JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Destinu Fundu Petrolíferu depende kualidade Governasaun

Destinu Fundu Petrolíferu depende kualidade Governasaun

Xefe bankada UDT, Francisco David Carlos alias Abono Ramkabian, hateten, destinu reseita Fundu Petrolíferu (FP) depende ba kualidade governasaun no jestaun di’ak líder Timor-Oan sira nian. Maibé FP sei la hotu bainhira Governu lori osan halo fali osan, liu husi investe no explora ba setór produtivu sira ne’ebé Timor-Leste iha, tanba Timor-Leste jeográfikamente luan ho númeru populasaun ne’ebé ki’ik liu.

“Bele, dala ida tan kuandu ita investe fundu FP ne’e ba iha área bar-barak, tanba iha Timor ne’e ita dependénsia liu ba FP, enkuantu iha área barak no buat barak mak ita bele halo retornu ekonómiku ba ita-nia rain rasik. Iha área barak hanesan turízmu no buat seluk tan bele explora hodi hetan reseita ba ita-nia nasaun rasik, vantajen ida tanba ita ne’e jeogrfikamente 16 KM kuadradu no populasaun mós uitoan de’it 1.2 milhões abitante, fasílmente kuandu ema kualidade no ema matenek mak kaer ukun, automatikamente halo jestaun di’ak, fundu nasaun ne’e sei bele tahan to’o kleur. maibé atu halo jestaun di’ak ne’e depende kualidade governasaun, presiza ema matenek sira mak kaer ukun, ida bele la’o ba oin. Tanba ita labele hanoin mak gasta osan de’it, ita lori osan para halo fali osan, tanba rekursu iha país ne’e dependente ba rekursu naturál, maibé depende rekursu umanu ne’e rasik hodi jere atu nasaun ne’e ba oin”, Xefe bankada UDT ne’e iha Parlamentu Nasionál (PN), Sesta (21/11/2020).

Alénde ne’e, Xefe bankada FRETILIN, Francisco Miranda Branco, konsidera, FP ameasa atu hotu iha tinan 10 mai, tanba implikasaun husi gasta arbiru.

“Tuir loloos iha kedan 2015 iha tempu ne’ebá ita halo ona diversifikasaun ita-nia ekonomia ne’e, labele depende de’it ba mina-rai, ita tenke buka fontes seluk, maibé ida ne’e la akontese, agora iha tempu ne’ebé ita dependénsia total ba mina-rai 90 e tall %, konserteza ita laiha kapasidade atu halo alterasaun ba ida ne’e iha tempu badak, hodi priense fali mina-rai nia persentajen ne’e, hodi sustenta Orsamentu Jerál Estadu (OJE). Ne’e servisu ida ne’ebé todan, bele to’o tinan 10, bele mós liu tan, ita nia fundu mina-rai hotu ona. Governu hanoin hela atu buka maneira, tanba ita-nia setór non pretolíferu barak ne’ebé ita nunka hanoin atu implementa, tempu ona ita atu implementa para hatama reseita naun petrolífera ba Estadu, sé la’e ita sei hasoru situasaun ne’ebé difísil liu tan iha tempu oin mai”, subliña deputadu bankada FRETILIN ne’e.

Antes ne’e, liu husi audénsia ba OJE tinan 2021 entre Parlamentu Nasionál ho Governu, Prezidente Konsellu Konsultivu Fundu Petrolíferu, Juvinal Dias fó atensaun ba Governu, tanba FP ameasa hotu iha tinan 10 mai. say

Lee hotu :   Ermera preokupa eleisaun antisipada ''Alkatiri hateten AMP tauk

Add to Comments Here!!!!

error: Content is protected.
Secured By miniOrange
You might also like:
Fundadór partidu APODETI termina peregrinasaun iha mundu

Fundadór Institutu Superiór Cristál (ISC) no...

PN adia ajenda eleisaun ba membru KI

Sekretária Meza Parlamentu Nasionál (PN), Lídia...

MNE-RI hato’o solidariedade ba Xanana

FOTO: MedSos Ministra Negósiu Estranjeiru (MNE)...

Close