JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur: SIJK reprezenta ha’u koalia ho Maun Xanana ■Husu deskulpa ba família matebian FG

PM Taur: SIJK reprezenta ha’u koalia ho Maun Xanana ■Husu deskulpa ba família matebian FG

Primeiru Ministru (PM), Taur Matan Ruak, hatete, kona-ba mate-isin Armindo Borges ne’ebé Governu entrega tiha ona ba família, tanba ekipa Sentru Integradu Jestaun Krizi (SIJK), reprezenta nia hodi koalia ho líder nasionál Kay Rala Xanana Gusmão, no mos família matebian hodi haloot tuir tradisaun kultural Timor-Leste ninian.

“(Problema ne’e) ha’u haree sira laiha komunikasaun ho Maun Xanana, mas ha’u fiar sira ne’ebé iha sala situasaun ne’e reprezenta ha’u hodi koalia ho família sira ho Maun Xanana rasik para que hetan solusaun ida ba ida ne’e. iha tempu ida ne’e, ha’u mos tenta jere para desizaun ida que sai ema hot-hotu kontente e mais nia (Moras ne’e) labele lori  risku mai ita, karik aban-bain rua iha risku, labele dun dehan Matn Ruak mak halo sala, ou Maun Xanana mak halo sala, mas ita hotu asume nia risku ida ban-bainrua karik iha problema ruma”,dehan Xefe Governu, Taur Matan Ruak hafoin enkontru ho Prezidente Repúblika, Francisco Guterres Lú Olo, iha Palásiu Prezidensiál, Bairo-Pite, Kinta (15/04/2021).

PM Taur husu deskulpa ba família matebian FG

Nune’e mos, Primeiru Ministru (PM), Taur Matan Ruak hato’o deskulpa ba família matebian, Francisca Gama (FG) ne’ebé antes ne’e Governu liuhosi Ministériu Saúde haloot ona iha semitériu Covid-19 Metinaro, tanba ekipa saúde identifika matebian refere afeta bá Covid-19.

Maske nune’e, PM Taur Matan Ruak kontinua apela ba família matebian Francisca Gama, atu kuidadu saúde, tanba saúde iha ida-idak nia liman, iha ne’ebé Timor-Leste kontinua identifika númeru transmisaun kada loron.

“Hanesan primeiru ministru no mós Xefe bá sala de situasaun lidera ida ne’e, ha’u husu deskukpa ba família sira liu-liu ida ne’ebé hakoi uluk, ne’ebé ke balun dehan hakoi ladun di’ak, laiha dignidade. Ha’u husu deskulpa ba sira, ha’u mós husu komprensaun sira ni’an para tau ita ema nia saúde bá dala uluk”,dehan PM Taur.

Lee hotu :   PN preokupa dezenvolvimentu RAEOA laiha kontinuasaun

Matebian, Francisca Gama ho idade 44, moris iha Munisípiu Baukau, Postu Administrativu Laga, Suku Saelari, matebian husik nia la’en no oan na’in rua, matebian, Francisca Gama, ekipa saúde halot iha semitériu COVID-19 iha tersa (06/04) foin lalais ne’e.

Maske nune’e, antes ne’e matebian refere sofre moras komplikasaun hala’o tratamentu iha Hospital Nacional Guido Valadares (HNGV), ikus mai médiku sira identifika matebian pozitivu ba Covid-19, nune’e lori matebian ba izolamentu Tasi-Tolu, no ikus mai transfere fila-fali matebian bá iha sala izolamentu Vera Cruz to’o hakotu iis.  Ina 

 

Add to Comments Here!!!!

error: Content is protected.
Secured By miniOrange
You might also like:
Governu entrega mate-isin ba família, Xanana: Laiha ida mak manan, laiha ida mak lakon

Governu liu husi Sentru Integradu Jestaun...

BNCTL loke Ajénsia iha Kuluhun responde ba ezijénsia kliente

Banko Nasional Komersiu Timor-Leste (BNCTL-sigla Portugés),...

FONGTIL konsidera deklarasaun Somotxo modelu ditadura

Forum  Organizasaun Naun Govermentál Timor-Leste (FONGTIL)...

Close