JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Naimori rekuperadu husi COVID-19 hafoin kumpri izolamentu

Naimori rekuperadu husi COVID-19 hafoin kumpri izolamentu

Konselleiru máximu Partidu KHUNTO, José dos Santos Naimori Bukar, rekupera hikas ona husi pozitivu COVID-19, hafoin izola-an durante loron sanulu resin ida.

Iha Domingu loron 28 fulan marsu ekipa saúde identifika, Naimori infetadu pozitivu ba corona virus, hodi izola-an iha izolamentu Novo Horizonte, no iha Segnuda, loron 29 fulan marsu Sentru Integradu Jestaun Krize (SIJK) liberta Naimori hodi ba halo auto izolamentu iha rezidensia rasik.

Maibé ikus iha loron hitu deside halo asaun solidarieade ba vítima inundasaun iha Maneluana, Díli tanba ekipa saúde deklara Naimori rekuperadu, tanba teste hatudu negativu.

Hafoin Namori tama izolamentu, iha segunda loron sanulu resin sia, Governu deside reuniaun Konsellu Ministru liu husi telekonferensia, tanba reuniaun refere deside husi vise Primeira Ministra, Armanda Berta dos Santos nu’udar feen kaben konselleiru KHUNTO.

“Husi saúde dehan katak ha’u hetan pozitivu ita tenke koopera ida ne’e para hatudu ezemplu ida bae ma hotu dehan katak buat ida korona ne’e la’os de’it bae ma lideransa no ema povu ne’e kualker ema nia la hili kualker se se sente buat ne’e ita hetan no kopera para para rekupera fila fali horibainruak ha’u mai swap fila fali ha’u hetan negativu, izolamentu durante loron 11”, dehan Naimori iha Manleu, Kuarta (07/04).

Primeiru Ministru, Taur Matan Ruak, dehan, konselleiru máximu KHUNTO la kontra regra Ministériu Saúde nian, katak ba ema ne’ebé deskonfia pozitivu Covid-19, halo kuarentena durante loron sanulu resin haat.

“Normalmente ita kuandu ba iha kuarentena médiku sira teste, se teste mak nia nafatin ne’e aumenta loron dala ruma bele 20 dias dala ruma bele 30 dias ne’e depende, mas kuandu laiha ona nia sai ona hanesan kazu bou naimori ni’an, tanba nia di’ak ona ita labele sulan nia bebeik, di’ak ona sai ona, tantu nia kualker ema ida nia di’ak ona, sai ona, la viola, viola karik dala ruma iha tiha ona kadeia la ba kadeia ne’e tanba la viola”.dehan.

Lee hotu :   Marí akuza opozisaun buka podér

Maske foin rekupera husi izolamentu, maibé konseleiru máximu refere la kumpri regra protokolu ministériu saúde ni’an, hanesan uza maskra ho lolos distansia fíziku no sosial, bainhira apoiu sasan bázika ba komunidade iha área manleu.

Alende ne’e, Naimori deklara nia prontu kopera ho ministériu saúde hodi simu vasina AstraZeneca, ne’ebé governu lansa ona iha kuarta loron hitu liu ba.

“Ha’u ba atu simu mas sira dehan la’e, tanba ita boot foin foin dadauk pozitivu agora rekupera fila fali ona katak ita nia imunidade boot liu makas liu atu rekupera fali ita nia moras entaun ita boot fila fali ba iha loron ikus”.dehan.

Vasina AstraZeneca ne’ebé Ministériu Saúde hetan apoiu husi Organizasaun Mundial Saúde (OMS) to’o iha Timor-Leste iha Segunda liu ba no lansa ona iha Kuarta feira loron hitu liu ba

Apoia vítima inundasaun iha Manleu

Nune’e mos, Konselleiru Partidu KHUNTO, José Dos Santos Naimori Bukar, apoia foos saka atus ida resin ba vítima inundasaun iha Aldeia Efaka no Mane Mesak, Manleuana.

Hafoin livre husi izolamentu, José Dos Santos Naimori Bukar deside hodi halo asaun solidariedade ba vítima inundasaun ne’ebé kauza husi udan no anin boot ne’ebé iha semana kotuk iha área maneluana, hodi lori sofrimentu boot ba populasaun iha área refere.

Naimori esplika, asaun karidade refere la’os reprezenta partidu KHUNTO, maibé hanesan individual, hodi fó asaun ba maluk sira ne’ebé susar kauza husi inundasaun.

“Ha’u hatete katak mai ida ne’e la’os polítika mai hanesan belun, mai hanesan belun, mai hanesan maun alin nu’udar timor-oan ida ne’e mak ha’u nia asaun karidade la’os foin primeira vez ha’u nia asaun karidade ne’e iha timor laran tomak la’e ita labele halo buat hanesan ne’e nu’udar sidadaun ida ne’ebé timor-oan nu’udar sidadaun ida ne’ebé lideransa, ita lideransa atu bele lidera ema hotu bele fó apoiu ba ema hotu”, Konselleiru Máximu Partidu KHUNTO, José dos Santos Naimori Bukar, iha Manleu, Kuarta (07/04).

Lee hotu :   Pandemia COVID-19 implika sasán folin sa’e, Estudante Timor-oan iha RI ameasadu

Asaun karidade ne’e, José Dos Santos Naimori Bukar halo ba komunidade iha aldeia Efaka no aldeia Mane Mesak suku Maneluana, Suku Bekora,  iha Aldeia La Sees ho total família atus lima resin, no tuir ajenda sei kontinua apoiu ba komunidade iha kapitál Díli tomak. Ina

Add to Comments Here!!!!

error: Content is protected.
Secured By miniOrange
You might also like:
Governu husu povu labele aproveita situasaun hasa’e no hatún líder sira

Primeiru Ministru (PM), Taur Matan Ruak,...

Governu fleksibiliza regra serka sanitária

Governu fleksibilza ka hamamar dadauk regra...

CNRT: Naimori livre implika ba povu la fiar COVID-19 iha TL

Vise Xefe bankada CNRT, Patrocínio Fernandes,...

Close