JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Prevene diskute estensaun EE kada fulan, PN rekomenda ba PR promulga LPS

Prevene diskute estensaun EE kada fulan, PN rekomenda ba PR promulga LPS

Parlamentu Nasionál (PN) sujere ba Prezidente Repúblika (PR), Francisco Guterres “Lú Olo”, atu promulga Lei Protesaun Sivíl (LPS), tanba ho lei refere bele prevene diskusaun estensaun Estadu Emerjénsia (EE) kada fulan, maibé fó kompeténsia ba ezekutivu atu implementa ka impoin regra, hodi limite liberdade sidadaun sira nian.

Tanba ne’e deputadu sira kinta lejislatura liu husi plenária extraordinária semana ne’e halo ona re-apresiasaun ka konfirmasaun votus ho a favor 59, kontra 0 no abstensaun 1.

“Ita hotu konsiente katak ho LPS ne’e fó  biban ba ezekutivu atu bele implementa regra hasoru pandemia COVID-19 ne’e. Sé lei ne’e mak PR promulga mós bele reduz ita-nia tempu ba fulan-fulan ita halo aprovasaun hela de’it EE. Importante liu mak ita tenke fó podér no fó biban ba ezekutivu sira hodi implementa regra sira ne’e”, Xefe bankada PUDD, António de Sá Benevides, iha PN Segunda (23/11/2020).

Alénde ne’e, deputada Frenti Mudansa, Isabel Ximenes, mós deklara apoiu tomak iha konfirmasaun votus ba lei protesaun sivíl ne’e, tanba lei refere importante tebes, liu-liu iha situasaun kalamidade sira.

“Ita haree ba LPS ne’e, atu enkuadra sistema integradu tomak ba iha oinsa mak seguransa nasionál ne’e bele garante ba funsoens husi entidade protesaun sivíl tomak ne’ebé mak bele fó resposta imediata ba situasaun kalamidade sira ne’e no mós sei bele fasilita ba halo asaun umanitária, tanba kestaun sira ne’ebé aprezenta ne’e mak sai ami-nia razaun para ami bele fó nafatin ami-nia apoiu iha konfirmasaun votus ne’e”, subliña deputada Isabel.

Nune’e mós Prezidente komisaun B ne’ebé trata ba asuntu defeza seguransa no negósiu estranjeiru, José Agostinho “Somotxo”, hateten, LPS ne’e la hadau kompeténsia konstituisaun no la suspende total direitu no liberdade sidadaun nian, maibé iha de’it limitasaun bainhira mosu kalamidade, inklui hanesan situasaun COVID-19.

“Mezmu LPS aprovadu, maibé deklarasaun EE Governu sei husu nafatin, LPS ne’e la kompete atu halo deklarasaun ba EE, LPS ne’e mós la suspende ema-nia direitu hanesan artigu balun ne’ebé la define iha situasuan alerta situasaun kalamidade, la suspende sidaduan nia direitu no liberdade,  maibé limita de’it ho medida ne’ebé Governu sei hasa’i, liu husi deklarasaun. Tanba ne’e LPS la hasa’i kompeténsia K-RDTL nian, tanba ne’e mak Governu tenke husu ba PR para husu PN atu deklara Estadu de Sítiu, maibé LPS ne’e somente atu deklara kalamidade ho limita de’it”, esplika Somotxo.

PN aprova dahuluk LPS iha loron 21, fulan Jullu, tinan ne’e, ho votu a favor 54, kontra 0 no abstensaun 4. No Lei refere hetan veta polítika husi PR Lú Olo, iha loron 1, fulan Setembru, tinan ne’e.

Xefe Estadu Francisco Guterres “Lú Olo” dekreta ona EE ba dala ida no estensaun EE ba dala-6. say

Lee hotu :   MOP sei rezolve problema bee moos iha proposta OJE 2021

Add to Comments Here!!!!

error: Content is protected.
Secured By miniOrange
You might also like:
Abilio Araújo: Fundu petrolíferu tenke sai hanesan rezerva ba futuru

Líder Nasionál, Abilio de Araújo, hateten,...

PN husu PR-Governu implementa EE iha de’it fronteira

Xefe Bankada UDT, Francisco David Carlos...

Cedelízia ameasa lori PPN ba tribunál

Sekretária Jerál Parlamentu Nasionál (PN) sesante,...

Close