JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta: Tempu ona RI rekoñese oho jornalista Australianu nain lima iha Balibo

Ramos Horta: Tempu ona RI rekoñese oho jornalista Australianu nain lima iha Balibo

Laureadu Nobel ba Paz, José Ramos Horta, hateten, tempu to’o ona atu Estadu Repúblika Indonézia (RI) tenke rekoñese nia tropa sira ne’ebé oho jornalista Australianu na’in lima iha Balibo, tinan 1975 liu ba.

Eis Prezidente Repúblika, José Ramos Horta, hato’o lia hirak ne’e, banhira sai bainaka iha debate públiku ne’ebé organiza husi Konsellu Imprensa (KI) hodi selebra trajedia Balibo Five ba dala 45, iha Postu Administrativu Balibo, Munisípiu Bobonaro, Sesta (16/10/2020).

Tuir Horta, ataque ne’ebé halo ba jornalista Australianu na’in lima iha momentu ne’ebá, mai husi Komando Pasukan Khusus (KOPASSUS) nu’udár forsa espesiál Indonézia nian la’ós Timor-Oan.

“Tempu to’o ona, tinan 45 ona para Indonézia iha korajen hateten ba mundu ba povu indonéziu militar KOPASSUS mak oho jornalista sira ne’e, inkluindu Financial Times mate iha Setembru, tinan 1999. Mundu iha direitu atu hatene, liu-liu família jornalista atu hatene. Tanba ohin Indonézia oin seluk, Indonézia 2001 rai ida demokrasia, liberdade imprensa mundu admira”, dehan Laureadu Nobel ba Paz ne’e.

Ho selebrasaun loron Balibo Five ba dala 45 ne’e, diplomata senior ne’e husu ba jornalista Timor-Oan sira wainhira hala’o kna’ar tenke kumpre nafatin kódigu étika jornalista.

Eis Jornalista ne’e mós hateten, to’o oras ne’e Governu Timor-Leste seidauk fó rekoñesimentu ida loloos ba trajedia Balibo Five.

“Importante mak istória sira hanesan ne’e bele halo parte kuríkulu eskola nian. La’ós de’it Balibo Five, inklui Roger East no akontesimentu sira seluk. Ne’e devia istória sira ne’e halo parte iha kuríkulu, maibé ita tenke kuidadu mós labele halo ema hanoin fali katak Indonézia halo buat sira ne’e hotu-hotu aat, lae, ne’e istória Indonézia no Timor-Leste iha pasadu”, hatete Horta.

Jornalista Australianu na’in lima ne’ebé mate iha Trajedia Balibo iha loron 16, fulan Outubru, tinan 1975 mak hanesan Brian Peters, Gary Cunningham, Malcolm Rennie, Anthony Stewart no John Shackleton. Tuir artigu CORONERS ACT, iha tinan 1980 ne’ebé publika iha loron 16, fulan Novembru, husi Dorrelle Pinch iha tinan 2007 jornalista nain lima ne’e hetan tiru no sona husi militar Indonézia, tanba hetan orden husi Xefe KOPASSUS, Major Jenerál Benny Murdani. oct

Lee hotu :   Lakohi repete masakre sira pasadu nian, AJAR husu Estadu labele diskrimina vítima sira

Add to Comments Here!!!!

error: Content is protected.
Secured By miniOrange
You might also like:
Francisco Miguel: Estudante Timor-oan 99% sei la kontinua estudu iha estranjeiru

Reitor Universidade Nasional Timor Lorosa’e (UNTL),...

Filomeno Paixão: Tenke iha estratéjia no prátika ba prevensaun Covid-19

Ministru Defeza no Seguransa (MDS), Filomeno...

MAP sei esforsu rezolve seguransa alimentar iha TL impaktu hosi Covid-19

Ministru Agrikultura no Peskas (MAP), Pedro...

Close