JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estensaun EE ba da-ualu aprovadu iha PN

Estensaun EE ba da-ualu aprovadu iha PN

Deputadu Parlamentu Nasionál (PN) kinta lejislatura, liu husi plenária estraordinária Kinta (03/12/2020) ne’e, aprova tan pedidu husi Prezidente Repúblika (PR), Francisco Guterres “Lú Olo”,  hodi autoriza estensaun Estadu Emerjénsia (EE) ba da-ualu, nune’e prevene transmisaun COVID-19 iha Timor-Leste.

Pedidu estensaun Estadu Emerjénsia ne’e pasa ho votu a favór 46, kontra 0 no abtensaun 3.

Tempu ba estensaun ba da-ualu ne’e hahú iha loron 4, fulan Dezembru ne’e to’o loron 2, Fulan Janeiru tinan 2021.

Deputada CNRT, Carmelita Caetano Moniz, husu ba Governu atu fulan oin Governu labele husu tan PN atu diskute EE, tanba Xefe Estadu promulga ona lei protesaun sivíl ne’ebé Governu bele uza, hodi limite direitu no liberdade populasaun nian.

“Ida ne’ebé la presiza Primeiru Ministru (PM) fulan-fulan mai iha PN para husu autorizasaun ba PN, hodi deklara EE, ne’e sei liu husi dalan naruk boot ida, tanba tenke husu tan ba PR, tenke konvoka reuniaun ba Konsellu Estadu, liu husi birokrásia ida ne’ebé naruk tebes”.

“Tanba ne’e ha’u husu sé bele tinan oin Governu lalika mai ona atu husu tan autorizasaun husi PN, maibé ita boot sira bele implementa de’it lei protesaun sivíl liu husi rezolusaun Konsellu Ministru (KM) nian, ho nune’e ita bele habadak ona ita-nia dalan ba hasoru pandemia COVID-19”, afirma deputada opozisaun ne’e iha plenária.

Alénde ne’e Prezidente Parlamentu Nasionál (PPN), Aniceto Guterres, garante ho estensaun EE ba da-ualu nian ne’e,  Timor-Leste bele seguru nafatin.

“Projetu lei ba renovasaun EE aprovadu, ho nune’e PN nia dezeju ida de’it, PN hein Governu atu implementa ho di-di’ak, hodi garante nafatin saúde públika no halo prevensaun ho másimu ba transmisaun COVID-19 iha ita-nia rain”, tenik PPN ne’e.

Tama kuarentena tenke selu rasik

Konsellu Ministru (KM), iha Kuarta (03/12/2020), aprova ona Dekretu Governu ne’ebé aprezenta husi Primeiru Ministru (PM), Taur Matan Ruak, kona-bá medida sira ezekusaun Estadu Emerjénsia (EE) ne’ebé renova husi Dekretu Prezidente Repúblika nian N0. 70/2020, loron 3, fulan Dezembru, hodi hatán ba COVID-19.

Ba individu sira ne’ebé hakarak tama no sai Timor-Leste obrigatóriumente tenke kumpre kuarentena ho durasaun minimál loron 14 no halo teste ba COVID-19. Alende ne’e, ema sira ne’ebé infetadu ona ho COVID-19 ka iha ona kontaktu ho indivídu infetadu sira ho COVID-19 tenke tama izolamentu. Kada ema ne’ebé tama kuarentena tenke selu rasik despeza ba estabelesimentu saúde, rezidénsia ka sentru izolamentu privadu sira ne’ebé sira halo kuarentena ba.

“Medida sira mak nafatin de’it ho EE ida agora vijente hela. Ne’ebé nia sei tama iha vigor 00:00 loron 4, fulan Dezembru ne’e to’o loron 2, fulan Janeiru, 2021. Ne’ebé Janeiru tiha mak ita sei haree fali, antes fim de Dezembro halo avaliasaun hodi haree situasaun sira kontinua, sé kuadru legál sira la to’o, Governu tenke husu dala ida tan ou sei husu fali. Maibé sé la presiza karik iha futuru, iha opsaun ida mak atu la husu fali, maibé ida ne’e depende ba evolusaun ba oin nian”, Ministru Prezidénsia Konsellu Ministru (MPKM), Fidelis Magalhães.

Governu mós mantein nafatin regra obrigatóriu indivídu hotu-hotu ne’ebé hakarak tama no sai husi teritóriu nasionál tenke sujeita ba kontrolu sanitáriu. Dekretu ne’e Governu mantein nafatin regra EE ne’ebé vigora iha EE da-hitu hanesan ema hotu labele halibur malu, mantein distánsia, pelumenus metru ida ho balun ba ema ida. Sira ne’ebé la moris ho ekonomia viva, utiliza máskara fasiál ne’ebé taka ibun no fase-liman bei-beik, liu-liu bainhira halo kontaktu ho objetu sira hanesan osan. Ema hotu tenke uza máskara bainhira hakarak tama iha estabelesimentu komersiál no edifísiu sira servisu administrasaun públika nian.

“Implementasaun medida sira ne’e ita uza sasukat balun depende sé situsaun ne’e pior ita halo maka’as liu tan, entaun ita impoin ho forsa atu sidadaun sira kumpre, bainhira númeru moras aumenta. Maibe dau-daun ne’e, imi hatene katak númeru infetadu maioria ne’e kontroladu hela. Ita hotu preokupa ho COVID-19, maibé mós ita hakarak ita-nia vida ne’e labele hetan impedimentu boot de mais husi COVID-19, liu-liu númeru moras ne’e seidauk aumenta maka’as. Entaun atividade bai-bain bele la’o, hodi nune’e fasilita mós atividade sosiál no ekonómika sira bele la’o”, tenik MPKM ne’e.

Mantein proibisaun no sansaun ba pasajen fronteira terestre ba ema sira ne’e ba halo kultura no mós ba asesu merkadu ne’ebé regula ona, mantein nafatin sansaun sira ne’e. Ba ema estranjeiru hakarak tama iha teritóriu nasionál, liu husi fronteira terestre tenke hetan uluk autorizasaun husi autoridada saúde. Durante periódu vijénsia EE lisensa hotu-hotu, autorizasaun no atus administrativu sira seluk no dokumentu sira mantein válidu independentemente husi nia prazu liu ona. say/oct

Lee hotu :   Dúvida dada kadoras GS mai TL, MJEDPTL husu sosiedade sivil labele “asbun”

Add to Comments Here!!!!

error: Content is protected.
Secured By miniOrange
You might also like:
Deskonfia envolve kazu omisídiu iha Taibessi, TDD aplika aprezentasaun periódika ba JA

Tribunál Distritál Díli (TDD) liu husi...

Sidadaun estranjeiru ida pozitivu COVID-19

Koordenadora Jerál Komisaun Corona Virus Disease...

PN preokupa membru PNTL hurlele komunidade sunu sesta bázika

Uma fukun Parlamentu Nasionál preokupa ho...

Close