JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Promesa kampu traballu ba ema rihun 60 la realiza, Fidelis tau todan ba CNRT

Promesa kampu traballu ba ema rihun 60 la realiza, Fidelis tau todan ba CNRT

Ministru Prezidénsia Konsellu Ministru (MPKM), Fidelis Leite Magalhães, rejeita kulpa pesoal, tanba promesa kria kampu traballu ba ema rihun 60 ne’e programa Governu koligasaun Aliansa Mudansa ba Progresu (AMP) ne’ebé kompostu husi PLP, KHUNTO ho CNRT rasik.

Tanba ne’e, Fidelis klarifika, promesa atu loke kampu traballu ba ema rihun 60  kada tinan, programa AMP nian ne’ebé CNRT rasik mak kontribui fallansu, bainhira vota abstensaun ba proposta Orsamentu Jerál Estadu (OJE) tinan 2020.

“60 mill kampu de traballu ne’e la’os na’in mak Fidelis Magalhães, maibé na’in mak AMP ne’ebé mós implika na’in mak CNRT. Ha’u enkuantu Ministru Reforma Lejislativa Asuntu Parlamentar (MRLAP) iha dever atu fó sai programa Governu nian iha momentu ne’ebá, iha ne’ebé ha’u tenke ko’alia sai buat ne’ebé loos. Buat loos mak bainhira ita ba kampaña ita lori livru oan aprezenta ba povu tomak katak sé ita manan iha ukun karik, ita atu kria kampu de traballu ho númeru 60 mill kada tinan, sé ita vezes ba mandatu tomak 300 mill. Maibé akontese bainhira hafoin ukun hamutuk iha AMP hatúr programa ne’ebé mak ita hatúr ba ita-nia populasaun durante eleisaun, ita transforma sai programa Governu no durante diskusaun no debate OJE bankada CNRT rasik mak abstein ba proposta OJE ida ne’ebé mak kontribui ita-nia fallansu koletivu atu atinji kriasaun empregu 60 mill kada tinan ne’e”, justifika ministru husi PLP ne’e iha PN, bainhira halo aprezentasaun ba planu rekuperasaun ekonómika iha Parlamentu Nasional (PN), Tersa (20/10/2020).

Maske nune’e, eis MRLAP ne’e rekoñese nia parte mak fó sai informasaun refere ba públiku, tanba programa Governu nian ne’ebé hakerek no planu hamutuk ona atu implementa.

“Ba públiku tomak ha’u la lohi, bainhira iha PN ida ne’e dehan atu kria kampu traballu hira, ha’u temi duni buat ne’ebé mak iha programa dehan 60 mill, maibé ida ne’e la’os programa ha’u nian. Tanba ne’e, ha’u hanoin  katak ne’e asuntu ida ne’ebé merese atu fó esplikasaun, tanba iha livru programativu, sé la fiar karik ha’u bele kópia para bele distribui fali ba ita-nia públiku mós dala ida tan, programa ne’e mak ita rasik hato’o no programa ne’e mak introduz ba programa Oitavu Governu nian. Ne’e la’os responsabilidade pesoal, maibé responsabilidade koletiva ida”, tenik Fidelis.

Nune’e mós iha plenária, deputada bankada CNRT, Veneranda Lemos, husu kona-ba polítika VIII Governu nian ne’ebé dehan kria kampu servisu ba ema rihun 60 kada tinan, to’o agora laiha lian.

“Loro-loron ita rona halo ita triste teb-tebes, tanba Ministru de faktu sira hapara ema nia kontratu, hasa’i Timor-Oan sira ne’ebé servisu tinan barak, Estadu lakon osan barak investe ba sira atu bele mai kontribui ba dezenvolvimentu institusional. Tanba ne’e deskonfia katak, Timor-Oan ne’e la afilia ba kor partidu ida, la halo juramentu ida, halo o que Timor-Oan ne’e lakon tiha paun fuan ida iha nia liman-laran no mós paun fuan ida ba nia família sira, oinsa mak rekuperasaun ekonómika ne’e ba sira? Sera que sira mós laiha direitu ba ida ne’e? rekuperasaun ekonómika ne’e atu kria empregu hira iha Timor-Leste? Ministru de faktu Fidelis ninia statement liu ba dehan, sei loke 60 mill ba Timor-Oan sira, to’o oras ida ne’e ema hira ona mak servisu? Ka hasa’i hodi hatama, hasa’i hodi hatama”, dehan deputada bankada CNRT ne’e.

Antes ne’e, Fidelis fó sai ba públiku katak, VIII Governu Konstitusional ne’ebé kompostu husi CNRT, PLP ho KHUNTO sei loke kampu traballu ba Timor-Oan rihun 60 kada tinan, durante mandatu tinan lima (5). Maibé hafoin Prezidente Repúblika (PR), Francisco Guterres “Lú Olo” trava hodi lakohi fó pose ba membru Governu na’in sia (9) husi CNRT halo krize polítika iha rai-laran hetok sa’e maka’as, nune’e CNRT sente katak, atu hakotu krize ne’e tenke dada-an husi VIII Governu, nune’e PR bele foti desizaun ba Timor-Leste nia di’ak, nune’e PR Lú Olo admite fali partidu FRETILIN ne’ebé nia rasik nu’udar Prezidente partidu haruka  tama kedas ba tonka VIII Governu, maske kontra hela lei no konstituisaun RDTL. say

Lee hotu :   Governu garante importasaun esensial durante Estadu Emerjénsia

Add to Comments Here!!!!

error: Content is protected.
Secured By miniOrange
You might also like:
PSIK kaer kilat, Lere: Polítika la’o sabraut ona

Xefe Estadu Maior FALINTIL-Forsa Defeza Timor-Leste...

MBX kondena deputada Nelia laiha étika moral

Movimentu Brigada Xanana (MBX), deklara, deputada...

Governu propoin PR estende EE ba dahitu

Governu liu husi Konsellu Ministru (KM)...

Close