JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Diskusaun KJE 2019, Governu komete iregularidade

Diskusaun KJE 2019, Governu komete iregularidade

Deputadu bankada CNRT, Maria Terezinha Viegas, liuhosi inervensaun bankada hateten, Governu laiha seriedade atu hadi’a-an, tanba ne’e kontinua kométe lapsu ka iregularidade ne’ebé akontese tiha ona iha tinan 2018 ninian.

Deputada CNRT ne’e afirma, iha Konta Jerál Estadu (KJE), Governu kontinua iregularidade ne’ebé hanesan, tanba la kumpri hotu rekomendasaun hosi Câmara de Contas, inklui saldo tezouru ba tinan 2019, ne’ebé  ho montante millaun USD 278, la emgloba RAEOA, Ministériu Petróleu Mineral (MPM) ho Institutu Petróleu no Jeolójia  (IPJ) nian.

“Bankada deskobre kestaun hirak tuir mai ne’e, ida, parsialmente Governu ho entidades foin ezekuta 12 rekomendasoens hosi 26 rekomendasoens relatóriu Câmara de Contas, iha konta jerál estadu 2018. Ne’e hatudu Governu laiha seriedade atu hadi’a an no kontinua kométe lapsu, no iregularidade. Depois saldo tezouru iha 2019 demonstra ho valór global hamutuk 278.1 milloens de dollar, konforme Câmara de Contas relata katak, saldo ida ne’e la emgloba, RAEOA MPM no IPG nian. Câmara de Contas deskobre mós katak, iha fim do ano 2019, ministériu sira sei halo kontratu obrigasaun ba empreza sira, atínje to’o 3,6 milloens de dollar, kontratu obrigasaun ne’e ultrapassa tiha tempu pagamentu nian, iha anu fiskal ida nia laran. Dívida non finanseira por kategoria ekonómika aprezenta 27,8 milloens ne’ebé governu seidauk selu, tanba monu ba tempu pagamentu nian, dívida non finanseira ne’e, envolve entidades administrasaun direita, ajénsia autónomus no orsamentu ba munisípiu sira nian. RAEOA akumula saldo tezouru boot tebes iha sira-nia konta, total akumulasaun 253,4 milleons de dollares, kuaze ekilibriu ho saldo tezouru Estadu ne’ebé total 278,1 milloens de dollar, RAEOA tau osan barak iha saldo, enkuantu tinan-tinan obrigadu tenke foti hosi fundu petrolíferu liu RSE, ou liu 3% tuir lei haruka. Tuir relatóriu Câmara de Contas, reseitas doméstika RAEOA 5,9 milloens de dollar, la haruka ba konta jerál estadu. Alénde ne’e, relatóriu ezekusaun  iha 4 trimestre nian, la aprezenta ba ministériu finansas, tanba ne’e mak ministériu finansas la aprezenta elatóriu 4 trimestre ba Câmara de Contas.”kestiona deputada opozisaun ne’e, bainhira diskute Konta Jerál Estadu (KJE) 2019 ho Governu, Tersa (23/02/2021) iha PN.

Lee hotu :   Alkatiri akuza KO sai sentru korupsaun ■Xanana: Estadu nia airin a’at

Nune’e, Ministru Finansas, Rui Gomes, hateten, Governu ezekuta Orsamentu Jerál Estadu tinan 2019, bazeia ba lei no rekomendasaun hosi Câmara de Contas.

“OJE 2019, hetan aprovasaun ho lei nú 2/2019, 7 de Fevereiru, nune’e iha fulan Janeiru 2019, ezekusaun halo tuir regras rejime duodesimál, ne’ebé estabele dotasoens orsamental temporarias, ho baze dotasoens orsamentais, hosi OJE 2018. Bainhira OJE 2019 tama ona iha vigor, maka ezekusaun mós tuir regras jerais ezekusaun orsamental no dotasaun orsamentais ne’ebé estabelese iha lei refere. Portanto demonstrasoens orsamentais ne’ebé aprezenta iha konta jerál estadu, bazeia ba agregasaun ezekusaun lei orsamental em rejime dua decimal fulan Janeiru 2019, no ezekusaun orsamental ho ezekusaun normal, hahú iha fulan Fevereiru 2019 to’o Dezembru 2019. Konta Jerál Estadu ne’e, tuir ona rekomendasaun sira hosi Câmara de Contas, ho objetivu atu fornese transparente liu.”,dehan.

Governu hein katak iha tinan 2021, bele avansa ona ho reformas nessesária, atu mellora ezekusaun orsamental, bainhira lei foun enkuadramentu Orsamentu Jerál Estadu, hetan ona aprovasaun iha PN, atu nune’e bele substitui lei Orsamentu no Jestaun finanseira atúal.

“Insufisiénsia sira ne’ebé identifikada iha konta jerál estadu ba tinan 2019, no mós OJE, ne’ebé mai hosi tinan rua  nia laran, hahú konsege hadi’ak oituan ona,  hahú kedas hosi OJE 2020 no 2021, nune’e Governu espera katak, bainhira mai aprezenta konta ba OJE 2020 nian, sei bele mai ho novidades metodolójikas balun ne’ebé bele aumenta ajuda transferénsias Contas públikas.”tenik Rui Gomes iha nia aprezentasaun.

Orsamentu Jerál Estadu ba tinan 2019, Parlamentu Nasionál aprova, ho montante billiaun USD 1.4 resin.Say

Add to Comments Here!!!!

error: Content is protected.
Secured By miniOrange
You might also like:
F-FDTL sei simu uluk vasina COVID-19

Membru FALINTIL Forsa Defeza Timor-Leste (F-FDTL),...

Julgamentu ba eis-padre Daschbach taka ba públiku

Tribunal Distrital Oecuse (TDO), Tersa (23/2/2021),...

Timor-Leste rejista ona primeiru transmisaun lokál COVID-19

Timor-Leste (TL) rejista kazu foun haat ...

Close