JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

La konsidera deputadu, CNRT-FRETILIN kritika lesuk PPN

La konsidera deputadu, CNRT-FRETILIN kritika lesuk PPN

Diskusaun proposta orsamentu retifikativu (OR) iha espesialidade,  bankada Governu aprezenta proposta 10 resin hodi halo alterasaun osan hosi ministériu sira, inklui osan ba administrasaun munisipál sira, Prezidente Parlamentu Nasionál (PPN), Aniceto Guterres deside hakarak vota de’it hodi lakohi fó tempu ba deputadu sira atu diskute, tanba ne’e deputada CNRT ho deputadu FRETILIN la simu hodi “raut lesuk” PPN, tanba la konsidera direitu deputadu nian.

PPN iha nia razaun atu lalika diskute demais hodi poupa tempu,  hafoin Governu deklara simu proposta hirak ne’e. Maibe deputadu sira husu PPN atu respeita direitu deputadu nian atu halo intervensaun tuir norma ne’ebé iha.

“Ha’u husu kolaborasaun deoutadu sira nian, para ita jere tempu, tanba ita komplika barak tiha ona, ko’alia barak nia rezultadu mak hanesan nafatin ne’e,  hau hatene inskrisaun barak, maibe se atu halo de’it komnetáriu de’it ba de’it proposta seluk, ita resolve uluk lai sira ne’ebé governu aseita, votasaun tiha mak diskute fali proposta ne’ebé governu la aseita ne’e.”deklara PPN Aniceto, Kinta (22/04/2021).

Nune’e deputadu bankada CNRT ho FRETILIN  mós lamenta,  rejimentu fó dalan atu deputadu sira diskute, bainhira iha proposta ruma, nune’e labele vota de’it.

“Ami presiza justifikasaun hosi proponente sira, ne’e direitu ida ne’ebé rejimentu rasik fó mai ami, se ami laiha direitu, entaun ita bo’ot sira ba hamutuk aprova de’it ona”,afirma deputada CNRT, Carmelita Moniz iha disksaun OR ne’e.

“Ha’u hanoin maske Governu aseita ona, maibe ita tenke buat balun ne’ebé atu reforsa, ita labele tanba Governu aseita ne’e de’it, ha’u hanoin tenke ko’alia atu reforsa ne’e. Ha’u hatene Governu simu hotu ona proposta ne’e, maibe agora ita tenke ko’alia, buat ne’e la’ós díalogu babain, ne’eduni labele one way de’it, ne’e plenária ne’e, ”kestiona deputadu Fretilin, Antonino Bianco.

Lee hotu :   Fidelis rejeita PM halo konspirasaun ho PR

Maske nune’e, Ministru Finansa, Rui Gomes, deklara, simu hotu proposta hirak ne’e, ho kompromisu atu tau hikas osan ba programa hirak ne’ebé nia osan altera hotu ba fundu kontijénsia hodi responde ba kalamidade ne’e.

“Ami simu hotu proposta ne’e, eseptu proposta ida fali ami husu se bele labele ko’a hotu kedas”,tenik governante ne’e.

Diskusaun ba Proposta Orsamentu Retifikativu ne’e, tuir ajenda to’o loron 26, fulan Abril ne’e, maibe depende mós proposta alterasaun ne’ebé deputadu sira aprezenta no diskute, nune’e posibilidade sei la finaliza tuir tempu determinadu.Say

 

Add to Comments Here!!!!

error: Content is protected.
Secured By miniOrange
You might also like:
Olga Mendonça mate ho COVID-19, hakoi iha Bekusi tuir protokolu OMS

Timor-Leste (TL) rejista tan kazu mate ida...

TIMOR-LESTE : DA PANDEMIA À INUNDAÇÃO E A FOME QUE SE ALASTRA, Com biliões de dólares “ adormecidos”. Por : Avelino Maria Coelho da Silva/Shalar Kosi FF

A pandemia causada pelovírus Covid-19) abalou...

Aviaun helikopteru AS365 Dauphin sei apoia vítima dezastre naturál

Aviaun helikopteru Super Puma  apoiu  husi...

Close