JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Família estudante baku profesor Eskola desidi suspende atividade aprendijazen

Família estudante baku profesor Eskola desidi suspende atividade aprendijazen

Família estudante baku profesor ho naran kompletu Cornélio Sequeira dos Santos, iha eskola Ensinu Báziku Sentral Númeru 4 Fatumeta Díli, ho akontesementu ne’e diretora eskola desidi suspende prosesu aprendijazen durante semana ida.

Kazu família estudante baku profesor ne’e akontese iha loron Tersa-Feira, mais ou menus tuku 10 iha eskola refere.

Diretora Eskola Ensinu Bázika Sentral númeru 4 Fatumeta Fernanda Caldeira Belo desidi, suspende provizóriu atividade eskola durante semana ida, hodi hein prosesu investigasaun.

“Akontesementu ne’e akontese iha Tersa-Feira tuku10:45 Otl ,wanhira professor Cornélio Sequeira dos Santos, fó aulas iha turma B, alunus sira turma C halo baruillu nia ba hatete ba sira atu nonok, tanba iha sorin ne’e aulas ho nune’e alunus feto na’in 2 hala’i ba mai entaun profesor hala’i ba rakut sira nia fuk para haruka tur, entaun labarik sai hodi ba bolu inan-aman, maibé la’os inan-aman mak mai de’it, maibé oknum PNTL ida sem farda mak tula mai ho kareta Kijang ida mai eskola hodi halo rungu-ranga ema dehan telefone polisia nia dehan lalika telefone polisia ha’u mós polisia,” Diretora Eskola Ensinu Bázika Sentral Númeru 4 Fatumeta Fernanda Caldeira Belo, ba GMN iha EBC Fatumeta Dili,Tersa (19/9).

Tuir kronolojia, lezadu hanorin hela estudante iha aula laran, maibé estudante suspeitu ne’e barullu iha sala sorin, tanba ne’e profesor halai ba rakut nia fuk, ho nune’e estudante ne’e halai ba to’o inan aman no família ho kareta isin ida, inklui oknum Polisia Nasional Timor-Leste (PNTL) ho sivíl to’o iha eskola.

Hafoin to’o iha eskola arguidu, buka kedas profesor lezadu ne’e, no haksoit hodi tebe profesor nia hirus matan.

Lee hotu :   UNTL Pratika Kompetisaun Kultural

“Ha’u deskonfia sira mai ho planu no grupu organizadu, tanba mai ho kareta, tamba inan-aman mak mai, la’os mai ho kareta, depois mai sei koalia hela nia oan mane tebe ida iha profesor nia hirus matan, ami la simu buat ne’e nune’e ami ba polísia ona, ami ba iha ne’eba aman mós nega katak, labarik mane ida tebe profesor nia hirus matan la’os nia oan mane, maibé nia oan feto dehan nia maun,” Fernanda Caldeira esplika.

Nia hatutan profesor durante ne’e, nunka halo problema ho ema, maibé nu’udar profesor no hanesan mós aman ida ativu tebes hodi esforsu no hanorin ba nia oan sira atu sai matenek.

Entretantu Superintendente Edukasaun Munisípiu Díli Virgílio Freitas Cabral, konsidera asaun husi inan-aman hasoru profesor ne’e krime, no tenki prosesa tuir lei.

Maibé husu mós ba diretora eskola , atu labele suspende atividade eskola, tamba bele prejudika estudante sira seluk , nia prosesu aprendijazen , atu prepara ba izame terseiru síkulu no ezame nasional.

“Akontesementu ne’e hau rona hau telephone kedas ba komandante polisia nune’e horseik polisia to’o kedas iha eskola,maibe inan aman ne’ebe baku professor ne’e entrega an ba polisia ona ,lolos ne’e inan aman ba husu professor ou direzente eskola ho didiak ,tamba iha eskola mos iha dirizente maximu ,maibe ba to’o fatin eskola familia baku liu ona ,entaun ida ne’e krime nune’e tenki tuir prosesu lei nebe vigora iha Timor-Leste”Superintendente Edukasaun Munisipiu Dili Virgilio Freitas Cabral, informa.

Profesor ne’ebé hanorin iha eskola Ensinu Bazika Sentral ne’e ,  hamutuk 44 no estudante 1398.tos

Add to Comments Here!!!!

error: Content is protected.
Secured By miniOrange
You might also like:
Prezidenti Repúblika sei estuda OJE 2018

Prezidenti Republika, Francisco Guterres Lú Olo...

Polémika PPN vota kontra viajen PR, Arão Noe: Ha’u kumpri disiplina partidaria

Prezidenti Parlamentu Nasional (PPN), Arão Noe,...

ETV-PNLS laiha edifísiu rasik

Xefi Apoiu Tékniku Eskola Tékniku Vokasional...

Close