JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konserva biodiversidade MAP realiza enkontru ho KI

Konserva biodiversidade MAP realiza enkontru ho KI

Atu hamosu polítika konservasaun ba biodiversidade no ekosistema iha área protejida, Ministériu Agrikultura no Peskas (MAP), realiza enkontru ho Konservasaun Internasionál (KI) iha Timor-Leste.

Durante iha enkontru ne’e, Vise Ministru Agrikultura no Peskas, Abílio Xavier de Araújo, halo aprezentasaun kona-ba lala’ok atu konserva floresta iha rai-laran.

Abílio hateten, Governu mós prepara planu hodi bele responde ba mudansa klimátika ne’ebé sempre akontese, liu-liu sustenta programa ema ida ai-oan ida, iha área protejida sira.

“Liu-liu koalia kona-ba saida mak konservasaun ai-horis, ohin aprezenta ona realidade ita haree ona buat balun ne’ebé mak ita ninia internasional sira bele koopera hamutuk ho Ministériu Agrikultura no Peska (MAP), bele halo serbisu lubuk ida ne’ebé mak iha dia 6, loron hira ba kotuk ami halo monitorizasaun ke di’ak tebes, rezultadu ohin ha’u aprezenta ita boot sira bele haree, hatudu pozitivu tebes ministériu ne’e nini’an, konservasaun ne’e rasik iha pozitivu, ha’u hanoin ba futuru sei bele iha buat ne’ebé di’ak, liu-liu ministériu iha polítika ida ne’ebé di’ak atu bele prepara kondisaun adekuadu, liu-liu rekursu hodi bele konserva ba ita nia rai iha floresta”, dehan, Vise Ministru Agrikultura no Peskas, Abilío Xavier, iha Caicoli, Kuarta (12/08).

Iha fatin hanesan, Diretór Konservasaun Internasionál, Manuel Mendes, hateten, sei apoiu Governu Timor-Leste, hodi bele hamosu planu sustentabilidade ba área protejida, nune’e bele fó rendimentu.

“Ita tenta atu apoiu ita nia Governu Timor-Leste atu bele oinsa mak bele halo planu kona-ba sustentabilidade finansiamentu iha área protejida ita mós sei planu kona-ba business plan, oinsa mak área protejida sira iha Timor-Leste to’o tempu ida sira bele hetan osan rasik. Tanba agora dau-dauk ita iha 44 área protejida orsamentu depende de’it ba ita nia Governu, ho projetu sira hanesan ita bele explora área protejida sira nia pontensialidade iha ekoturizmu no atividade sira seluk bele atrai turista sira,” tenik, Manuel Mendes.

Lee hotu :   DAMB PREOKUPA KONDISAUN EDIFISIU A'AT

Manuel Mendes informa, tinan ne’e konservasaun internasional Timor-Leste sei produz tan ai-horis, liu rihun atus rua, liu husi projetu steering committee.

Nune’e bele refloresta área protejida iha monte Legumau, monte Fatu-Masin inklui área geográfika iha Comoro no Irabere. Ina

Add to Comments Here!!!!

error: Content is protected.
Secured By miniOrange
You might also like:
SLXG-YCC selebra loron mundial juventude

Sala leitura Xanana Gusmão (SLXG) hamutuk...

Governu aprova dekretu lei fó subsídiu ba jornalista

Governu liu husi Konsellu Ministru (KM),...

Governu hahú prepara pagamentu ba lista reklamasaun

Ministru Prezidensia Konsellu Ministru (MPKM), Fidelis...

Close