PN suspende plenária hodi fó onra ba Guntur

Parlamentu Nasionál (PN) iha Segunda (25/1) ne’e, suspende plenária hodi hatudu sentidu lutu no hodi fó onra ba saudozu Sabino Soares “Guntur”, ne’ebé hakotu ona ninia peregrinasaun moris iha mundu.

“Meza PN deside suspende plenária loron ida ba ohin loron nu’udár sentidu de lutu ba saudozo Deputadu Sabino Soares “Guntur” nia mate, aban (26/1) mak PN sei hahú hikas nia atividade plenária, nune’e ha’u deklara ensera sesaun solene ba omenajen saudozo Sabino Soares “Guntur“, Prezidente PN, Aniceto Guterres iha PN, Segunda (25-01-2021).

Xefe Órgaun Lejislativu ne’e esplika, razaun PN deside suspende plenária ne’e, hodi hatudu sentidu lutu ba saudozu Guntur, tanba nu’udár deputadu iha PN Kinta lejislatura.

Entretantu saudozu Sabino Soares “Guntur” nu’udár reprezentante povu  hosi bankada PLP, nia hakotu peregrinasaun moris iha mundu iha loron 23,  fulan Janeiru ne’e, tinan 2021, iha Hospital Nacional Guido Valadares (HNGV), tanba sofre moras ran-midar. ety