JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

INS lamenta professional saúde balun diskrimina pasiente defisiente

INS lamenta professional saúde balun diskrimina pasiente  defisiente

Diretora Formasaun  Instituto Nasional da Saude (INS), Dircia Maria Soares, lamenta, ho atitude profesional Saúde balun iha Hospital Nasional Guido Valadares (HNGV), ne’ebé halo diskriminasaun ba pasiente difisíente sira,  hodi hasai liafuan mal, tanba pesoal saúde sira tenki halo tratamentu hanesan ba Timor-oan hotu.

Dircia Maria Soares, triste tebes ho atitude pesoal saúde  balun ne’ebé mak hatudu hahalok aat ida ne’e ba pasiente ema ho defisiente, tanba durante ne’e sira fo formasaun bebeik ba sira, maibé formasaun ne’e, pesoal saúde sira nunka implementa iha sira nia servisu.

 “Kundu ami hetan krítika husi Parlamentu Nasional kona ba atitude pesoal saúde sira ne’e, ami mensajen kedas ba sira iha HNGV, ami husu tuir kedas karik sira ne’ebé mak hasai liafuan ne’e, sira ne’ebé mak seidauk tuir formasaun, tanba ne’e sira lahatene oinsa atende pasiente ho kondisaun difisiensia, mas lolos ne’e  ita idak-idak nia an, tanba molok mai servisu no simu formasaun, iha momentu eskola mós ita iha kedas ona kode étika mas ita lahatene  karik tanba saida”, hateten Dircia Maria Soares ba GMN iha nia servisu fatin INS Comoro Díli,  Sesta (5/4/2019).

Dircia  haktuir, iha kontestu formasaun ne’ebé mak INS fó ba pesoal saude sira, liu-liu kona ba defisiente sira, normalmente INS sempre haree aspeitu kona ba bareira sira ne’ebé mak presiza pesoal saúde sira uza ba maluk defisiente sira mak hanesan, oinsa hasai liafuan no atitude ne’ebé mak di’ak ba ema ho defisiente.

Relasiona ho atitude profesional saúde balun ne’ebé seidauk hatene bareira hirak ne’e, tenki buka  hatene iha future, tanba  dadaun ne’e, INS servisu hamutuk ho parseiru dezenvolvimentu sira hanesan, DIFAT  husi Governu Australia, hodi estabelese pakote formasaun ba fomadu sira, liga ba iha dizabilidade ba defisiente sira.

Lee hotu :   • Luis Lobato Uniforme Saude labele uza sai sumasu

“Ami iha ona planu desde kedas tinan kotuk, ne’ebé ami hahú tiha ona ami-nia pakote formasaun, ne’ebé ami halo ona pakote formasaun ba ami-nia fomador sira, ne’ebé kuaze na’in 15 mak selesionadu para tuir formasaun ida ne’e, molok sira ba fó fali formasaun ba ema seluk, no programa ida ne’e ami sei fó prioridade ba Munisípiu 5 mak hanesan, Munisípiu Díli, Munisípiu Ermera no Munisípiu  tolu seluk tan, maibé ami mós iha Munisípiu Díli no Ermera hanesan projetu pilotu, tanba Munisípiu rua ne’e tuir ami nia peskiza, barak liu mosu  diskriminasaun hanesan ne’e.  Entaun ami sei implementa uluk iha Munisípiu rua ne’e, maibé Munisípiu hotu mós sei hetan hotu formasaun hanesan”, relata Diretora  INS ne’e.

Antes ne’e, Parlamentu Nasional, liu husi deputada bankada UDT no Frente Mudança, Isabel Ximenes, kestiona makaas atendimentu pesoal saúde balun iha HHNGV, tanba konsidera halo diskriminasaun ba pasiente defisiente sira.ola

Add to Comments Here!!!!

error: Content is protected.
Secured By miniOrange
You might also like:
Lakohi repete masakre sira pasadu nian, AJAR husu Estadu labele diskrimina vítima sira

Diretur Ezekutivu Asia Justice and Right...

TDD notifika eis PPN Vicente Guterres

Prezidenti Asosiasaun Majistratura Judisial Timor-Leste (AMJTL),...

PM enkontru ho membru Governu indijitadu

Primeiru Ministru (PM), Taur Matan Ruak,...

Close