JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN kritika Governu ko’a osan hosi AM-PDIM to’o 100%

FRETILIN kritika Governu ko’a osan hosi AM-PDIM to’o 100%

Atu responde ba kalamidade públika ne’ebé akontese iha fulan Abril ne’e, Prezidente Komisaun C, Maria Angélica Rangel, aprezenta proposta 10 resin ne’ebé maioria ko’a osan hosi kategoria kapitál dezenvolvimentu hosi munisípiu 12 no RAEOA hodi tau hikas ba fundu kontijénsia.

Deputadu bankada Fretilin, Antonino Bianco, lamenta, tanba Governu aseita pedidu ko’a osan  hosi Administrasaun Munisipál (AM) sira liu-liu iha Programa Dezenvolvimentu Integradu Munisipal (PDIM) ne’ebé ko’a to’o 100% husik mamuk kedas, nune’e,  tuir deputadu bankada Governu ne’e difisil atu dezenvolve munusípiu bainhira laiha osan.

“Iha Orsamentu ita tau $40 milloens unanimidade, atu kapitaliza BNCTL nu’udar banku Timor nian, atu fó kréditu ba ita nia Timor-oan sira, tanba situasaun 2, ita foti 20 milloens i tál halo ba COVID, tanba situasaun ita la espera, maibe mai fali mosu situasaun dezastre naturais ne’ebé tenke halo kontribuisaun. Ha’u rasik tuir loos la konkorda, maibe situasaun obriga i promesa ne’ebé governu fó katak tinan oin 2022 que promete é deve, labele dehan labele tan, hateten tiha ida ne’e, depois ba 2021 la halo, hanesan Timor-oan tenke reforsa BNCTL ne’e, tanba hahu uluk kedas, labele atu hanesan fali ho banku sira seluk, tanba banku Timor nian úniku mak ne’e. Mezmu ha’u ladun konkorda, maibe tanba ho promesa atu reforsa iha 2022, ne’ebé ok, maibe banku Timor tenke halo diferensa, mezmu ha’u la konkorda, maibe situasaun ne’e duni Governu tenke halo tuir promesa. Agora kona-bá defeza nian ne’e tuir loloos ita tenke reforsa la’os ko’a, maibe tanba situasaun, ba prosimu ano ne’e tenke reforsa hodi halo netik buat ruma. PDIM, dezenvolvimentu ki’ik oan sira ne’e mak tuir loos iha kraik ne’e halo, agora ita foti hotu osan ne’e atu halonusa tan, dezenvolvimentu integradu ne’e oinsa tan, maibe la buat ida ohin kedan dehan to’o kedas 0 ne’e ha’u la konkorda, tanba dezenvolvimentu labele konsentra de’it iha Díli, tanba situasaun obriga, ita tenke dehan redus balun para bele tau, mezmu todan, tanba ha’u-nia prinsípiu hakarak desentraliza dezenvolvimentu ne’e iha kraik, maibe tanba situasaun, hein katak Governu tenke preparasaun ba desentralizasaun poder. Agora kona-bá saúde nian, tuir loloos buat ne’ebé ita atu halo ka reforsa hospital sira, maibe ita hasai fali osan ne’e, maibe ne’e ha’u nia hanoin, se Governu hanoin ida ne’e mós presiza kontribuisaun, la buat ida.”kestiona deputadu bankada apoia Governu husi Fretilin ne’e iha diskusaun faze espesialidade daruak nian, Kinta (22/04/2021)

Lee hotu :   Somotxo: F-FDTL asegura povu no nasaun

Proposta alterasaun sira ne’e, kuaze altera hotu osan hosi kapital dezenvolvimentu ba munisípiu sira, iha programa dezenvonvolvimentu integradu munisipal ne’ebé foti to’o sem pursentu, inklui balun foti hosi fundu infraestrutura no kontribui mós hosi ministériu balun inklui UNTL ho BNCTL.

