JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS promete kombate barata iha HNGV

MS promete kombate barata iha HNGV

Ministériu Saúde (MS) liu husi Primeiru Vise Ministru Saúde, Asuntu Kuidadu Saúde Primaria, Élia dos Reis Amaral, promete sei kombate barata iha Hospital Nacional Guido Valadares (HNGV), ne’ebé durante ne’e pasiente no família pasiente sira preokupa.

Vise Ministru Saúde, nomos Élia dos Reis, hateten, problema barata iha HNGV durante ne’e sai preokupasaun bo’ot ba entidade hotu inklui mos MS, tanba ne’e Ministériu Saúde planu ona sei servisu hamutuk ho parseiru dezenvolvimentu balun husi Australia hodi kombate problema ne’e.

“Kazu barata ne’e ha’u hanoin tinan-tinan sempre mosu iha HNGV, entaun ida ne’e iha inisiativa VIII Governu konstitusional liu husi MS hakarak kombate no hakarak hatudu dehan katak zero barata ne’ebé ohin (Horseik) kompañia ida mai halo ona observasaun iha ne’e nune’e ita hein katak hahú Segunda semana oin bele mai halo ona servisu atu rezolve problema kauza ba barata”,Élia dos Reis Amaral, ba jornalista sira iha HNGV, Bidau, Sesta (28/9/2018).

Élia dos Reis Amaral, hateten, problema barata ne’e kestaun importante ida ne’ebé Ministériu Saúde tenki kombate duni tanba alende fo preokupasaun ba pasiente fo mos preokupasaun ba família inklui mos MS, tanba HNGV nu’udar hospital topu referensia nasaun nian ne’ebé nia pasiente la’os Timor-oan de’it maibe mos estranjeiru, tanba ne’e tenki kombate duni.

Iha fatin hanesan, Diretor Nasional Administrasaun Lojístiku no Patrimóniu Estadu Ministériu Saúde, Francisco Borges, afirma, atividade limpeja ne’e alende atu responde preokupasaun pasiente kona-ba kondisaun hijine HNGV.

“Ohin ne’e (horseik) lolos loron mundial kontrola vetor nian tanba ida ne’e mak MS servisu hamutuk ho HNGV hodi hala’o atividade ida ne’e, ninia fokus ne’e ba iha infermeira laran nomos iha liur para depois atu haree sasan sira hanesan preokupasaun kona-ba barata ne’ebé mak durante ne’e sai preokupasaun, tanba ne’e mak ami halo atividadade ida ne’e ne’ebé diretamente diriji husi Vise Ministra, ne’ebé involve husu Diretor no xefi departementu sira inklui funsionáriu sira, tanba hospital ne’e ita presiza hadia liu-liu kona-ba barata ne’ebé mak sei barak, maibe importante mak ita hotu-hotu ne’ebé mak uza HNGV tenki kuidadu tanba ita hatene katak barata ne’e nia moris fatin ne’e iha fatin sira ne’ebé mak ladun mos, iha hahan restu hanesan etu no sira seluk tanba dala ruma ita fase bikan nia restu rai hela entaun ida ne’e mak konvida barata”,dehan Francisco Borges.

Lee hotu :   Ministru Saude lansa Sistema dijitalizasaun rejistu internado

Nia esplika, ho kauza husi foer sira ne’ebé iha mak entidade hotu liu-liu utilizador sira tantu enfermeiru, pasiente nomos família pasiente tenki kuidadu hodi tau hahan restu iha nia fatin nune’e labele hamosu barata.

Nia afirma, atu rezolve problema barata iha HNGV mak MS sei koordena ho peach control husi Australia nian hodi identifika kauza husi Barata.

“Hahú segunda semana oin sira atu halo aprezentasaun planu konkretu ida oinsa mak atu bele elimina Barata iha ita-nia fasilidade saúde sira para depois ita bele iha ambiente ida ne’ebé mak mos, ambiente ida ne’ebé mak saudavel atu labele fo fila-fali moras ba ita sira ne’ebé mak servisu iha laran ne’e”,dehan Francisco Borges.

Atividade limpeza ne’ebé hala’o iha HNGV ne’e mak hanesan, hamos foer iha liur no laran, lori ekipamentu supa rai rahun nomos valeta inklui hasai ekipamentu saúde liu-liu armari, besi tau soru no seluk tan hodi halo manutensaun tanba balun a’at, balun ferujin no balun fali rai rahun nakonu.

Koordenador kompañia Labiday, hateten, nu’udar parseiru Ministériu Saúde nian ne’ebé durante ne’e servisu hamutuk iha area manutensaun no cleaner nian durante ne’e iha Ministériu Saúde, liu husi loron Internasional kontrola Vetor ne’e, fo apoiu téknika gratuita ba HNGV hodi hala’o manutensaun ba ekipamentu saúde sira ne’ebé mak avaria no fruju iha HNGV.

“Durante ne’e kompañia Labilay Unipessoal Lda, servisu hamutuk ho Governu liu husi Ministériu Saúde nomos Ministériu Solidaridade Sosial. Loron ida ne’e MS husu ajuda atu mai halo servisu hamutuk iha ne’e hamutuk ho funsionariu MS nian no HNGV atu halo servisu ho objetivu atu hadia ekipamentu sira ne’ebé mak avaria, fruju maske servisu cleaner iha HNGV ne’e uluk kedas iha maibe tanba sira-nia servisu agora dadauk seidauk másimu entaun MS husu ita nia ajuda hodi halo manutensaun no fase sasan sira ne’ebé mak barata nakonu”,Koordenador Kompañia Labilay hateten.

Lee hotu :   Moras mental presiza atendimentu diak husi pesoal saúde

Tuir planu Ministériu Saúde sei tau programa limpeza iha ajenda Ministériu Saúde nian nune’e bele sai ajenda rutina ida ne’ebé mak la’os halo de’it iha tinan ida dala ida, maibe bele halo kada semana.Ola

Add to Comments Here!!!!

error: Content is protected.
Secured By miniOrange
You might also like:
Mudansa estrutura FRETILIN depende polítika partidu

Vise Xefi bankada FRETILIN, deputadu Francisco...

Governu sei reforsa kapitaliza BNCTL

Governu konstitusional daualu iha hanoin ona...

Komemora aniversáriu Bank Mandiri ba dala 20 ho doasaun ran

Atu komemora aniversáriu Bank Mandiri nian...

Close