JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Natar hektare 100 resin hetan estragus totál iha Purugua

Natar hektare 100 resin hetan estragus totál iha Purugua

Komunidade Aldeia Lesupu, Suku Purugua, Postu Administrativu Kailaku, Munisípiu Bobonaro, senti triste, tanba mota estraga total agrikultor sira ninia natar hektare atus ida resin (100 resin), kauza hosi udan ne’ebé akontese iha sábadu kalan to’o domingu lokraik.

Tanba ne’e na’in ba natar hirak ne’e husu ba governu atu tau matan ba sira, tanba hare ne’ebé mota estraga atu kolleta, maibé lori sofrimentu bo’ot ba  komunidade ne’ebé refere.

“Ami natar na’in ami lakon lubuk ida, tanba atu kolleta ba mós mota sa’e estraga ne’e ami lakon no ami susar ba ai-han ona tinan ne’e ami susar bo’ot ba ai-han hanesan ai-han atu kolleta dadauk ne’e mós lakon hotu tiha ona, tanba ne’e husu ba governu ajuda tau matan netik ba ami sira ne’ebé oras ne’e be’e lori hotu”, afirma natar na’in, Mateus Leto Mau, iha bobonaro, Domingu (04/04/2021).

Ho situasaun ne’e autoridade Lokál Suku Purugua, Cornélio António husu ba governu liu-liu ministériu kompetente atu tau atensaun ba situasaun ne’ebé komunidade hasoru iha terenu relasiona ho udan no anin bo’ot ne’ebé akontese iha sábadu kalan to’o domingu lorokraik ne’e.

“Hare balun koa tidin hela mais bee lori hotu nu’udar autoridade ami sente triste, tanba akontese dezastre ne’e bee lori hotu komunidade nia ai-han no sira mós lakon, husu ba autroidade kompente bele tau matan ba situasaun ne’e, estraga kektare 100”,haktuir Cornélio.

Hosi udan kalan iha loron 4 fulan Abril to’o iha loron 5 loraik ne’e hamosu inundasaun la’os de’it lori sofrimentu ba populasaun iha Bobonaro, maibé akontese mós iha kapitál Díli no mós munisípiu seluk.

Lee hotu :   Komunidade afetadu ba DN hein Xanana nia prezensa

Inundasaun iha kapitál díli maioria komunidade sai vítima ne’ebé ema balu lakon sira nia vida, tanba laiha dalan atu salva aan, rai monu taka komunidade sira nia uma, uma balu mota lori total, uma balu hetan estragus, balu la salva sasan bee lori. Ina

Add to Comments Here!!!!

error: Content is protected.
Secured By miniOrange
You might also like:
Erozaun iha Maubisse, hamate ema na’in 5

Udan ho intensaun boot ne’ebé akontese,...

Inundasaun estraga fasilidade protesaun no medikamentu balun iha SAMES

Inundasaun ne’ebé akontese iha sábadu no...

Rai taka uma 84 no transporte 13 iha Lisbutak kauza husi erozaun

Uma   84  no  motorizada 9 no...

Close