 ne’e sei hetan solusaun, tenke buka mós dalan legal ida hodi rezolve, ita labele fó vítima ba empreza sira ne’ebé mak halo ona projetu, mezmu prátika ne’e prátika ida ne’ebé sala, maibé prontu liu ona, projetu balun iha ona, sira hasa’i ona osan para halo projetu ne’e. Ita hein de’it MP atu bolu ema ruma hodi responsabiliza, liu-liu ukun nain ne’e, tanba ita labele fó sala de’it ba empreza ne’e”, tenik Governante ne’e.

Antes ne’e, Primeiru Ministru, Taur Matan Ruak, deklara, projetu laiha kontratu la’ós mak komisaun inkéritu identifika ne’e de’it, maibé kuaze projetu 500 mak hasoru problema hanesan, maibé kona-bá projetu 43 ne’ebé iha MP sei buka solusaun. Say

Lee hotu :   Ramos Horta: Prezidente autoridade RAEOA foun tenke matenek dada investidór

Add to Comments Here!!!!

error: Content is protected.
Secured By miniOrange
You might also like:
PR Lú Olo: Saudozu “Buka Tuir” nu’udar ema pasiénsia na’in

Prezidente Repúblika (PR), Francisco Guterres “Lú...

PN: La nesesáriu PSIK ka’er kilat

Parlamentu Nasioinál (PN) liu husi deputadu...

Sosiedade Sivíl: Prabowo komete krime tolu iha Timor-Leste

Sosiedade Sivíl Timor-Leste (TL) konsidera atuál...

Close