JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT prefere redus osan gabinete VPM rua, PM Taur la simu

CNRT prefere redus osan gabinete VPM rua, PM Taur la simu

Primeiru Ministru (PM), Taur Matan Ruak, rejeita pedidu ka proposta alterasaun 5 ne’ebé aprezenta hosi deputadu sira bankada CNRT, kona-bá atu halo redusaun osan hosi gabinete Vise Primeiru Ministru (VPM) nain rua nian tanba dupla funsaun.

“ Agradese ba deputadu sira, maibe  infelismente ami labele ko’a, tanba ne’e iha ona, klaru ko’a mi halo ona ezersisiu barak ho kontribuisaun oituan-oituan, ita la’os de’it foin atu ko’a iha 7% ne’ebé foin dadauk governu hotu halo ba sesta bázika, maibe ba ida ne’e mós halo ezersisiu tan para ajuda, ho hanoin ida katak fundu petrolíferu labele foti, atu ko’a ami pronto atu ko’a, maibe dadaun ami la aseita.”tenik PM Taur iha diskusaun espesialidade iha Kuarta (21/04/2021).

Deputada proponente, Carmelita Caetano Moniz, afirma, presiza foti halo redusaun ba osan hosi gabinete ba vise Primeiru nain rua ne’e, tanba dupla funsaun, nune’e bele tau hikas iha fundu Covid-19.

“Gabinete vise PM nain rua ne’e nia osan bo’ot demais, sira nain 2 iha gabinete 4, ida fali gabinete PM ne’e assume mós funsaun MSSI, nia hamutuk $252 mil, no gabinete vise PM ne’ebé ka’er mós MPO, nia osan total 260 mil, total hamutuk $514 mil, maibe gabinete MSSI rasik nia osan hamutuk 420 mil, gabinete hosi MPO rasik nia osan $820 mil. Kálkula hamutuk $1.757, ne’e atu ba responde de’it gabinete hosi ministru rua ne’e, ne’ebé iha gabinete 4 kedas. Uluk Dr. Marí Alkatiri mós assume kargu 2, maibe gabinete ida, hanesan mós maun bo’ot Kay Rala Xanana Gusmão assume kargu rua maibe gabinete ida ne’e, inklui mós PM atual Taur Matan Ruak. Maibe membru governu 2 ne’e tenke iha gabinete 4 ne’ebé nia gastus despezas ne’e bo’ot teb-tebes, át liutan ita emprega ema la tuir nia kapasidade”,deputada proponente aprezenta razaun.

Lee hotu :   Horta sadik Taur litik Governante hatudu progresu servisu

“Ami haree katak ida ne’e despeza bo’ot tebes, la presiza, tanba ne’e ami hakarak hasai tiha gabinete rua ne’e nia osan, hamutuk $514 mil, hodi tau ba vasina ne’ebé prevê 13 milloens de’it. Tanba ami hakarak hateten katak, país barak iha mundu ne’ebé hosi sira nia rezultadu estudus ba sira nia provatóriu vasina astrazeneca, inklui mós Inglatera rasik, vasina AstraZeneca labele fó ba ema ne’ebé ho idade 30 anos ba kraik. Tanba ne’e ami hakarak iha tan vasina seluk ne’ebé iha kualidade di’akliu, no efetivu liu ba ita nia rain, ho kuantidade joven barak liu, kompara ho ferik katuas, nune’e labele fó risku ba joven sira ho idade 30 anos ba kraik, tanba ne’e ami hakarak foti osan ne’e tau ba fundu covid hodi sosa vasina.”argumenta deputada opozisaun ne’e.

Enkuantu bankada Fretilin ho KHUNTO rejeita a favór ba proposta refere, tanba iha ona orgánika Governu nian.

“Antes atu tau osan ne’e iha ona lei orgánika, kuandu iha orgánika maka tenke iha osan, se atu hasai osan tenke muda uluk orgánika, ne’eduni argumetu sira ne’e bar-barak maibe ladun kona dalan, se ita hasai hotu osan sira labele funsiona. Ezersísiu poder polítiku nian ne’e, dimensaun ida organizasional ne’e presiza element 3, meius, asaun no objetivu. Maibe se ita hotu-hotu hakarak mak objetivu bem estar ba estadu, entaun hotu-hotu tenke respeita báziku ne’ebé kria orgánika governu nian no tenke iha orsamentu.”dehan deputadu Joaquim dos Santos.

“Bankada KHUNTO la konkorda atu ko’a osan hosi gabinete vise PM ne’e.” António Verdial.

Vise PM nain rua ne’e ida husi partidu KHUNTO mak Armanda Berta no ida seluk husi Partidu FRETILIN mak José Reis.

Lee hotu :   Komemora 28 Novembru, gvernu gasta US$400.000

Iha loron dahuluk diskusaun proposta Orsamentu Retifikativu iha faze espesialidade ne’e, meza Prezidénsia Parlamentu Nasionál simu ona proposta hamutuk 49.Say

Add to Comments Here!!!!

error: Content is protected.
Secured By miniOrange
You might also like:
Seidauk simu sesta bázika, Komunidade Suku Madohi: Ami la’ós Estadu nia povu

Komunidade Aldeia Naroman, Suku Madohi, Postu...

Apoia umanitária husi Austrália to’o ona Timor-Leste

Aviaun Qantas ne’ebé tula sasán apoia...

Apoiu ai-han no materiál husi Xanana to’o ona iha Manatuto

Líder nasionál Kay Rala Xanana Gusmão,...

Close