JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

(Indonesia) Bebé kaduak fuan ida, seidauk iha desizaun ba operasaun

(Indonesia) Bebé kaduak fuan ida, seidauk iha desizaun ba operasaun

Foto:facebook

Hospital Nacional Guido Valadares (HNGV) halo diagnostiku ba bebé feto kaduak nebe transfere husi Hospital Referensia Sui mai nee iha fuan ida deit, tanba nee HNGV buka hela kontantu ho mediku espsialista iha rai liur atu bele hetan opiniaun balu konaba problema nee.

Diretúr Assistensia Klinik Hospital Nasional Guido Valadares (HNGV), Flavio Brandáo hateten, modalidade diagnostika ne’ebe Hospital Nasional Guido Valadares (HNGV), iha maksimu uza ho opiniaun mediku spesialista ne’ebe iha HNGV.

No hetan mos vizita husi ekipa East Timor Health Found katak mediku ne’ebe mak halo ultrasaun ba moras kurasaun iha HNGV no involvimentu sira nian importante tebes halo diagnostiku.

“Husi Diagnostika ne’e ita iha evidensia hatudu ona katak Bebé rua nene’e fuan ida deit, ida ne’ebe mak sei prejudika ba nia outcome”, hateten, Flavio Brandáo ba Jornalista sira iha nia knar fatin HNGV, Kuarta (20/02/2019).

Diretúr ne’e dehan ema bolu kaduak (twins-red) ne’e bele iha ulun ida deit, bele iha hirus matan deit, kabun deit, liman ain deit. Kuandu orgaun ida mak sustenta ema nain rua, sei iha kabun deit nia posibilidade survive ne’e sei diak liu kompara iha hirus matan ou kurasaun.

Situasaun ne’e, HNGV sei halo mos performance diagnostika husi ST-CAN no opiniaun seluk no ekipa hospital nian mos halo hela konstulta referál ho hospital rai liur Indonesia, Malaysia, Singapura atu hetan opiniaun husi evidensia ne’ebe mak iha.

“Ita sempre buka meius ou dalan ida ke diak liu ba bebé ne’e, meius ne’ebe ita halo ho modalidade ne’ebe iha no kosultasaun ho hospital rai liur la’o hela no opiniaun husi expertu rai laran no ita sei para iha desizaun balun ne’ebe favorese ba pasiente ne’e, ida ne’e mak meius hospital halo hela”, hateten, Diretúr Assistensia Klinik HNGV.

Lee hotu :   Orientasaun estudante foun UNTL hahú iha Abril

Nia esplika operasaun ba kurasaun ne’e laos kualker fatin ida halo, ne’e kazu ida ne’ebe uniku nomos iha fatin barak-barak, entaun atu halo operasaun ka lá operasaun depende ba sentru ne’ebe HNGV kontaktu.

“Operasaun ka lá operasaun depende ba sentru ne’ebe ita komunika ba ita hatene katak kazu ida ne’e uniku la’os fatin hotu-hotu bele halo mos entaun ita hein opiniaun sira ne’e hotu ita sei bele hetan tan rezultadu diak,” esperansa Diretúr.

Kona-ba perguntas HNGV labele halo operasaun iha posibilidade ka lae transfere ba rai liur, Diretúr Assistensia Klinik HNGV Flavio Brandáo hateten posibilidade bele ba rai liur, maibe sé ba mak lahalo deferensia mos ne’e desizaun.

“Posibilidade ba bele maibe depende ba fatin ne’ebe mak atu ba karik hakarak simu ka labele tanba nia simu hodi halo buat ruma sin, nia simu mak lahalo deferensia mos ne’e ita husik sira nia desizaun ita lakohi influensia iha desizaun klinika nian ba kazu sira hanesan ne’e,” dehan, Diretúr Assistensia Klinik HNGV.

Flavio Brandáo esplika problema ne’e akontese, tanba sel telur ho sel sperma hasoru malu iha mudansa iha kompanen gen iha tempu konsepsaun bele akontese kaduak.

“Normalmente akontese iha proses pembuahan katak sel telur ho sperma hasoru malu iha mudansa iha ne’eba iha nia level jenetik  entaun akontese buat sira ne’e mosu i la’os komon, maibe bele akontese, ne’e la’os moras ida,” esplika Flavio Brandáo.

Flavio Brandáo reforsa liutan katak iha nasaun sira avansadu liu ne’e bele halo diagnostiku iha inan nia kabun bele hetan ona no halo intervensaun iha tempu ne’eba kedas, no iha kontenente ASEAN seidauk iha ekipamentus hodi halo intervensaun.

Lee hotu :   Prezu ida moras HIV-SIDA

Nia dehan asaun prevensaun familia hotu tenke hakbesik – án ba mediku hodi hetan esplikasaun, liu –liu ba inan isin rua sira ne’ebe mak besik fulan sia tenke rutina hodi miniza buat ne’ebe ladiak.

Flavio Brandáo firmiza katak reasaun husi Ministeriu Saúde mak kontinua fó fiar nafatin ba HNGV hodi buka dalan ne’ebe diak hodi solusiona ba Bebé kaduak Feto nee.

Entretantu, Bebé kaduak Feto ne’e moris iha Hospital Suai Domingu (17/02/2019) no Tuku 02:00 OTL Madrugada Segunda (18/02/2019) transfere kedas ho Aviaun ba HNGV no oras ne’e dadauk hetan tartamentu intensivu iha sala maternidade HNGV.

Inan no Aman husi Bebé kaduak Feto, Adelaide Maria – Bruno dos Santos Guidinho husi Suku Kamanasa, Postu Adminsitrativu Suai Villa, Munisipiu Covalima. Eus

 

Add to Comments Here!!!!

error: Content is protected.
Secured By miniOrange
You might also like:
TL-Indonézia asina MoU ba kontrolu moras hada’et

Governu Timor-Leste ho Indonézia asina Memorandum...

Polémika rekrutamentu UNTL 2019, PN sei bolu MESSC no Reitor UNTL

Prezidenti komisaun G Parlamentu Nasional (PN),...

DIA 20/02/19 || GMNTV LIVE STREAM || JORNAL NASIONAL KALAN

Close