JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fulan ida ona laiha solusaun, Formandu iha Israel ezije Governu TL foti solusaun imediata

Fulan ida ona laiha solusaun, Formandu iha Israel ezije Governu TL foti solusaun imediata

Formadu Timor-oan hamutuk nain 72 iha Terra-Santa Israel, ezije ba governu Timor-Leste, atu buka solusaun para bele fasilita ho urjentemente formandu sira, nune’e bele fila mai Timor-Leste, tanba pândemia COVID-19 kontinua aumenta loro-loron iha fatin hotu rejista kazu pozitivu COVID-19.

Nune’e  formandu sira husu ba Ministra Negósiu Estranjéiru no Kooperasaun (MNEK) atu sériu rezolve sira nia problema refere, tanba MNEK halo análiza ba sira nia ezijensia kuaze fulan ida ona, maibe seidauk hetan rezultadu pozitivu.

“Repúblika Demokrátika de Timor-Leste katak, Estadu de direitu demokrátika soberanu, ukun a’an ida mesak hari’i husi povu nia hakarak no respeita ba dignidade ema moris ida-idak, Estadu iha kompetensia atu proteje nia sidadaun tantu iha rai-laran no rai-liur, haree ba situasaun real ami estudante 72 hakarak husu  ba VIII Governu Konstitusional atu bele foti desizaun ho imediatamente”, deklara porta-voz, Akun Machados, liu hosi Video ne’ebé GMN asesu, iha Sesta (18/09/2020).

Ezijensia ne’e relasiona ho situasaun real iha Israel ne’ebé pândemia COVID-19 ho volume bo’ot kada loron aumenta ba bei-beik, iha kondisaun klíma ne’ebé manas bainhira seidauk tama iha klima malirin.

Formandu ne’e informa mós katak, iha kolega estudante ida maka deskonfia afeta COVID-19.

“Atu relata ba Governu Timor-Leste kona-ba pagamentu vou flight nian, ami iha orsamentu ne’ebé apropiadu, karik la sufisíente, Governu TL bele aumenta ho juri ne’ebé ki’ik”.

Alende ne’e, estudante Timor-oan hirak ne’e mós ezije ba Governu, atu nune’e bele hetan direitu ba subsidíu, hanesan mós estudante Timor-oan iha nasaun seluk.

“Relasiona ho notísia horiseik kona-ba subsídíu COVID-19 ne’ebé  publika katak, estudante hosi nasaun hotu-hotu hetan ona subsídiu, maibe so úniku estudante iha Israel mak la hetan subsídiu, ho ida ne’e ami klarifika ba Governu, liu-liu ba ministériu kompetente, katak nu’udar estudante, maibe la’os bolseiru, ami hirak ne’e naun bolseiru, hakarak ezije mós ami nia dereitu ba subsídiu COVID-19,” afirma Machado.

Kazu COVID-19 iha Israel dadaun ne’e rejista ona rihun 175, no rejista nível mundiál kuaze ema tokon 30 resin ona.

Porta-vos ne’e haktuir, núdar estudante ou formandu iha AICAT-Israel, hato’o agradesimentu ba governu Timor-Leste ne’ebé halo kooperasaun bilateral entre governu Israel ho Guvernu Timor Leste, ho nia objetivu prinsipál atu aumenta juventude ou estudante sira nia koñesimentu kona-ba agrikultura inovativu.

Formandu sira ne’e Timor-oan sira ne’e dezloka ba Israel, iha tinan 2019, liu hosi Ministériu Agrikultura no Peskas, ho polítika ministériu nian atu fó koñesimentu ba juventude sira kona-bá oinsa moderniza agrikultura ka agrikultura avansadu. Say

Lee hotu :   Konstruksaun rezidensia Prezidente ZEESM afeta ba komunidade

Add to Comments Here!!!!

error: Content is protected.
Secured By miniOrange
You might also like:
Ramos Horta: Maun Xanana hanesan mesias Timor-Leste

Premiadu Nobel da Paz, José  Ramos...

Relatóriu OMKDE, TL sai ona husi lista Estadu frájil

Relatóriu husi Organizasaun Mundial Kooperasaun Dezenvolvimentu...

Povu Ermera promete fó fiar hikas ba Xanana

Povu husi Suku Tolu iha Postu...

Close