Ho nune’e deputada CNRT, Fernanda Lay reforsa katak, Governu altera osan ba mai, sei implika ba kada ministériu ne’ebé sofre alterasaun.

“Ministru Finansa ho Governu aseita (proposta alterasaun), maibe ha’u fó hanoin de’it, dotasaun todo Governu ne’e ko’a tiha ona 5,9% iha retifikativu $223,8 ne’e ba fundu Covid, agora ko’a tan lori ba ne’ebé konfuzaun. MS mós ko’a tiha ona ba retifikativu ne’e 1,8%,  depois agora deputadu bankada sira halo proposta atu ko’a tan, esplika to’o ida ne’e, MEJD ko’a tiha 0,8%, tanba labele ko’a tan infraestrutura át hotu iha udan bo’ot ne’e, SEJD ko’a tiha ona 5,3%, agora dehan UPMA haruka ko’a tan, lahatene atu halo tan saida. MCLN ko’a tiha ona 2%, agora atu ko’a tan $2 milloens, MOP ko’a de’it 1% tanba nia importante, maibe agora atu ko’a tan, MTK ko’a tiha ona 4,8%, agora ko’a tan, hau la intende, MAP ko’a tiha 5,5%, MD ne’e mós ko’a tiha 5,1%, agora ko’a tan, é uma konfuzaun, para kurize, iha proposta balun BNCTL ko’a tiha ona, agora atu ko’a tana saida, se ministru autoriza hau lahatene,”preokupa deputada opozisaun ne’e.

Alénde ne’e, Prezidente komisaun C, Maria Angélica Rangel, ne’ebé nu’udar proponente ba proposta hirak ne’e justifika, hanesan devér bankada Governu atu buka maneira hodi halo mudansa, maibe desizaun Governu, bainhira atu simu proposta alterasaun refere.

Lee hotu :   Kareta foun ba deputadu sira, PN seidauk simu informasaun husi CNA

Deputada Angelica Rangel argumenta, iha proposta ne’e deside foti 100% osan hosi kapital dezenvolvimentu iha programa Planu dezenvolvimentu integradu munisipal, tanba konsidera seidauk prioridade ka urjénsia, nune’e bele tau ba fundu kontijensia hodi responde uluk kalamidade ne’e.

“Ami nia proposta, la signifika ami atu obriga governu haruka ko’a osan ne’e, se governu konkorda, ami mós aseita, maibe governu la simu ami mós bele retira, tanba ami bankada Governu. Ida hanesan deputada Fernanda dehan governu ko’a tiha ona ne’e, governu kko’a ba buat seluk ida, hodi atende ba situasaun seluk, la konta dezastre nanturais. Ha’u mós konkorda katak munisípiu mós presiza osan, ha’u fó ezemplu balun atu halo rehabilitasaun moru no sede suku, balun atu halo rehabilitasaun ba fatin turístiku nian, entaun ami dehan ida ne’e la’os prioridade, maibe ami rasik la hasoru malu ho parte Governu, Ministériu Estatal. Tanba ne’e mak ami halo proposta hodi rona saida mak Governu atu ko’alia, la’ós ko’a tanba dehan ami lahatene”,justifika proponente ba proposta ne’e.

Maske nune’e, proposta hirak ne’e passa iha diskusaun espesialidade, no iha dotasaun todo Governu passa ho votus a favor 40, kontra 0, no abstensaun 22.Say

Add to Comments Here!!!!

error: Content is protected.
Secured By miniOrange
You might also like:
Xina sei apoia vasina Sinovac doze 100.000 mai TL

Governu Xina sei apoia, Vasina Sinovac...

Apoia vítima inundasaun, Administradór Liquiça agradese ba Xanana

Administradór Munisípiu Liquiça, Domingos da Conceição...

La konsidera deputadu, CNRT-FRETILIN kritika lesuk PPN

Diskusaun proposta orsamentu retifikativu (OR) iha...

Close