JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Expedito-Benevides eleitu ba membru KI

Expedito-Benevides eleitu ba membru KI

Deputadu Parlamentu Nasionál (PN) liu hosi eleisaun sekretu hili ona ninia reprezentante na’in rua hanesan Expedito Loro Dias Ximenes ho Benevides Correia Barros ba Konsellu Imprensa (KI), ba mandatu tinan lima mai.

Iha prosesu eleisaun ne’e, bankada parlamentar sira aprezenta kandidatu na’in tolu, kadidatu jurista ida aprezenta hosi bankada PD no kandidatu jornalista na’in rua aprezenta hosi CNRT no PLP.

Iha rezultadu votasaun, kandidatu jornalista, Expedito Loro Dias Ximenes eleitu ho votu a favór 36 no kandidatu Jordão Marques hela ho votu 29.

Alénde ne’e, kandidatu jurista, Benevides Correia Barros, eleitu ho votu a favór 53, kontra 6 , abstensaun 4 no votu branku 2.

“Ho votasaun ne’e, PN konsege hili ona nia membru na’in rua mak Expedito Dias Ximenes ho Benevides Correia Barros ba membru KI. Anúnsia mós membru KI ne’ebé eleitu ona hosi reprezentante jornalista nian mak hanesan Virgílio da Silva Guterres ho Francisco Simões Belo no ida tan reprezentante hosi órgaun komunikasaun sosiál Otélio Óte. Membru na’in 3 ne’e eleitu no informa ona mai PN, tanba iha hotu ona, dekretu lei ne’e mós iha artigu 18, lista ba membru KI na’in 5 ne’e sei haruka ba KI, hodi membru na’in 5 ne’e hili nia prezidente, depois mak haruka fali mai PN, hodi simu posse”, pronúnsia Prezidente PN, Aniceto Guterres Lopes, iha plenária, Segunda (18/01/2021).

Tuir regulamentu númeru 2/2019, loron 29, fulan Novembru, membru ba KI hamutuk na’in 5.

Tuir artigu 3 iha regulamentu ne’e hateten, kandidatu ba membru KI reprezentante na’in rua (2) hili hosi jornalista, ida (1) hili hosi órgaun komunikasaun sosiál no rua (2) hili hosi PN ne’ebé obrigatoriu ida tenke jurista, no mandatu ba KI ne’e ba tinan lima. say

Lee hotu :   Destinu Fundu Petrolíferu depende kualidade Governasaun

Add to Comments Here!!!!

error: Content is protected.
Secured By miniOrange
You might also like:
PNSIK kaptura Diretór Terras Propriedade

Polísia Nasionál Servisu Investigasaun Kriminál (PNSIK)...

Bankada Governu kestiona CNRT konsidera órgaun soberanu kontra konstituisaun

Bankada Governu iha Parlamentu Nasionál (PN)...

RAEOA livre ona halo viajen ba munisípiu seluk

Ministru Prezidénsia Konsellu Ministru (MPKM), Fidelis...

Close