JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Komisaun B viola regra serka sanitária

CNRT: Komisaun B viola regra serka sanitária

Deputada Maria Barreto Gorumali kestiona, deputadu sira husi komisaun B Parlamentu Nasionál ne’ebé tenta viola re­gra serka sanitária, hafoin fiskalizasaun iha Postu Administrativu Atsabe, iha semana kotuk.

Deputada opoziaun CNRT ne’e hato’o kestaun ne’e ligadu ho membru komisaun B nia fiskalizasaun ba postu administrativu Atsabe, munisípiu Ermera, ne’ebé fila tenta atu liuhosi Bo­bonaro, maibe la konsege, tanba komando polísia munisípiu Bobonaro la autoriza liuhosi Maliana, no haruka fila.

Reprezentante povu ne’e hateten, regra Estadu Emerjénsia válidu ba ema hotu-hotu, hahú hosi nível Governu to’o komunidade.

“Kongratula ba komando polísia Bo­bonaro ne’ebé firme iha regra lookdown ninian, no konsege trava tiha viajen, de­putadu balun ne’ebé mak tama hosi parte Atsabe nian, hakat ba Bobonaro, maibe to’o iha Galisapulu sira fila-fali. Ha’u apresia ho ita bo’ot (polísia) sira-nia servisu, trata ema hotu ho igual, labele membru governu ka PN, tanba de’it lookdown imi husik liu, depois povu babain imi trava sira, ida ne’e ha’u apresia ba ita bo’ot sira-nia servisu”,afirma deputada CNRT ne’e iha diskusaun EE ba da-11, Segunda (01/03/2021).

Alénde ne’e, prezidente ho membru komisaun B rekoñese hanesan erru, maibe iha viajen ne’e, hetan autorizasaun hosi Brigadeiru Jeneral João Miranda  Aluk.

“Ha’u nu’udar membru komisaun B, hamutuk ho prezidente komisaun ami-nia komitiva ba iha Atsabe, ami ba hasoru direta ho autoridade lokál, hodi rezolve problema ida ne’ebé mak ita nia komunidade uma kain 4, ne’ebé mak agora sai refuziadu ba ita nia rain rasik iha Gleno, durante tinan 7 nia laran, ida ne’e mak inisiativu komisaun B nian. Depois ida ne’e, deputada Bendita ho Bisoi nu’udar mós membru komisaun B, kontakta direta ho segundu komandante ope­rasaun, Brigadeiru Jeneral João Miranda Aluk, husu autorizasaun no lisensa, katak dehan ami bele liu hosi Maliana, tanba besik liu, maibe tenke uza maskára, depois labele tun hosi kareta, labele kontaktu ho ema ruma, no labele tula tan ema ruma iha dalan. Maibe to’o iha Galisapulu ninian, la autoriza, ha’u rasik kontaktu direta PPN, no KomJer, katak dehan labele, maibe ha’u bazeia ba informasaun verbal, maibe la’ós viola, hetan autorizasaun”,haktuir deputadu Luis Roberto iha diskusaun EE ba da-11, Segunda (01/03/2021).

Lee hotu :   ÚLTIMA HORA: FRETILIN VAI CONVIDAR PLP E KHUNTO PARA FORMAR PLATAFORMA DE GOVERNAÇÃO EM TIMOR-LESTE (ATUALIZADA)

Ho kestaun ne’e, Prezidente Parlamentu Nasionál, Aniceto Guterres, husu komisaun B atu aprezenta relatóriu esklaresimentu, nune’e labele mosu dúvida iha públiku.

“Problema mak la’ós atu ba servisu, maibe atu liu de’it mai Díli mak liu iha ne’ebá, hakarak liu fali hosi Maliana mak mai Díli, tanba dehan dalan iha ne’ebá mak di’akliu, mais pelo kontrariu, situasaun ne’ebá piór liu”,subliña.

Enkuantu, oitavu Governu, liuhosi Konsellu Ministru iha loron 15, fulan Fevereiru, tinan ne’e, aprova regra serka sanitária ba munisípiu rua ne’ebé iha fronteira ho Indonézia, hanesan Bobanaro ho Covalima, hodi halo prevensaun ba COVID-19. Say

Add to Comments Here!!!!

error: Content is protected.
Secured By miniOrange
You might also like:
UPM la autoriza sidadaun Indonézia tama Ataúro

Durante implementa Estadu Emerjénsia, Unidade Polísia...

PN preokupa povu Bobonaro-Covalima hamlaha

Parlamenu Nasionál (PN) kinta lejislatura preokupadu...

Estensaun EE ba da-11 aprovadu iha PN ho regra parsiál

Parlamentu Nasionál (PN) kinta lejislatura aprova...

Close